2 Juan 1:11 - Biblia

¹¹ Echa’ä pere yawe chupe jukuärái, piñemɨïru ma ko peï jae ndiwe mbae kachi uyapo wae rupi jare teko pe ma peï.

Guaraní Pe (Western): Simba

¹¹ Echa'ã pere yave chupe: “Tumpa ndiveño”, piñemɨĩru ma jae ndive icavi mbae vae uyapo vae re.

2 Juan 1:11 Iomraidhean Croise

Efesios 5:11

Pe reta pikuaa jokua pɨ̈tumimbi pe ñonoï wae reta jeko. Jae reta jekuaeño uyapo wɨari rupi mbaembae kachi wae mara pewa. Jare pikuaa wi jokua mbaembae ndarau ueru mbae ikawi wae. Jáeramo awɨye piñemɨïru jae reta ndiwe mbae kachi uyapo oï reta yawe. Awɨye awe piyemɨngeta jokua mbaembae uyapo reta wae rewa. Erëi pembɨetata ko chupe reta jokua re opaete wae reta jowake.

1 Timoteo 5:22

Jare awɨye iñemɨani nembɨjee waerä kía Cristo re wɨrowia wae reta itenondewarä. Imeta ko ndikuaa kawi rani jeko. Echa’ä uyekuaa yawe jae yepe jeko kachi wae, nde nenoita wi teko jokua re Tumpa jowai, echa’ä nde nembɨjee tenondewarä ramo. Jayawe iyandareko kawi ndiyé awɨye waerä ndiyapo mbae ikawi mbae wae.

Hebreos 5:13

Echa’ä michi wae reta necheño jou wae ndeiño uikuaa mbae jupi wae rewa. Jare jukuärái rami ko pe reta wi.

Judas 1:23

Jare ïru wae reta imeño wɨrowia’ä ñonoï Cristo re. Jayawe pemɨmbeu kawi chupe reta Cristo rewa, tata wi kía pepɨ wae rami. Jare ïru wae reta re pemae piparareko rewe. Erëi piyandareko kawi piyé pipɨu rewe awɨye waerä pereko kachi jae reta rami. Ikawi ko perɨ̈ro waerä chuwi jemimonde awe umɨngɨa jeko kachi pe wae.

Apocalipsis 18:4

Joko wi ayandu ïru ñee ara wi jei: “Peë joko wi, cherëtara reta, awɨye waerä piyapo kachi jae reta uyapo wae rami, jare awɨye waerä piporara mbaesusere reta chupe reta uyeyapota wae.