2 Juan 1:1 - Biblia

¹ Nde cherindɨ mii Tumpa ndeparawo wae, che ko jae Cristo re wɨrowia wae reta itenondewa. Kua tupapire aikuatía aï ndewe jare nemembɨ reta pe wi. Che puauete ko añetete rewe. Erëi cheño’ä ko puau aï. Jae nunga perau wi opaete ñee añetete wae uikuaa wae reta.

Guaraní Pe (Western): Simba

¹ Che co jae Juan. Jecuaeño aico upurugüɨrovia vae reta itenondeguarã. Nde co jae penti cuña Tumpa uiparavo vae. Aicuatía aĩ cua tupapire ndeve jare nemembɨ reta pe. Che puau añete vae perovia ramo. Jae ramiño vi opaete añete vae uicuaa vae reta perau che puau rami.

2 Juan 1:1 Iomraidhean Croise

San Lucas 1:3

Jare che wi aikuaa kawi opaete kua uyembɨpɨ wiwe uyeyapo wae, echa’ä ayemboe kawi ma jese ramo. Jare chemaerä ikawi ko aikuatía waerä ndewe opaete kua mbaembae uyeyapo wae, chemburuwicha Teófilo.

San Juan 8:32

Jare jukuärái pikuaata añetete wae, jare jokua pembopoikata oï,” jei chupe reta.

Hechos 11:30

Jare opa ma umbatɨ reta korepoti yawe, uiparawo reta Bernabé jare Saulo wɨraa waerä ɨwɨ Judea pe Cristo re wɨrowia wae reta itenondewa reta pe.

Romanos 16:13

Jare pembɨsaluda mii chewe Rufo jare ichɨ wi. Rufo wɨrowia kawi yandeYa re, jare jae ichɨ jekuaeño uyandareko kawi cheré chesɨ rami.

Gálatas 2:14

Jayawe aecha yawe jae reta yureko’ä añetete wae rupi ñee ikawi wae yanemboe wae rupi, che jae Pedro pe etei opaete wae jowake: “Nde ko jae judío, erëi kua pe ndeya ma judío reta jeko ndiko waerä judío mbae wae reta rami. Jokua jaekawi ko. Erëi ¿këraita ra añawe ndesɨrɨ neï chuwi reta? ¿Ndipota ra jae reta wɨrowia waerä ikɨa ra ñonoï Tumpa kotɨ jare imeta ko uyeyapo judío retarä?” jae chupe.

Gálatas 3:1

Pe reta Galacia pewa reta, ¿maera pa pearakuaa’ä mbate piko? Che perowake etei amɨmbeu kawi ma pewe kërái Jesucristo umano kurusu re wae. ¿Kía ra ko uyapo pewe pearakuaa mbae echa piko waerä?

Gálatas 5:7

Pe reta tenonde yawe pewata kawi piko tëi Tumpa kotɨ. Erëi ¿kía reta pa yuweru pembopa añetete wae wi?

Colosenses 1:5

Añetete kua jekuaeño piyapo peï, echa’ä pe reta peäro peï perowia katu rewe jokua mbaembae ikawi wae Tumpa ime onoi ara pe pemaerä wae. Jukuärái pikuaa ma ñee ikawi wae Cristo rewa piyandu ramo wiwe. Jokua ko jae ñee añetete wae.

1 Timoteo 2:4

Echa’ä jae uipota tëi opaete wae uepitɨ kawi waerä añetete wae jare onoi waerä tekowe opa mbae wae.

Hebreos 10:26

Echa’ä jekuaeño ñanekɨrëɨ rewe yayawɨ Tumpa kotɨ yawe yepe tëi yaikuaa ma añetete wae Cristo rewa, jayawe mbaetɨ ye ma mbae uñemee waerä mbaembae yayawɨ wae re.

1 Pedro 5:1

Añawe pe Cristo re perowia piko wae reta, che aipota ambɨarakuaa petenondewa reta kuärái: Che ko jae peparawɨkɨ ïru. Jare che aecha cheresa pe etei kërái Cristo uiporara yanderé. Jare Cristo ou ye yawe imbaepuere jembipete rewe, che wi ayerowiata pe reta ndiwe. Jáeramo che pumɨñera

1 Pedro 5:13

Opaete wae reta Cristo re wɨrowia wae kua Babilonia pe ñonoï wae omondo pewe saludo. Tumpa uiparawo wi jae reta pe reta peparawo rami. Jae ramiño wi Marcos omondo pewe saludo. Jae ko cheraɨ rami.

1 Juan 2:21

Jare che aikuatía aï pewe pumɨmɨräta waerä jokua pikuaa wae re. Jare pe reta pikuaa kawi peï pëti apu ou’ä ko añetete wae wi.

1 Juan 3:18

Jayawe cheraɨ puau wae reta, yapuruau mii mbaembae yayapo wae rupi añetete rewe. Awɨye yapuruau ñaniñee peño.

2 Juan 1:13

Ndepɨkɨɨ, jae ko Tumpa uiparawo wae wi. Jare jae imembɨ reta omondo pewe saludo. Jaeño ma.

2 Juan 1:5

Jare añawe nde cherindɨ mii, che numɨñera jekuaeño nemandúa waerä kua Tumpa jei yandewe wae re: yapuruau päwe rewe mii. Kua aikuatía aï ndewe wae, mbae ipɨau wae’ä ko. Jae ko jokua iyɨpɨ wiwe Tumpa jeiño mái yandewe wae.

3 Juan 1:1

Nde cherɨwɨ mii Gayo, che ko jae Cristo re wɨrowia wae reta itenondewa aikuatía aï ndewe. Che nduau añetete rewe.