1 Samuel 16:7 - Biblia

⁷ Erëi Tumpa jei Samuel pe: “Awɨye emae imaepöra wae re ani ipuku wae re, echa’ä che arɨ̈ro ma Eliab. Che amae’ä ɨwɨ pewa reta umae wae rami. Opaete wae umae jae reta jowai oï wae reño, erëi che amae ipɨa re,” jei chupe.

1 Samuel 16:7 Iomraidhean Croise

Génesis 4:5

Erëi uyerowia’ä umae Caín re jare jokua jae ueru wae re. Jáeramo Caín pochɨete jare umbɨchaitɨ upɨta.

Salmo 139:2

Nde ndikuaa opaete mbaembae ayapo wae. Yepe tëi chemaerä mbɨrɨ echa aï ndewi, jesewe ndikuaa opaete chepɨayemɨngeta reta.

San Lucas 16:15

Jayawe Jesús jei chupe reta: “Pe reta piyembujupi tëi ïru wae reta jowake. Erëi Tumpa uikuaa jokua pepɨa pe oï wae, jare kachi oï chupe. Echa’ä mbaembae ɨwɨ pewa reta umbutuicha wae, Tumpa pewarä ikawi’ä etei ko,” jei chupe reta.

San Juan 7:24

“Awɨye pepurumbɨjeko wɨrae kërái mbae pecha wae rupiño. Pikuaa kawi ranita ko pepurumbɨjeko waerä,” jei Jesús chupe reta.

San Juan 8:15

Pe reta pepurumbɨjeko kua ɨwɨ jeko rupiño. Erëi che ayu’ä ko ayapo waerä jukuärái.

Hechos 1:24

Jayawe uyerure reta Tumpa pe kuärái: “OreRu Tumpa, Judas opia kua mbarawɨkɨ wi ikawi mbae wae uyapo ramo, jare oo ma jendarä jae uiparawo wae pe. Nde ndikuaa opaete wae ipɨa. Echaka jayawe orewe kía nunga ra ndiparawo ma Judas ipepɨka pe kua mokui kuimbae ipɨte wi, jae oremborɨ waerä kua mbarawɨkɨ pe.” Jukuärái uyerure reta Tumpa pe.

2 Corintios 10:10

Echa’ä amokue wae jei chekotɨ kuärái: “Pablo uikuatía yandewe yawe, uikuatía jei wae yayapo waerä chupe, jare uikuatía mbaepuere onoi wae rami. Erëi jae oï yande ndiwe yawe, mbae’ä jare iñee ngatu’ä,” jei reta.

2 Corintios 10:7

Amokue wae jei ñonoï iyupe, “Cristo chembou.” Erëi tuikuaa reta ore ko Cristo orembou wi. Pe pikuaa ko kua añetete wae.

Hebreos 4:13

Añetete mbaetɨ kiawe Tumpa uyapo wae ipuere uñemi chuwi, echa’ä Tumpa uecha jare uikuaa opaetei mbaembae. Jare jae jowai yayemboɨta ñaï kuri yamɨmbeu waerä yandereko rewa.

1 Pedro 2:4

YandeYa Jesús ko jae pëti ita tekowe onoi wae rami jare tëta iyapoa reta wɨrɨ̈ro omombo iyuwi reta wae rami. Erëi yepe tëi jeta wae reta wɨrɨ̈ro Jesús, jesewe jae ko yandeRu Tumpa etei uiparawo wae. Jare Tumpa pewarä jae ko pëti ita ipöraete jare jepɨete wae rami. Jare pe reta perowia ma jese ramo,

1 Pedro 3:4

Erëi kuña Cristo re wɨrowia wae reta ikawiete ko uñemɨmaepöra waerä ipɨa pe iñee kawi rupi jare ipɨawiwe rupi. Echa’ä kua nunga ndarau opa jare ikawiete ko Tumpa jowai.