1 Samuel 16:12 - Biblia

¹² Jawoi pewa Isaí omondo ueruruka taɨ taɨkuewa David jee wae. Jare taurusu wae ou uwäe yawe, Samuel uecha ipire pɨ̈tawe ko jare jesa maepöra. Pëti taurusu maepöraete wae ko. Jare Tumpa jei Samuel pe: “Epɨyere woi aceite iñäka re, echa’ä kua ko jae aiparawo wae,” jei chupe.

1 Samuel 16:12 Iomraidhean Croise

Génesis 39:6

Potifar uikuaa José uyandareko kawi opaete imbaembae reta re. Jáeramo uyembɨpɨa’ä mbae re awe, jaeño mbae nunga tembiu jouta oï wae re. Erëi jae jembireko uecha José taurusuete jare maepöra. Jáeramo ipɨa pe uipotaete umae jese. Jayawe pëti ara jae jei José pe: “Eke che ndiwe,” jei chupe.

2 Samuel 7:8

Jare jei wi chupe: “Jayawe ere David pe che, peTumpa chembaepuere tuichaete wae, jae aï chupe kuärái: ‘Che nonoe ma owecha reta ndiyandareko jese wae wi jare numbɨjee opaete Israel pewa reta imburuwicha wasurä.

Éxodo 2:2

Jayawe kuña ipurúa jare oa imembɨ kuimbae. Jare uecha sambiaɨ maepöra wae ko. Erëi imembɨ kuimbae ramo, jae oñomi ɨwɨ Egipto pewa reta wi mbapɨ yasɨ rupi.

Hechos 4:27

“Jare jukuärái uyeyapo, oreRu Tumpa. Echa’ä mburuwicha wasu Herodes jare mburuwicha Poncio Pilato mokui rewe uyemboemboe reta pëti ramiño judío mbae wae reta ndiwe jare Israel pewa reta ndiwe wi. Jare kua tëta wasu pe etei uyembowaicho reta Jesús kotɨ – jae ko ndeRaɨ jupiete wae jare nde ndiparawo Upuruepɨ waerä wae,” jei reta.

Hechos 7:20

“Jokua año rupi oa Moisés. Kua sambiaɨ maepöraete wae ko. Jare mbapɨ yasɨ rupi tu jare ichɨ uyandareko jese jëta pe,” jei.

Hebreos 11:23

Jae nunga wi yanemandúa Moisés tu jare ichɨ re. Jae reta wɨrowia kawi Tumpa re. Jáeramo yepe tëi mburuwicha wasu jei opaete Israel iñemoñaa isambiaɨ kuimbae jaeramo oa wae reta imeta ko umano, erëitu Moisés oa yawe, tu jare ichɨ oñomi reta Moisés o pe mbapɨ yasɨ rupi. Echa’ä jae reta uecha Moisés ko jae sambiaɨ ikawi wae, jare ukɨye’ä reta mburuwicha wasu wi.