1 Samuel 13:2 - Biblia

² Jayawe Saúl uiparawo opaete sɨndaro reta Israel pewa ipɨte wi mbapɨ miri ikawiete wae. Jembɨrekue reta Saúl omondo ye jëta jëta rupi. Joko wi Saúl wɨraa jae ndiwe mokui miri sɨndaro reta tëta wasu Micmas jee wae kotɨ ñaipe reta Betel jee wae kotɨ. Jare Saúl omondo taɨ Jonatán jee wae pëti miri sɨndaro reta ndiwe tëta wasu Gabaa jee wae pe. Jokua tëta wasu oï Benjamín iñemoñaa reta iɨwɨ pe.

1 Samuel 13:2 Iomraidhean Croise

1 Samuel 13:1

Saúl ime wɨreko treinta año yawe, Tumpa umbɨjee Israel pewa reta imburuwicha wasurä. Joko wi cuarenta y dos año rupi imeño iko Saúl Israel pewa reta imburuwicha wasurä.

1 Samuel 13:11

Jayawe Samuel upɨrandu chupe jokua mbaemɨmba reta rewa jei rewe: “¿Marái ramo kua ndiyapo?” jei chupe. Jayawe Saúl jei chupe: “Che ayapo, echa’ä chesɨndaro reta osi wɨari ñonoï chewi,” jei. “Jare nde newäe’ä ndeyu ara nemɨanga chewe wae pe. Jae nunga wi jetaete ye filisteo reta uyembatɨ ñonoï orekotɨ joko pe tëta wasu Micmas pe.

1 Samuel 13:5

Erëi jokua rambuewe uyembatɨ jeta filisteo isɨndaro reta uñeräro waerä Israel pewa reta ndiwe. Umbatɨ reta mbapɨ miri ikarosa ñeräro pewa jare owa miri sɨndaro opo kawayu re wae reta. Umbatɨ reta wi sɨndaro ɨwɨ rupi uñeräro wae reta jeta ye ye ɨwɨkuïti mar jembeɨ pe oï wae rami. Jare upɨta reta tëta wasu Micmas jee wae pe, tëta wasu Bet-avén jee wae wi warasɨ oë wae kotɨ.