1 Juan 5:8 - Biblia

⁸ Jae ko Espíritu Santo, jare Jesús usakambu ɨ pe wae, jare juwɨ uyepɨyere kurusu re wae. Jare kua mbapɨ mbaembae oyowakeño uikuaaka kawi yandewe Jesús ko jae Tumpa Taɨ wae.

Guaraní Pe (Western): Simba

⁸ Jae ramiño vi ime ɨvɨ pe mbapɨ cua regua umɨmbeu vae. Echa'ã Espíritu Santo jare ɨ jare Jesús jugüɨ umɨmbeu pãve penti ramiño.

1 Juan 5:8 Iomraidhean Croise

San Mateo 28:19

“Jáeramo che tae pewe, pekua opaete ɨwɨ rupi. Jare pemboe opaete wae ambɨe ye ye iñee pe uyemɨngeta wae reta yureko waerä cheremimboe retarä,” jei chupe reta. “Pembɨsakambu reta ɨ pe cheRu jee re, jare cheree re, jare Espíritu Santo jee re,” jei.

Marcos 14:56

Yepe tëi jeta wae reta umbɨjeko iyapu rewe, erëi uyemɨngeta’ä reta oyowake pëti ramiño.

San Juan 15:26

“Erëi che a ye ma yawe cheRu oï wae pe, joko wi che etei ambouta aï pewe jokua Oporomborɨ wae. Jae ko Espíritu Santo, jare jae cheRu wi etei ko outa oï. Jare jae uwäe yawe, uikuaakata oï che rewa jupi rupi, echa’ä jae jekuaeño uikuaaka añetete wae,” jei chupe reta.

San Juan 19:34

Erëi pëti sɨndaro uikutu Jesús iyɨke pe ɨwɨra isirowiasɨ wae pɨpe. Jare jukuärái uyapo yawe, oë woi chuwi tuwɨ ɨ ndiwe.

Hechos 15:15

“Kua re jei wi Tumpa iñee arakae umɨmbeu wae reta. Echa’ä uyekuatía oï kuärái:

Romanos 8:16

Jare Espíritu Santo etei jekuaeño uikuaaka oï yandewe yandepɨa pe yande ko jae Tumpa taɨ wae.

2 Corintios 1:22

Jare Tumpa oñono ma Espíritu Santo yandepɨa pe uikuaaka waerä yandewe jae imbae ma ko yande reta. Tumpa umbɨtenonde ma yandewe Espíritu Santo opaete mbaembae ikawi wae jae umeeta oï yandewe wae wi. Jare jukuärái yaikuaa añetete ko pëti ara Tumpa umeeta oï yandewe opaetei jokua mbaembae.

Hebreos 13:12

Jukuärái wi Jesús uiporara rewe umano tëta wasu oka pe. Jare jae juwɨ upɨyere wae rupi opa yandepɨayoe Tumpa kotɨ, jare jukuärái ñaneñono tee Tumpa pewarä.

Hebreos 6:4

Ikawi’ä ko jekuaeño yapɨta waerä jukuäraiño. Kía jaeramo wɨrowia Cristo re yawe, Tumpa umbɨembipe ma ipɨa pe, jare jae umbɨpɨ ma uyekou mbaembae ara pewa re. Jae nunga wi uñemɨïru ma oï Espíritu Santo ndiwe. Jare umbɨpɨ ma uyekou oï Tumpa iñee ikawi wae re jare Tumpa imbaepuere mburuwicha wasu pewa outa oï wae re. Kua ikawi ko. Erëi kua nunga uyerowa ye yawe kua mbaembae jupi wae wi, jayawe ndaraúi ma ipuere uyembɨpɨauka ye tenonde rami jare ipuereta’ä ma umbɨambɨe ipɨayemɨngeta Cristo kotɨ. Echa’ä jae uikutuka ye Cristo kurusu re rami ko, jare uyapo oï ïru wae reta upuka waerä Cristo re.

1 Pedro 3:21

Jare jokua ko jae pëti yembɨjaanga yembɨsakambu re. Echa’ä jukuärái rupi pe reta penoi tekowe opa mbae wae. Erëi mbaetɨ ɨ peyoe wae rupi penoi tekowe opa mbae wae. Pe reta penoi tekowe opa mbae wae, echa’ä Tumpa uyapo ma peï waerä jae jowai pepɨa pembɨjeko mbae rewe. Jare jokua ko pemɨmbeu piyembɨsakambuka yawe ɨ pe. Añetete yandeYa Jesucristo ikowe ye ou umanokue wae reta ipɨte wi, jare jokua rupiño ko yande ñanoi tekowe opa mbae wae.

1 Juan 5:9

Jare yandepuerete yarowia kua ñee re, echa’ä Tumpa wi etei ko ou jare uikuaaka yandewe jae Taɨ re etei. Ou’ä ko ipotawe kuimbae wi.