1 Juan 5:7 - Biblia

⁷ Añetete ime mbapɨ mbaembae uikuaaka kawi yandewe Jesucristo rewa.

Guaraní Pe (Western): Simba

⁷ Jare ime ara pe mbapɨ cua regua umɨmbeu vae. Echa'ã yandeRu Tumpa jare Ñee jare Espíritu Santo umɨmbeu pãve. Jare cua mbapɨ pentiño co.

1 Juan 5:7 Iomraidhean Croise

Salmo 33:6

Tumpa iñee rupi uyapo ara. Iñee rupiño ko uyapo warasɨ, yasɨ, jare yasɨtata reta.

Isaías 61:1

Tumpa ikoño mái wae iEspíritu oï cheré, echa’ä jae cheparawo a amɨmbeu waerä ñee ikawi wae iparawete wae reta pe. Jae chembou ambɨpɨakatu waerä ipɨatɨtɨ wae reta, jare amɨmbeu waerä pereso reta pe kërái ipuere waerä uyembopoika reta. Chembou wi amɨmae waerä jesa mbae wae reta, jare aepɨ waerä uiporara wae reta jowaicho reta wi.

San Mateo 17:5

Jare Pedro uyemɨngeta iko rambuewe, uyekuaa chupe reta amapɨ̈tu jembipe wae jare opa oñowa reta. Jare amapɨ̈tu wi uyendu ñee jei: “Kua ko jae cheRaɨ auete wae. Jae chembɨyerowiaete. Piyapɨsaka jese,” jei.

San Mateo 18:16

“Erëi jae uipota’ä yawe uyapɨsaka nderé, jayawe ekua jare eru nde ndiwe pëti wae ani mokui wae, jare ikuaaka ye chupe jeko rewa. Jukuärái iyapo jae reta uikuaa waerä mbae ra piyemɨngeta wae, jare opaete wae uikuaa waerä añetete wae ko nde ndere wae,” jei.

San Mateo 28:19

“Jáeramo che tae pewe, pekua opaete ɨwɨ rupi. Jare pemboe opaete wae ambɨe ye ye iñee pe uyemɨngeta wae reta yureko waerä cheremimboe retarä,” jei chupe reta. “Pembɨsakambu reta ɨ pe cheRu jee re, jare cheree re, jare Espíritu Santo jee re,” jei.

San Juan 1:1

Iyɨpɨ wiwe ime pëti wae Ñee jee wae. Jae iko Tumpa ndiwe jare jae ko Tumpa etei.

San Juan 10:30

Añetete, che jare cheRu pëtiño ko noï,” jei chupe reta.

San Juan 12:28

Joko wi Jesús uyerure Tu pe: “CheRu mii, tuyembutuichaka nderee,” jei. Jayawe jupiwoi ou ñee ara wi jei: “Cheree ambutuichaka ma. Jare jokua ayapo yeta aï,” jei.

San Juan 14:17

Jae ko Espíritu Santo,” jei. “Jae uikuaakata oï pewe añetete wae. Erëi cheré wɨrowia mbae wae reta ndarau uipota Espíritu Santo, echa’ä jae reta uecha’ä jare uikuaa’ä ramo. Erëi pe reta pikuaa Espíritu Santo, echa’ä jae oï pe reta ndiwe jare oïta pepɨa pe,” jei chupe reta.

San Juan 15:26

“Erëi che a ye ma yawe cheRu oï wae pe, joko wi che etei ambouta aï pewe jokua Oporomborɨ wae. Jae ko Espíritu Santo, jare jae cheRu wi etei ko outa oï. Jare jae uwäe yawe, uikuaakata oï che rewa jupi rupi, echa’ä jae jekuaeño uikuaaka añetete wae,” jei chupe reta.

San Juan 5:26

Jukuäraita ko, echa’ä kërái cheRu ko jae tekowe iYa, jukuäraiete wi jae umee chewe che aï waerä tekowe iYarä.

San Juan 8:18

“Añawe piyandu tëi ma che ayembeu pewe wae. Jare ime wi ïru jukuäraiete umɨmbeu oï che rewa. Jae ko cheRu chembou wae,” jei Jesús fariseo reta pe.

San Juan 8:54

Jayawe Jesús jei chupe reta: “Che ayembutuicha’ä aï cheiño. Echa’ä che ayembutuicha yawe cheiño, jokua mbae’ä etei ko. CheRu ko chembutuichaka oï. Jare jae ko pe reta ‘oreRu Tumpa’ pere tëi chupe wae.

Hechos 2:33

“Añawe Tumpa wɨraa ma Jesús ara pe. Jare joko pe uwapɨ oï Tumpa iyakata kotɨ, jare Tumpa ndiwe Jesús ime onoi mbaepuere opaete wae re,” jei. “Tumpa jei umeeta iko Jesús pe ombou waerä Espíritu Santo, jare jukuärái añawe uyapo ma. Echa’ä Jesús etei ombou ma kua Espíritu Santo orewe. Jayawe kua pe reta añawe pecha jare piyandu peï wae Espíritu Santo imbaepuere etei ko,” jei chupe reta.

Hechos 5:32

“Jare opaete kua ore nduecha oreresa pe etei. Jare Espíritu Santo wi uikuaaka oï opaete jokua añetete wae ko. Echa’ä Tumpa umee oï Espíritu Santo opaete uyapo jae jei wae rupi wae reta pe.” Jukuärái jei Pedro chupe reta.

2 Corintios 13:14

YandeYa Jesucristo jekuaeño tipɨakawi pewe. Jare yandeRu Tumpa jekuaeño tuechaka pewe perau wae. Jare jae nunga wi Espíritu Santo jekuaeño tuñemɨïru kawi opaete pe reta ndiwe. Jukuärái tuiko.

Deuteronomio 6:4

Moisés jei: “Israel iñemoñaa reta, piyapɨsaka kawi kua re. YandeYa Tumpa ko jae jaeño Tumpa wae.

1 Juan 1:1

Cheïru mii reta, aikuatía aï pewe jae ko jee Ñee wae rewa. Jae ikoño mái iyɨpɨ wiwe. Ore reta nduyandu jare nduecha oreresa pe etei. Numae jese jare nduipɨsɨ wi orepo pe etei. Jae ko tekowe iYa etei.

1 Juan 5:6

Jare Jesucristo ko jae Tumpa Taɨ, echa’ä jukuärái Tumpa uikuaaka orewe Jesús uyembɨsakambuka yawe ɨ pe. Jare jae juwɨ uyepɨyere yawe kurusu re, jukuärái wi Tumpa uikuaaka orewe Jesús ko jae Tumpa Taɨ wae. Mbaetɨ ko uikuaaka orewe Jesús uyembɨsakambuka rupiño. Kua yaikuaa añetete wae ko, echa’ä jukuärái Espíritu Santo uikuaaka yandewe yandepɨa pe. Jare jokua jae jei wae añetete ko. Ndarau iyapu yandewe.

1 Juan 5:8

Jae ko Espíritu Santo, jare Jesús usakambu ɨ pe wae, jare juwɨ uyepɨyere kurusu re wae. Jare kua mbapɨ mbaembae oyowakeño uikuaaka kawi yandewe Jesús ko jae Tumpa Taɨ wae.