1 Juan 5:6 - Biblia

⁶ Jare Jesucristo ko jae Tumpa Taɨ, echa’ä jukuärái Tumpa uikuaaka orewe Jesús uyembɨsakambuka yawe ɨ pe. Jare jae juwɨ uyepɨyere yawe kurusu re, jukuärái wi Tumpa uikuaaka orewe Jesús ko jae Tumpa Taɨ wae. Mbaetɨ ko uikuaaka orewe Jesús uyembɨsakambuka rupiño. Kua yaikuaa añetete wae ko, echa’ä jukuärái Espíritu Santo uikuaaka yandewe yandepɨa pe. Jare jokua jae jei wae añetete ko. Ndarau iyapu yandewe.

Guaraní Pe (Western): Simba

⁶ Jesucristo umbɨpɨ iparavɨquɨ uyembɨbautizaca ma ɨ pe yave, jare opa uyapo iparavɨquɨ umano curusu re yave. Jaeño'ã umbɨpɨ iparavɨquɨ. Opa uyapo umano curusu re yave. Jare Espíritu Santo umɨmbeu cua regua. Echa'ã Espíritu Santo jecuaeño umɨmbeu añete vae.

1 Juan 5:6 Iomraidhean Croise

Levítico 17:11

Tumpa jei Moisés pe: “Opaete tekowe onoi wae, tuwɨ re ko oï tekowe,” jei. “Jaeño tuwɨ uyepɨyere cherowai mbaerenda re wae ipuere umbɨpɨakatu chearasɨ teko kachi kotɨ anoi wae. Yepe tëi jupi ko peruwɨi uyepɨyere waerä pereko kachi re, jesewe amaeño aï peré pepɨyere waerä mbaemɨmba juwɨ pepepɨka pe,” jei chupe.

San Mateo 26:28

Jare jei wi chupe reta umbɨjaanga rewe: “Kua ko jae cheruwɨ uyepɨyereta oï wae. Jukuärái uyeyapota Tumpa opa umbái waerä jeta wae reta wi mbaembae uyawɨ reta Tumpa kotɨ wae. Kua cheruwɨ pɨpe Tumpa uyapo oï pëti yemɨngeta ipɨau wae jae reta ndiwe,” jei.

San Mateo 3:16

Jare uyembɨsakambuka ma yawe, Jesús oë ɨ wi. Jare jupiwoiño ara uyepea, jare jae uecha Espíritu Santo uweyɨ ou ara wi uwapɨ jese pëti pɨkasu rami.

Marcos 14:24

Jare Jesús jei wi chupe reta umbɨjaanga rewe: “Kua ko jae cheruwɨ uyepɨyereta oï wae. Kua cheruwɨ pɨpe Tumpa uyapo oï pëti yemɨngeta ipɨau wae jeta wae reta pewarä,” jei chupe reta.

San Lucas 22:20

Jae ramiño wi opa ma ukaru reta yawe, Jesús uipɨsɨ ye copa jare jei wi chupe reta umbɨjaanga rewe: “Kua ko jae cheruwɨ uyepɨyereta oï wae. Kua cheruwɨ pɨpe Tumpa uyapo oï pëti yemɨngeta ipɨau wae pe reta ndiwe,” jei chupe reta.

San Juan 14:17

Jae ko Espíritu Santo,” jei. “Jae uikuaakata oï pewe añetete wae. Erëi cheré wɨrowia mbae wae reta ndarau uipota Espíritu Santo, echa’ä jae reta uecha’ä jare uikuaa’ä ramo. Erëi pe reta pikuaa Espíritu Santo, echa’ä jae oï pe reta ndiwe jare oïta pepɨa pe,” jei chupe reta.

San Juan 14:6

Jare Jesús jei chupe: “Che ko jae tape Tumpa kotɨ oo wae. Che ko jae añetete ayemɨngeta Tumpa rewa wae. Cheño ko jae tekowe opa mbae wae amee wae. Jare kiawe ipuere’ä oya cheRu re – jaeño che rupi,” jei chupe.

San Juan 15:26

“Erëi che a ye ma yawe cheRu oï wae pe, joko wi che etei ambouta aï pewe jokua Oporomborɨ wae. Jae ko Espíritu Santo, jare jae cheRu wi etei ko outa oï. Jare jae uwäe yawe, uikuaakata oï che rewa jupi rupi, echa’ä jae jekuaeño uikuaaka añetete wae,” jei chupe reta.

San Juan 16:13

“Erëi Espíritu Santo ou ma yawe, jae pembɨarakuaa kawita añetete wae rewa. Echa’ä ñee jae uikuaakata oï pewe wae jae iñeeño’ä ko. Tumpa jei chupe wae, jokua ko uikuaaka yuapɨ yeta oï pewe. Jare jae uikuaakata oï wi pewe mbaembae taɨkue rupi uasata oï kuri wae,” jei.

San Juan 3:5

Jayawe Jesús jei chupe: “Kua ɨwɨ pe opaete wae onoi tekowe ichɨ wi oa ma yawe. Erëi che tae ndewe añetete wae, kía mbaetɨ oa pɨau ye Espíritu Santo rupi wae, ndarau ipuere onoi Tumpa imburuwicha wasurä jaeño mái pewa.

San Juan 4:10

Jayawe Jesús jei chupe: “Nde ndikuaa’ä jokua mbae Tumpa uipota umee ndewe wae. Jare ndikuaa’ä wi kía ko che ɨ aeka aï ndewe wae. Jokua ndikuaa yawe, nde ndekata tëi chewe ɨ tekowe umee wae, jare che ameeta tëi ndewe,” jei chupe.

San Juan 4:14

“Erëi ipotawe kía jou jokua ɨ che ameeta chupe wae, ndarau etei ma iɨwe yewɨ. Echa’ä jokua ɨ che ameeta chupe wae uyeyapota ipɨa pe pëti ɨkua ɨwororo jekuaeño oë wae rami, jare umeeta chupe tekowe opa mbae wae,” jei chupe.

Hechos 8:36

Jare tape rupi yuraa rambuewe, oo uwäe reta ɨpa michi wae pe. Jare eunuco jei: “Ko oï ɨpa raɨ. ¿Mbae yembɨawái ra anoi ayembɨsakambuka waerä?” jei chupe.

Romanos 3:25

Tumpa ipɨayemɨngeta iko ombou waerä Cristo umano waerä mbaembae yayawɨ Tumpa kotɨ wae re, jare jukuärái umbɨpɨakatu waerä yandewe Tumpa iarasɨ tëi iko yandekotɨ wae. Añawe yarowia yawe Cristo re jare juwɨ uyepɨyere yanderé wae re, Tumpa opata oyoe yandewi teko ñanoi wae. Jare Tumpa añawe uikuaaka ma yandewe kërái ko jae jupi wae Cristo pe uiporaraka wae rupi. Echa’ä arakae rupi, uyawɨ reta Tumpa kotɨ yawe, Tumpa jeta wese ipɨawasu chupe reta jare uiporaraka’ä chupe reta jokua re. Jare aramoi kía ipuere tëi jei Tumpa jupi’ä ko, echa’ä jae mbaetɨ chawaa imandúa oï jae reta jeko kachi re.

Colosenses 1:4

Numee chupe yasurupái jae mbaembae uyapo oï pepɨte pe wae re. Echa’ä pe reta pereräkua ma orewe kërái perowia Jesucristo re jare kërái peau peï wi opaete Cristo re wɨrowia wae reta.

1 Timoteo 3:16

Jare ikawiete ye ko kua yemboe, echa’ä uikuaaka yandewe kuärái: Jae ikoño mái wae uyeyapo kuimbaerä. Espíritu Santo uikuaaka kawi yandewe jae ko Tumpa Taɨ wae. Araɨwa reta uecha uyerowia rewe. Uyemɨmbeu jesewa opaete kerupi. Jare jeta wae reta wɨrowia jese. Jare Tu wɨraa ye ara pe oï waerä jae ndiwe. Jukuärái jokua yemboe añetete wae uikuaaka yandewe.

Tito 3:5

Echa’ä jae opa umbái yandewi mbaembae yayawɨ ikotɨ wae, jare jukuärái yanderepɨ teko ime yareko ikotɨ wae wi. Jukuärái jae uyapo yandeparareko ramo – mbaetɨ ko mbae jupi yayapo wae rupi. Añetete Espíritu Santo rupi Tumpa yandepɨayoe, jare jukuärái umee yandewe tekowe ipɨau wae. Jare yandereko umbɨpɨau wi.

Hebreos 10:29

¡Oeteta oï kuri kía wɨrɨ̈ro Tumpa Taɨ yawe! Echa’ä Taɨ juwɨ rupi Tumpa uyapo yemɨngeta ipɨau wae. Erëi kía wɨrɨ̈ro Tumpa Taɨ yawe, yepe tëi jokua yemɨngeta ipɨau wae rupi jae uñeñono tee iko Tumpa pewarä, erëi jae imaerä Tumpa Taɨ juwɨ mbae’ä ko. Añetete jae Tumpa Taɨ re upɨ̈ro wae echa ko. Jare uyapo ma kachi Espíritu Santo kotɨ wi, echa’ä Espíritu Santo ipɨakawi chupe tëi.

Hebreos 12:24

Jare yaya ma wi Jesús re. Jae rupi ko Tumpa uyapo yemɨngeta ipɨau wae yande ndiwe. Echa’ä jae upɨyere juwɨ yande yandepuere waerä ñanoi tekowe opa mbae wae. Jáeramo Jesús juwɨ ikawiete ko Abel juwɨ wi, echa’ä Abel juwɨ jaeño uyembɨjaanga oï uyepɨ wae.

Hebreos 13:20

YandeRu Tumpa ko jae yanembɨpɨakatu wae. Jare jae ko uyapo pëti yemɨngeta ipɨau wae yande ndiwe. Jare yandeYa Jesucristo juwɨ uyepɨyere wae pɨpe jokua yemɨngeta upɨta kawi ma oï jaeño mái pewa. Jáeramo Tumpa umbɨjekowe ye ueru Jesucristo uyandareko waerä yanderé pëti owecha reta iyandarekoa ikawi wae rami.

Hebreos 9:14

Erëi Cristo juwɨ ikawiete ye ko mbaemɨmba reta juwɨ wi. Echa’ä mbaemɨmba juwɨ jare ipotawe ïru mbae uyapo reta tëi wae ipuere’ä yandepɨayoe añetete rewe. Erëi Jesucristo juwɨ opa oyoe yandepɨa yanembɨjekose wae wi, jukuärái yandepuere waerä yayeyokui Tumpa ikoño mái wae pe. Echa’ä Cristo jeko mbaei ko jare uñemee umano waerä yanderé Espíritu Santo ikoño mái wae imbaepuere rupi.

Hebreos 9:7

Erëi o jupiete ye wae pe sacerdote tenondewaeteño ipuere uike pëti weseño año pe. Jare jae uike yawe, imeta ko uruike mbaemɨmba uyeyukakue wae juwɨ upɨyere waerä Tumpa jowai. Jukuärái uyapo awɨye waerä Tumpa uiporaraka chupe reta jae mbaembae uyawɨ Tumpa kotɨ wae rei jare Israel iñemoñaa reta mbaembae uyawɨ uikuaa mbae rewe wae re.

1 Pedro 3:21

Jare jokua ko jae pëti yembɨjaanga yembɨsakambu re. Echa’ä jukuärái rupi pe reta penoi tekowe opa mbae wae. Erëi mbaetɨ ɨ peyoe wae rupi penoi tekowe opa mbae wae. Pe reta penoi tekowe opa mbae wae, echa’ä Tumpa uyapo ma peï waerä jae jowai pepɨa pembɨjeko mbae rewe. Jare jokua ko pemɨmbeu piyembɨsakambuka yawe ɨ pe. Añetete yandeYa Jesucristo ikowe ye ou umanokue wae reta ipɨte wi, jare jokua rupiño ko yande ñanoi tekowe opa mbae wae.

1 Juan 1:7

Erëi Tumpa ko jae arakuaa iYa, jare jokua arakuaa ko jae pëti tembipe rami yandewe. Jare yande yaiko yawe jokua arakuaa Tumpa umee yandewe wae rupi, jayawe yande ñañemɨïru kawita päwe rewe. Jare yandeRu Tumpa Taɨ Jesucristo juwɨ uyepɨyere wae jekuaeño yandeyoe oï Tumpa kotɨ. Echa’ä umbái oï yandewi mbaembae yayawɨ Tumpa kotɨ wae.

1 Juan 4:10

Echa’ä Tumpa ombou Taɨ umano waerä mbaembae yayawɨ ikotɨ wae re, jare jukuärái umbɨpɨakatu Tumpa iarasɨ tëi iko yandekotɨ wae. Yaipota yaikuaa yawe kërái yapuruau waerä añetete rewe, jokua re ko ikawi ñamae waerä. Awɨye ñamae yandiyé kërái yaau Tumpa wae re. Echa’ä yaau Tumpa wae ndarau etei omboyowake Tumpa yanderau wae.

Apocalipsis 5:9

Jare jae reta ukäta Owecha kuimbae taurusu wae jowai pëti käta ipɨau wae kuärái: “Ndeñoete ko jupi nenoi waerä jokua tupapire jare ndipea waerä imboyaka reta. Echa’ä ndeyuka reta, jare nderuwɨ uyepɨyere wae rupi ndewa pɨau ye ma jeta wae reta Tumpa pewarä. Jae reta ko jae opaete ambɨembɨe ɨwɨ pewa reta kiape kiape ñonoï wae rupi jare opa kërái rái ñee pe uyemɨngeta wae reta.

Apocalipsis 7:14

“Aikuaa’ä etei. Nde ndikuaa,” jae chupe. Jayawe jae jei chewe: “Kua reta ko jae uasa mbaesusere wasu rupi wae. Oyoe ma reta jemimonde jare umɨtïi reta Owecha kuimbae taurusu wae juwɨ pe,” jei.