1 Juan 5:18 - Biblia

¹⁸ Jare yaikuaa kawi opaete kía kía Tumpa uyapo taɨ retarä wae ndarau jekuaeño uyawɨ Tumpa jei wae. Echa’ä Tumpa Taɨ etei jekuaeño uyandareko oï jese reta, jare Añawasu ndarau ipuere mbae uyapo chupe reta.

Guaraní Pe (Western): Simba

¹⁸ Yaicuaa tecove opa mbae vae Tumpa güi güɨnoi vae jecuaeño uyapo'ã mbaeyoa. Echa'ã Tumpa Taɨ etei uyandareco jese agüɨye vaerã aña guasu uipɨsɨ.

1 Juan 5:18 Iomraidhean Croise

San Mateo 5:37

“Jayawe ndipota ndikuaaka yawe nderapicha pe añetete ko ndere neï wae, ereño chupe: ‘Ayapota,’ ani ‘Ayapota’ä.’ Jokuaño ere chupe, echa’ä nemɨïru yawe jokua ndere wae, jokua ou ko Añawasu wi,” jei Jesús chupe reta.

San Mateo 6:13

Awɨye mii toya orekotɨ uyawɨka orewe ndekotɨ wae, jare orerepɨ mii Añawasu wi. Nde nenoi opaete mbaepuere, jare nde ndikota wi oremburuwicha wasurä, jare opaete wae umbutuichata nderee jaeño mái pewa. Jukuärái tuiko.’ Jukuäraita ko pe reta piyerure,” jei Jesús chupe reta.

San Juan 1:13

Jae reta ko jae Tumpa taɨ reta, echa’ä Tumpa etei uyapo reta jukuärái ramo. Mbaetɨ uyeyapo reta jukuärái kua ɨwɨ pewa reta jeko rupi – jae ko tu jare ichɨ uipota uñemoña ramo.

San Juan 14:30

“Ndarau ma jekuaeño ɨma ayemɨngeta aï pe reta ndiwe. Echa’ä uwäe ma ara che aiporara waerä kua ɨwɨ imburuwicha ipo pe – jae ko Añawasu. Erëi jae ndarau etei ipuere cheré,” jei chupe reta.

San Juan 15:4

“Jekuaeño piñemɨïru che ndiwe, jare che jekuaeño añemɨïruta aï pe reta ndiwe. Jare jukuärái uyekuaata peré Tumpa jeko ikawi wae,” jei. “Yambɨjaanga. Yande yaikuaa kawi ñaï jaeño uva jäka uyepɨsɨ oï iyɨpɨ re wae reta ipuere ía. Jare pëti jäka uyepɨsɨ'ä oï yawe iyɨpɨ re, ndarau ma ía,” jei. “Jae ramiño wi pe reta mbaetɨ yawe jekuaeño piñemɨïru kawi che ndiwe, ndarau uyekuaa peré Tumpa jeko ikawi wae,” jei chupe reta.

San Juan 15:7

“Erëi pe reta jekuaeño piñemɨïru kawi yawe che ndiwe jare jekuaeño piyapo yawe che pomboe wae rupi, jayawe pepuereta piyerure cheRu pe ipotawe mbae pipota wae re, jare cheRu uyapota oï pewe,” jei chupe reta.

San Juan 15:9

“Kërái cheRu cherau rami, jukuäraiete wi che puau. Jayawe jekuaeño piko che puau wae re.

Hechos 11:23

Jare jae oo uwäe yawe, uecha kërái jokua judío mbae wae reta añetete wɨrowia ñonoï yandeYa re jare uyekou ñonoï ipɨakawi re. Jayawe Bernabé tuicha rupi uyerowia jokua re. Jare jae jekuaeño umɨkɨrëɨ reta awɨye waerä uyerowa reta ye yandeYa wi. Jare umɨkɨrëɨ reta wi jekuaeño uyapo reta waerä ipɨa rewe yandeYa jei wae rupi.

Santiago 1:18

Jare Tumpa uipota ramo, yandapo taɨ retarä ñee añetete wae yarowia wae rupi, jare jukuärái ñaneñono tee waerä jae imaerä opaete ïru jembiapo reta wi.

Santiago 1:27

Jayawe, ¿kërái ra yayeyokuita yandeRu Tumpa pe añetete pewa? Imeta ko yamborɨñoi sambiaɨ mii reta tu jare ichɨ umano chuwi wae jare kuña reta ime umano chuwi wae ikuasɨ ñonoï wae. Jare imeta ko yayandareko kawi yandiyé awɨye waerä ñañererükumewa kua ɨwɨ jeko kachi wae rupi. Jukuärái rupi ko yayeyokuita yandeRu Tumpa pe.

1 Pedro 1:23

Echa’ä pe reta pea pɨau ye ma ko jare penoi ma tekowe ipɨau wae. Kua nunga tekowe ndarau opa, echa’ä ou’ä ko peru jare pesɨ wi. Ou ko Tumpa iñee rupi. Jare Tumpa iñee jekuaeño ikota jaeño mái pewa.

1 Juan 2:29

Jae nunga wi yande yayapo yawe jupi wae rupi, jokoropi uyekuaata yande ko jae Tumpa taɨ reta wae. Echa’ä pe reta pikuaa kërái Tumpa ko jae jupi wae. Jare jukuärái wi opaete taɨ reta uyapota ko jupi wae rupi.

1 Juan 3:12

Awɨye yaiko Caín rami. Caín Añawasu pewa ko jare uyuka tɨwɨ. Jare ¿mbae jeko pewa ra uyuka? Echa’ä Caín jeko kachi ko, erëi tɨwɨ uyapo jupi wae.

1 Juan 3:3

Kua añetete uyeyapota ko. Jare opaete kua uäro ñonoï wae reta wɨrɨ̈ro mbae kachi wae, echa’ä jae reta uipota yureko jupi Cristo rami.

1 Juan 3:9

Jayawe ipotawe kía Tumpa uyapo taɨrä wae ndarau jekuaeño uyawɨ Tumpa kotɨ. Echa’ä Tumpa etei ko uyapo taɨrä iko waerä jare umee chupe tekowe ipɨau wae Tumpa pewa. Jokua jeko pewa ko Cristo re wɨrowia wae reta ipuere’ä jekuaeño uyawɨ Tumpa kotɨ.

1 Juan 4:6

Erëi ore reta, oriñee ou ko Tumpa wi. Jáeramo ime yawe kía uikuaa Tumpa wae, jae uyapɨsaka oriñee re. Erëi kía uikuaa’ä Tumpa wae uyapɨsaka’ä oriñee re. Jukuärái yaikuaa kía ko jae oporomboe jupi wae jare kía ko upurumbɨtawɨ wae.

1 Juan 5:1

Opaete kía reta wɨrowia Jesús ko jae Cristo Upuruepɨ wae, jokua reta Tumpa uyapo taɨ retarä yureko waerä. Jare yande yaikuaa kawi ñaï yaau yawe pëti kuimbae sambiaɨ reta onoi wae, yaau wi ko taɨ reta.

1 Juan 5:15

Jare kërái yaikuaa jae uyandu yandewe yandiyerure wae, jukuärái wi yaikuaa jae uyapota oï yandewe jokua yayerure chupe wae re.

1 Juan 5:19

Añetete ko, yande yaikuaa opaete kua ɨwɨ jeko rupi yureko wae reta Añawasu imbaepuere pe ko ñonoï. Erëi yaikuaa wi yande reta ko jae Tumpa pewa reta.

1 Juan 5:20

Jare yaikuaa wi Tumpa Taɨ ou ma ko kua ɨwɨ pe jare umee ma yandewe arakuaa yaikuaa waerä Tumpa añetete wae. Jare añawe yande ñaï ma ko pëti ramiño Tumpa añetete wae re, echa’ä ñaï ma pëti ramiño Taɨ Jesucristo re ramo. Jae ko Tumpa añetete wae jare tekowe opa mbae wae iYa.

1 Juan 5:21

Jayawe cheraɨ puau wae reta, piyandareko kawi piyé awɨye waerä pembɨadora tumparaanga reta re. Jaeño ma.

1 Juan 5:4

Kua ɨwɨ jeko uipota tëi yanembɨawái, erëi yande Tumpa taɨrä yaiko wae reta ñamɨamɨri ma ko kua ɨwɨ jeko. Jare jukuärái yayapo Jesucristo re yarowia wae rupi.

Judas 1:21

Pe reta pikuaa peï yandeYa Jesucristo umeeta oï pewe tekowe opa mbae wae peparareko ramo. Jare añawe jokua peäro peï rambuewe, jekuaeño pemandúa kërái Tumpa perau wae re.

Judas 1:24

Añawe, ¡Tumpa jeeño yambutuicha! Echa’ä jaeño ipuere ñanemɨmɨräta awɨye waerä yapia jape wi. Jare jaeño ipuere yanembɨyemboɨ jae jowai yandereko mbae rewe jare tuicha yerowia rewe.

Apocalipsis 2:13

Jare che tae Pérgamo pewa cheré wɨrowia wae reta pe kuärái: Che aikuaa opaete mbae piyapo wae. Jare aikuaa wi Satanás ime onoi iwapɨa mburuwicha wasu pewa perëta wasu pe. Erëi pe reta jekuaeño perowia peï cheré jare chekuaku’ä. Chemandúa wi Antipas re. Jae jekuaeño umɨmbeu kawi iko che rewa, jare jokua jeko pewa perëtáɨwa reta uyuka. Echa’ä añetete Satanás ime onoi jetaete mbaepuere joko pe. Erëitu jokua ara reta rupi awe peya’ä perowia cheré wae, yepe tëi yawaiete pewe. Kua ikawi ko.