1 Juan 5:13 - Biblia

¹³ Jayawe pe Tumpa Taɨ re perowia peï wae reta, che aikuatía aï pewe kua mbaembae pe reta pikuaa waerä penoi ma ko tekowe opa mbae wae.

Guaraní Pe (Western): Simba

¹³ Pe reta perovia Tumpa Taɨ jee re. Jáeramo aicuatía cua peve picuaa vaerã penoi co tecove opa mbae vae.

1 Juan 5:13 Iomraidhean Croise

San Juan 1:12

Erëi amokue wae reta umbɨresiwe. Wɨrowia reta jese. Jáeramo jae reta Tumpa uyapo taɨ retarä yureko waerä.

San Juan 2:23

Jayawe Jesús upɨta Jerusalén pe umbɨasa waerä pascua iara reta yemɨmandúa pewa. Jare jae joko pe oï rambuewe, uyapo mbaembae kiawe ipuere’ä uyapo wae uechaka waerä chupe reta Tumpa wi ou wae ko jae. Jáeramo jeta wae reta wɨrowia jese.

San Juan 20:31

Erëi kua uyekuatía oï wae uyekuatía ko pe reta perowia waerä Jesús jae ko Cristo jei chupe reta wae jare Tumpa Taɨ etei ko. Jare jukuärái perowia jese yawe, penoita tekowe opa mbae wae jae imbaepuere rupi.

San Juan 21:24

Che ko jae jokua kuimbae. Jare che chemiäri ma jare aikuatía ma kua mbaembae. Jare kua amɨmbeu wae ore nduikuaa añetete ko.

San Juan 3:18

Jare opaete Tumpa Taɨ re wɨrowia wae reta, Tumpa mbaetɨ ma umbɨjeko reta. Erëi opaete Taɨ re wɨrowia’ä wae reta, Tumpa umbɨjeko ma reta, echa’ä jae reta wɨrɨ̈ro Tumpa Taɨ jae waeño wae.

San Juan 5:24

“Che tae pewe añetete wae, ipotawe kía chiñee re uyapɨsaka wae jare chembou wae re wɨrowia wae, jae onoi tekowe opa mbae wae. Tenonde yawe oo iko Tatawasurenda kotɨ, erëi añawe ime ma onoi tekowe opa mbae wae. Tumpa ndarau ma umbɨjeko,” jei chupe reta.

Hechos 3:16

“Añetete ko, ore ndorowia kawi Jesús re jeko pewa kua kuimbae uwata mbaei iko wae uwata ma oï. Pe reta pecha jare pikuaa ipuere mbae uwata iko wae. Erëitu ore ndorowia Jesús re ramo, jae umee orewe mbaepuere numɨnguera waerä kua kuimbae opaete pe reta perowai,” jei Pedro chupe reta.

Hechos 4:12

“Jayawe mbaetɨ ye kía ipuere yanderepɨ waerä mbaembae yayawɨ Tumpa kotɨ wae wi. Echa’ä yandeRu Tumpa ombou pëtiño kua ɨwɨ pe ipuere yanderepɨ waerä wae – jae ko Jesús.” Jukuärái jei Pedro chupe reta.

2 Corintios 5:1

Yande yaikuaa yanderete kua ɨwɨ pewa opata ko. Jae ko pëti tëta ɨma’ä iko wae rami. Erëi yanderekowe opa yawe kua ɨwɨ pe, Tumpa umeeta yandewe yanderete ipɨau wae. Jare jokua ndarau etei opa, echa’ä ara pewa ko. Kua ɨwɨ pewa’ä ko.

Gálatas 4:6

Jare Tumpa taɨ reta ma yaiko ramo, jae ombou Espíritu Santo ikoño mái Taɨ ndiwe wae iko waerä yandepɨa pe. Jare jae ko uparawɨkɨ yanderé yandepuere waerä yae Tumpa pe yandepɨa rewe, “Cheru.”

1 Pedro 5:12

Kua mbowɨño ma aikuatía pewe pumɨkɨrëɨ waerä, jare araaka aï pewe hermano Silvano ndiwe. Jae ko kuimbae arowia katu jese wae. Opaete kua aikuatía pewe wae rupi aipota pikuaa waerä Tumpa ipɨakawi añetete ko. Piñemɨmɨräta jese.

1 Juan 1:4

Jukuärái yawe, ore nduyerowiaeteta noï kuri añetete rewe. Jokuaerä ko kua mbaembae reta ore nduikuatía noï pewe.

1 Juan 2:1

Cheraɨ mii puau wae reta, aikuatía aï pewe kua mbaembae awɨye waerä piyawɨ Tumpa kotɨ. Erëi kía uyawɨ Tumpa kotɨ yawe, ime ko pëti wae yandeRu Tumpa jowai oï yandepepɨka pe – jae ko Jesucristo. Jae jupiete ye wae ko.

1 Juan 2:21

Jare che aikuatía aï pewe pumɨmɨräta waerä jokua pikuaa wae re. Jare pe reta pikuaa kawi peï pëti apu ou’ä ko añetete wae wi.

1 Juan 2:25

Jare kua ko jae Tumpa jei umeeta oï yandewe wae – tekowe opa mbae wae.

1 Juan 2:26

Che aikuatía aï pewe kua mbaembae, echa’ä ime amokue wae reta uipota pembɨtawɨ ñonoï.

1 Juan 3:23

Jare kua ko jae Tumpa jei yandewe wae: imeta ko yarowia Taɨ Jesucristo re, jare imeta ko yayerau päwe rewe kërái Cristo jei yandewe rami.

1 Juan 4:9

Jare Tumpa uechaka yandewe yanderau ko kuärái: Jae ombou Taɨ jae waeño wae kua ɨwɨ pe yande yandepuere waerä ñanoi tekowe opa mbae wae Taɨ uyapo yandewe wae rupi.

1 Juan 5:10

Kía Tumpa Taɨ re wɨrowia wae uikuaa ipɨa pe añetete ko kua mbaembae Tumpa uikuaaka yandewe wae. Erëi jokua wɨrowia’ä wae jei oï tëi Tumpa pe iyapu wae ko, echa’ä wɨrowia’ä Tumpa jei Taɨ rewa wae ramo.

1 Juan 5:11

Jare Tumpa uikuaaka yandewe kuärái: Jae umee ma yandewe tekowe opa mbae wae, jare kua tekowe opa mbae wae ñawäe Tumpa Taɨ re.

1 Juan 5:20

Jare yaikuaa wi Tumpa Taɨ ou ma ko kua ɨwɨ pe jare umee ma yandewe arakuaa yaikuaa waerä Tumpa añetete wae. Jare añawe yande ñaï ma ko pëti ramiño Tumpa añetete wae re, echa’ä ñaï ma pëti ramiño Taɨ Jesucristo re ramo. Jae ko Tumpa añetete wae jare tekowe opa mbae wae iYa.