1 Juan 5:11 - Biblia

¹¹ Jare Tumpa uikuaaka yandewe kuärái: Jae umee ma yandewe tekowe opa mbae wae, jare kua tekowe opa mbae wae ñawäe Tumpa Taɨ re.

Guaraní Pe (Western): Simba

¹¹ Jare Tumpa umɨmbeu yandeve cua: Jae umee yandeve tecove opa mbae vae. Ime ñanoi cua tecove opa mbae vae Tumpa Taɨ re yarovia ramo.

1 Juan 5:11 Iomraidhean Croise

San Mateo 25:46

“Jayawe jae reta yuraata kiape uiporarata ñonoï jaeño mái pewa wae pe. Erëi jokua jupi wae reta yuraata tekowe opa mbae wae pe.” Jukuärái Jesús jei jemimboe reta pe.

San Juan 1:19

Jayawe Juan jeräkua ma judío itenondewa reta pe tëta wasu Jerusalén pe. Jayawe jae reta uipota uikuaa kawi jesewa. Jáeramo omondo reta amokue sacerdote reta jare imborɨa reta ndiwe kiape Juan oï wae pe. Jare jae reta yuweru ma uwäe yawe, upɨrandu reta chupe: “¿Kía ko nde?”

San Juan 1:4

Jae ko tekowe iYa. Jare jae jekowe rupi uikuaaka ɨwɨ pewa reta pe Tumpa rewa kërái tembipe umbɨembipe pɨ̈tumimbi pe wae rami. Jare pɨ̈tumimbi ndarau etei ombowe jokua tembipe.

San Juan 10:28

Che amee chupe reta tekowe opa mbae wae, jare jae reta ndarau etei yuraa Tatawasurenda pe. Añetete, mbaetɨ kiawe ipuere upɨ̈ro reta chepo wi,” jei chupe reta.

San Juan 12:50

“Jare che aikuaa jokua mbaembae cheRu jei chewe jae waerä wae, jokua ueru tekowe opa mbae wae opaete wɨrowia jese wae reta pe. Jáeramo ko amɨmbeu kawi ma opaete jae jei chewe wae,” jei Jesús chupe reta.

San Juan 14:6

Jare Jesús jei chupe: “Che ko jae tape Tumpa kotɨ oo wae. Che ko jae añetete ayemɨngeta Tumpa rewa wae. Cheño ko jae tekowe opa mbae wae amee wae. Jare kiawe ipuere’ä oya cheRu re – jaeño che rupi,” jei chupe.

San Juan 19:35

Yande yaikuaa ñaï kua mbaembae añetete ko, echa’ä ime kía uecha wae. Jare jae umɨmbeu ma kua mbaembae rewa, pe reta pepuere perowia waerä wi.

San Juan 3:36

Jare ipotawe kía Tumpa Taɨ re wɨrowia wae ime onoi tekowe opa mbae wae. Erëi Tumpa Taɨ re wɨrowia mbae wae ndarau onoi jokua tekowe, jare Tumpa iarasɨ jekuaeño oï jese.

San Juan 4:36

“Jare ime yawe kía umɨmbeu kawi chupe reta Tumpa rewa wae, jae ko pëti umbaewɨro wae rami. Jare Tumpa umɨñatimata oï chupe ikawi wae iparawɨkɨ re. Echa’ä jae iparawɨkɨ rupi jeta wae reta onoita tekowe opa mbae wae. Jáeramo jokua umaetɨ rami wae reta jare umbaewɨro rami wae reta uyerowiata päwe rewe,” jei chupe reta.

San Juan 4:4

Jare jokotɨ yuraa reta rambuewe, imeta ko uasa reta ɨwɨ Samaria rupi.

San Juan 5:21

“CheRu Tumpa, jae ko tekowe iYa jare jae ipuere umbɨjekowe ye umanokue wae reta. Jare jukuärái wi che jae Taɨrä aï wae chepuere amee tekowe ipotawe kía aipota wae pe,” jei chupe reta.

San Juan 5:26

Jukuäraita ko, echa’ä kërái cheRu ko jae tekowe iYa, jukuäraiete wi jae umee chewe che aï waerä tekowe iYarä.

San Juan 6:40

“Jayawe opaete cheré wɨrowia wae reta onoita tekowe opa mbae wae. Jare jae reta che ambɨjekowe yeta aï kuri umanokue wae reta ipɨte wi ara taɨkuewa pe. Jokua ko jae cheRu uipota wae,” jei Jesús chupe reta.

San Juan 6:47

Erëi yepe tëi kiawe uecha’ä etei cheRu, erëitu che tae pewe añetete wae, ipotawe kía wɨrowia cheré wae ime onoi tekowe opa mbae wae.

San Juan 6:68

Jare Simón Pedro jei chupe: “¿OreYa, ¿kía re pa ndoota nduyemboya?” jei. “Ndeeño ko nemɨmbeu kawi orewe tekowe opa mbae wae kërái nonoi waerä.

Romanos 5:21

Jáeramo kërái yaikose teko yareko wae ipo pe jare jokua yanembɨsɨrɨ iko Tumpa wi, jukuärái wi añawe Tumpa ipɨakawi wae ipo pe ko ñaï jare ime ma ñanoi tekowe opa mbae wae. Echa’ä ime yawe kía wɨrowia yandeYa Jesucristo re wae, Tumpa umae jese jeko mbae wae rami.

Romanos 6:23

Echa’ä mbaembae yayawɨ Tumpa kotɨ wae jepɨ ko mano – jae ko yembɨsɨrɨ Tumpa wi jaeño mái pewa Tatawasurenda pe. Erëi Tumpa umee yandewe tekowe opa mbae wae jepɨ mbae awe. Jare kua re ko yande yayekou ñaï, echa’ä pëti ramiño ko ñaï yandeYa Jesucristo re ramo. Jukuärái ko. Jáeramo mbaetɨ ikawi jekuaeño yayawɨ waerä Tumpa jei wae.

1 Timoteo 1:16

Erëi Tumpa ipɨakawi chewe ïru wae reta ipuere waerä uikuaa añetete ko Jesucristo ipɨawasu ipotawe uyawɨ ikotɨ wae reta pe. Jukuärái che ko jae pëti jaanga rami jae reta pewarä. Echa’ä jae reta uikuaa ma chereko rewa yawe, uikuaata jae reta wi ipuere wɨrowia waerä Cristo re jare onoi reta waerä tekowe opa mbae wae.

Tito 1:2

Jae reta wɨrowia kawi yawe Cristo re jare yemboe añetete wae uikuaa kawi reta yawe, wɨrowia katu rewe uärota ñonoï tekowe opa mbae wae. Echa’ä ndei ɨwɨ uyembɨpɨ mbowe, Tumpa jei umeeta oï yandewe tekowe opa mbae wae. Jare Tumpa ndarau etei iyapu yandewe.

1 Juan 2:25

Jare kua ko jae Tumpa jei umeeta oï yandewe wae – tekowe opa mbae wae.

1 Juan 4:10

Echa’ä Tumpa ombou Taɨ umano waerä mbaembae yayawɨ ikotɨ wae re, jare jukuärái umbɨpɨakatu Tumpa iarasɨ tëi iko yandekotɨ wae. Yaipota yaikuaa yawe kërái yapuruau waerä añetete rewe, jokua re ko ikawi ñamae waerä. Awɨye ñamae yandiyé kërái yaau Tumpa wae re. Echa’ä yaau Tumpa wae ndarau etei omboyowake Tumpa yanderau wae.

1 Juan 4:9

Jare Tumpa uechaka yandewe yanderau ko kuärái: Jae ombou Taɨ jae waeño wae kua ɨwɨ pe yande yandepuere waerä ñanoi tekowe opa mbae wae Taɨ uyapo yandewe wae rupi.

1 Juan 5:10

Kía Tumpa Taɨ re wɨrowia wae uikuaa ipɨa pe añetete ko kua mbaembae Tumpa uikuaaka yandewe wae. Erëi jokua wɨrowia’ä wae jei oï tëi Tumpa pe iyapu wae ko, echa’ä wɨrowia’ä Tumpa jei Taɨ rewa wae ramo.

1 Juan 5:20

Jare yaikuaa wi Tumpa Taɨ ou ma ko kua ɨwɨ pe jare umee ma yandewe arakuaa yaikuaa waerä Tumpa añetete wae. Jare añawe yande ñaï ma ko pëti ramiño Tumpa añetete wae re, echa’ä ñaï ma pëti ramiño Taɨ Jesucristo re ramo. Jae ko Tumpa añetete wae jare tekowe opa mbae wae iYa.

1 Juan 5:7

Añetete ime mbapɨ mbaembae uikuaaka kawi yandewe Jesucristo rewa.

3 Juan 1:12

Jayawe ikawi ko nde nembɨasa kawi waerä Demetrio jae oo uwäe yawe pepɨ. Opaete wae uyemɨngeta kawi jese, echa’ä jae jekuaeño oï añetete wae rupi. Jare ore jae nunga wi nduyemɨngeta kawi noï pewe jese. Jare nde ndikuaa neï ore ndoe wae añetete ko.

Judas 1:21

Pe reta pikuaa peï yandeYa Jesucristo umeeta oï pewe tekowe opa mbae wae peparareko ramo. Jare añawe jokua peäro peï rambuewe, jekuaeño pemandúa kërái Tumpa perau wae re.

Apocalipsis 22:1

Joko wi araɨwa uechaka chewe ɨ wasu ikɨa mbae wae – jae ko ɨ tekowe opa mbae wae umee wae. Jokua ɨ uwerasɨ vidrio uwerasɨ wae rami. Jare uyekuaa oë ou Tumpa jare Owecha kuimbae taurusu wae iwapɨa wi.