1 Juan 4:9 - Biblia

⁹ Jare Tumpa uechaka yandewe yanderau ko kuärái: Jae ombou Taɨ jae waeño wae kua ɨwɨ pe yande yandepuere waerä ñanoi tekowe opa mbae wae Taɨ uyapo yandewe wae rupi.

Guaraní Pe (Western): Simba

⁹ Tumpa ombou Taɨ jae vaeño ɨvɨ pe yande ñanoi vaerã tecove opa mbae vae Taɨ uyapo yandeve vae jeco pegua. Jare jucuarãi Tumpa uicuaaca yandeve yanderau co.

1 Juan 4:9 Iomraidhean Croise

Génesis 22:2

Jare Tumpa jei chupe: “Eraa Isaac, nderaɨ jae waeño ndeauete wae, jare ekua jae ndiwe ɨwɨ Moriah jee wae kotɨ,” jei. “Jare ndeo newäe yawe pëti ɨwɨtu wasu aikuaakata aï ndewe wae pe, joko pe iyuka nderaɨ. Jare eapɨ jetekue pëti mbaerenda ita pewa re nemee waerä chewe nderaɨ,” jei Tumpa Abraham pe.

Marcos 12:6

“Jare uvarupa iya ime wɨreko pëti taɨ jae waeño uauete wae. Taɨkuete rupi ombou taɨ uvarupa uiporu wae reta pe. Echa’ä jei tëi iyupe: ‘Kua cheraɨ wi uipɨuta ko reta,’ jei tëi.

San Lucas 4:18

“Tumpa ikoño mái wae iEspíritu oï cheré, echa’ä jae cheparawo a amɨmbeu waerä ñee ikawi wae iparawete wae reta pe. Jae chembou ambɨpɨakatu waerä ipɨatɨtɨ wae reta, jare amɨmbeu waerä pereso reta pe kërái ipuere waerä uyembopoika reta. Chembou wi amɨmae waerä jesa mbae wae reta, jare aepɨ waerä uiporara wae reta jowaicho reta wi.

San Juan 10:10

“Imonda wae jaeño ou oñomi waerä, jare upuruyuka waerä, jare upurukachi waerä. Erëi che jokuaerä'ä ko ayu. Che ayu ko amee waerä tekowe opa mbae wae cheré wɨrowia wae reta pe. Jare jokua tekowe onoi reta yawe, tuicha rupi uyekouta reta,” jei Jesús chupe reta.

San Juan 14:6

Jare Jesús jei chupe: “Che ko jae tape Tumpa kotɨ oo wae. Che ko jae añetete ayemɨngeta Tumpa rewa wae. Cheño ko jae tekowe opa mbae wae amee wae. Jare kiawe ipuere’ä oya cheRu re – jaeño che rupi,” jei chupe.

San Juan 3:16

Tumpa uauete ɨwɨ pewa reta. Jáeramo umee Taɨ jae waeño wae, ipotawe kía wɨrowia jese wae onoi waerä tekowe opa mbae wae. Ndarau etei oo Tatawasurenda pe.

San Juan 3:18

Jare opaete Tumpa Taɨ re wɨrowia wae reta, Tumpa mbaetɨ ma umbɨjeko reta. Erëi opaete Taɨ re wɨrowia’ä wae reta, Tumpa umbɨjeko ma reta, echa’ä jae reta wɨrɨ̈ro Tumpa Taɨ jae waeño wae.

San Juan 5:23

“Echa’ä cheRu uipota opaete wae reta uipɨu waerä chewi, che jae Taɨrä aiko wae wi, kërái chuwi uipɨu reta rami. Añetete ime yawe kía uipɨu’ä chewi wae, cheRu wi ko uipɨu’ä oï, echa’ä cheRu etei ko chembou,” jei chupe reta.

San Juan 6:29

Jayawe Jesús jei chupe reta: “Perowia Tumpa ombou wae re – jae ko che. Kua ko jae mbarawɨkɨ Tumpa uipota piyapo waerä wae,” jei chupe reta.

San Juan 6:51

“Jare che etei ko jae jokua mbɨyape ara wi ayu wae tekowe opa mbae wae amee wae. Jare ipotawe kía kua mbɨyape jou wae onoita tekowe opa mbae wae,” jei umbɨjaanga rewe. “Cherete etei ko jae jokua mbɨyape. Jare che ameeta aï cherete opaete ɨwɨ pewa reta re opaete onoi waerä tëi tekowe ipɨau wae,” jei Jesús chupe reta.

San Juan 6:57

“CheRu ikoño mái wae chembou, jare che aiko jae imbaepuere rupi. Jae ramiño wi jokua cherete jou wae ikota che chembaepuere rupi,” jei chupe reta umbɨjaanga rewe.

San Juan 8:29

“CheRu ko chembou jare jae oï che ndiwe. Jae chereya’ä etei, echa’ä che jekuaeño ayapo jae umbɨyerowia wae,” jei chupe reta.

San Juan 8:42

Jayawe Jesús jei chupe reta: “Añetete Tumpa ko jae peRu yawe, jayawe pe reta cherauta tëi ko, echa’ä che ayu ko Tumpa wi. Tumpa etei ko chembou. Che ayu’ä ko che aipota ramoño,” jei chupe reta.

San Juan 9:3

Jayawe Jesús jei chupe reta: “Tu jare ichɨ jeko pewa’ä ko, jare jae jeko pewa’ä wi. Jukuärái oa Tumpa imbaepuere uyekuaa jese waerä,” jei.

Romanos 8:32

Echa’ä Tumpa umbɨete’ä Taɨ umee waerä yandewe jare umano waerä yanderé. Jare jukuärái yawe, ¿këraita pa Tumpa umbɨete mbaembae yandewe jae ndiwe ñaï kawi waerä?

Hebreos 1:5

Echa’ä Tumpa mbae jei Taɨ pe wae, jokua nunga jei’ä pëti awe araɨwa pe. Echa’ä jae jei Taɨ pe kuärái: “Nde ko jae cheRaɨ. Kua ara etei aikuaaka aï opaete wae pe che ko jae ndeRu.” Jae nunga wi Tumpa jei Taɨ rewa kuärái: “Che aikota chupe Tuurä jare jae ikota cheRaɨrä.” Jukuärái Tumpa jei Taɨ rewa. Erëi jokua jei’ä pëti awe araɨwa pe.

1 Juan 3:16

Jare yande reta yaikuaa ma kërái ko yapuruau añetete rewe. Echa’ä yandeYa Cristo jokua uechaka ma yandewe jae umee yawe jekowe yanderé. Jukuäraita ko yande yaau wi ïru hermano reta.

1 Juan 4:10

Echa’ä Tumpa ombou Taɨ umano waerä mbaembae yayawɨ ikotɨ wae re, jare jukuärái umbɨpɨakatu Tumpa iarasɨ tëi iko yandekotɨ wae. Yaipota yaikuaa yawe kërái yapuruau waerä añetete rewe, jokua re ko ikawi ñamae waerä. Awɨye ñamae yandiyé kërái yaau Tumpa wae re. Echa’ä yaau Tumpa wae ndarau etei omboyowake Tumpa yanderau wae.

1 Juan 4:16

Jayawe kua mbaembae rupi yaikuaa kawi ma Tumpa yanderau ko, jare jokua re yarowia jare yayeko ma jese. Tumpa ko tuicha upuruau. Añetete Tumpa etei ko jae mburuau. Jayawe kía upuruau rewe iko wae uñemɨïru kawi ko oï Tumpa ndiwe, jare Tumpa uñemɨïru kawi oï jae ndiwe wi.

1 Juan 5:11

Jare Tumpa uikuaaka yandewe kuärái: Jae umee ma yandewe tekowe opa mbae wae, jare kua tekowe opa mbae wae ñawäe Tumpa Taɨ re.

1 Juan 5:13

Jayawe pe Tumpa Taɨ re perowia peï wae reta, che aikuatía aï pewe kua mbaembae pe reta pikuaa waerä penoi ma ko tekowe opa mbae wae.