1 Juan 4:7 - Biblia

⁷ Cheïru puau wae reta, jekuaeño yayerauta ko päwe rewe, echa’ä jokua ou Tumpa wi ramo. Ime kía Tumpa uyapo taɨrä wae jare uikuaa Tumpa wae, upuruauta oï.

Guaraní Pe (Western): Simba

⁷ Cherɨvɨ reta, yayerau. Echa'ã Tumpa umee yandeve mburuau. Jare upuruau vae güɨnoi tecove opa mbae vae Tumpa güi, jare uicuaa Tumpa.

1 Juan 4:7 Iomraidhean Croise

San Juan 13:34

“Añawe che aikuaaka aï pewe mbae ipɨau wae piyapo waerä. Jae ko kua: Piyerauta ko päwe rewe. Piyerau päwe kërái che puau rami.

San Juan 17:3

“Jare ¿mbae ra jokua tekowe opa mbae? Nde ko jae pëtiño Tumpa añetete wae, jare che ko jae Jesucristo nde chembou wae. Tayandekuaa reta. Jokua ko jae tekowe opa mbae wae,” jei.

1 Corintios 8:3

Erëi kía uau Tumpa wae, Tumpa uikuaa oï kía ko jae wae.

2 Corintios 4:6

Nduyembutuicha’ä etei, echa’ä Tumpaño ko umbɨyekuaa tembipe pɨ̈tumimbi wi. Jare Tumpa etei ko umbɨembipe yandepɨa pe yaikuaa kawi waerä kërái Cristo rupi etei ko uyekuaa Tumpa imbaepuere jembipete ye wae.

Gálatas 4:9

Erëi añawe pikuaa ma ko Tumpa – ani ikawiete yae waerä chupe Tumpa pekuaa ma. ¿Kërái ramo jayawe pipota piyerowa ye peï chuwi? ¿Maera pa pipota piyapo ye mbaembae ipuere’ä pemborɨ piyembujupika waerä Tumpa kotɨ? ¿Pipota yerá piko ye jokua mbaembae imbaepuere pe?

Gálatas 5:22

Erëi kía iko yawe Espíritu Santo jei wae rupi, upuruauta, uyerowiata, ipɨakatuta, ipɨawasuta, ipɨakawita, jeko kawita, wɨrowia kawita Tumpa re,

2 Timoteo 1:7

Awɨye ekɨye opa ndiyapo waerä jokua mbarawɨkɨ. Echa’ä Tumpa umee ma yandewe Espíritu Santo, jare kɨye ou’ä ko Espíritu Santo wi. Chuwi ou ko mbaepuere yayeyokui kawi waerä Tumpa pe, jare yapuruau waerä, jare yayopia waerä yanderete uipota uyapo wae.

1 Pedro 1:22

Pe reta piyandu ma ñee añetete wae Cristo rewa jare perowia ma jese. Jare jukuärái añawe Espíritu Santo rupi pepɨayoeka ma Tumpa kotɨ. Jáeramo añawe pepuere piyerau päwe añetete rewe. Jayawe jekuaeño piyerau mii pepɨa rewe.

1 Juan 2:10

Erëi ime yawe kía uau ïru hermano reta wae, jae jekuaeño oï tembipe pe. Jare jukuärái yawe, mbaetɨta mbae re uyepɨaka waerä.

1 Juan 2:29

Jae nunga wi yande yayapo yawe jupi wae rupi, jokoropi uyekuaata yande ko jae Tumpa taɨ reta wae. Echa’ä pe reta pikuaa kërái Tumpa ko jae jupi wae. Jare jukuärái wi opaete taɨ reta uyapota ko jupi wae rupi.

1 Juan 2:3

Jare ¿kërái ra yandepuere yaikuaa añetete ra yaikuaa Tumpa wae? Yande yayapo yawe mbaembae Tumpa jei yandewe wae, jokua uikuaaka yandewe yaikuaa ko Tumpa wae.

1 Juan 2:4

Ipuere ko kía jei iyupe, “Che aikuaa ko Tumpa,” jei. Erëi jae uyapo’ä yawe Tumpa jei wae rupi, iyapu ko. Iko’ä etei ko añetete wae rupi.

1 Juan 2:7

Cheïru mii puau wae reta, kua aikuatía aï pewe wae mbae ipɨau wae’ä ko. Jae ko jokua iyɨpɨ wiwe pikuaaño mái piko wae. Echa’ä iyɨpɨ wiwe piyanduño mái kua ñee yayerauta ko päwe rewe wae.

1 Juan 3:9

Jayawe ipotawe kía Tumpa uyapo taɨrä wae ndarau jekuaeño uyawɨ Tumpa kotɨ. Echa’ä Tumpa etei ko uyapo taɨrä iko waerä jare umee chupe tekowe ipɨau wae Tumpa pewa. Jokua jeko pewa ko Cristo re wɨrowia wae reta ipuere’ä jekuaeño uyawɨ Tumpa kotɨ.

1 Juan 4:11

Jukuärái ko, cheïru puau wae reta, Tumpa uikuaaka yandewe yanderau wae. Jáeramo yande reta wi yayerauta ko päwe rewe.

1 Juan 4:12

Mbaetɨi kiawe uecha Tumpa. Erëitu yayerau päwe ñaï yawe, ñañemɨïru kawi ko ñaï Tumpa ndiwe jare yaau ko ñaï Tumpa kërái jae jukuäraiño mái uipota wae rupi.

1 Juan 4:16

Jayawe kua mbaembae rupi yaikuaa kawi ma Tumpa yanderau ko, jare jokua re yarowia jare yayeko ma jese. Tumpa ko tuicha upuruau. Añetete Tumpa etei ko jae mburuau. Jayawe kía upuruau rewe iko wae uñemɨïru kawi ko oï Tumpa ndiwe, jare Tumpa uñemɨïru kawi oï jae ndiwe wi.

1 Juan 4:20

Erëi ime yawe kía jei, “Che au Tumpa,” erëi uñamɨtäa yawe ïru hermano, jayawe iyapu ko oï. Echa’ä yaau’ä yawe ïru hermano yaecha ñanoi wae, jayawe ¿këraita pa yandepuere yaau Tumpa yaecha’ä ñaï wae? Ndarau yandepuere.

1 Juan 4:8

Erëi upuruau mbae wae uikuaa’ä Tumpa, echa’ä Tumpa ko tuicha upuruau. Añetete Tumpa etei ko jae mburuau.

1 Juan 5:1

Opaete kía reta wɨrowia Jesús ko jae Cristo Upuruepɨ wae, jokua reta Tumpa uyapo taɨ retarä yureko waerä. Jare yande yaikuaa kawi ñaï yaau yawe pëti kuimbae sambiaɨ reta onoi wae, yaau wi ko taɨ reta.

2 Juan 1:5

Jare añawe nde cherindɨ mii, che numɨñera jekuaeño nemandúa waerä kua Tumpa jei yandewe wae re: yapuruau päwe rewe mii. Kua aikuatía aï ndewe wae, mbae ipɨau wae’ä ko. Jae ko jokua iyɨpɨ wiwe Tumpa jeiño mái yandewe wae.