1 Juan 4:6 - Biblia

⁶ Erëi ore reta, oriñee ou ko Tumpa wi. Jáeramo ime yawe kía uikuaa Tumpa wae, jae uyapɨsaka oriñee re. Erëi kía uikuaa’ä Tumpa wae uyapɨsaka’ä oriñee re. Jukuärái yaikuaa kía ko jae oporomboe jupi wae jare kía ko upurumbɨtawɨ wae.

Guaraní Pe (Western): Simba

⁶ Ẽrei yande co jae Tumpa imbae reta. Ime yave quía uicuaa Tumpa vae, jae uyapɨsaca yanderé. Ẽrei ime yave quía Tumpa imbae'ã vae, jae uyapɨsaca'ã yanderé. Jare cuarãi yaicuaa añete vae pegua ra penti ñee, ani tavɨ pegua ra.

1 Juan 4:6 Iomraidhean Croise

Isaías 8:20

Ikawi ko yaeka waerä chupe iyarakuaa jare jokua jae jei wae. Kía ambɨe ye jei Tumpa iñee re wae oï pɨ̈tumimbi pe.

San Lucas 10:22

Jayawe Jesús jei wi joko pe ñonoï wae reta pe: “CheRu umee ma chewe mbaepuere opaete mbaembae re. Jaeño chekuaa kawi. Mbaetɨ ye kiawe chekuaa kawiete. Jae ramiño wi mbaetɨ kiawe uikuaa kawiete cheRu. Cheño aikuaa kawi. Jare jokua che aikuaaka chupe wae reta uikuaa wi,” jei chupe reta.

San Juan 10:16

“Jare imeta oï wi ïru cheowecha reta. Erëi ndei ko jae reta oï cheowecharokai pe, echa’ä jae’ä ko judío reta. Jae reta wi uyapɨsakata chiñee re che aeni reta yawe. Jare che imeta ko jae reta wi aru amɨinge waerä cheowecharokai pe. Jare aru reta ma yawe, yurekota reta pëti wae peño jare pëtiño opaete jae reta iyandarekorä aikota,” jei chupe reta.

San Juan 10:27

“Cheowecha reta uyapɨsaka chiñee re. Jare che aikuaa kawi cheowecha reta, jare jae reta uwata cheraɨkue.

San Juan 10:3

“Jare owecha reta iyandarekoa uipota uike yawe, öke uäro wae uipeata chupe. Jare jae uike ma yawe, yuweruta ikotɨ iowecha reta, echa’ä jae reta uikuaa iyandarekoa iñee ramo. Jare jae uenita pëti pëti iowecha reta jee rupi jare onoeta wɨraa reta owecharokai wi,” jei.

San Juan 13:20

“Che tae pewe añetete wae, che amondo yawe kía umɨmbeu waerä cheré, jare kía wɨrowia jese yawe, cheré etei ko wɨrowia oï. Jare jokua cheré wɨrowia wae, chembou wae re etei ko wɨrowia oï wi,” jei Jesús jemimboe reta pe.

San Juan 14:17

Jae ko Espíritu Santo,” jei. “Jae uikuaakata oï pewe añetete wae. Erëi cheré wɨrowia mbae wae reta ndarau uipota Espíritu Santo, echa’ä jae reta uecha’ä jare uikuaa’ä ramo. Erëi pe reta pikuaa Espíritu Santo, echa’ä jae oï pe reta ndiwe jare oïta pepɨa pe,” jei chupe reta.

San Juan 15:26

“Erëi che a ye ma yawe cheRu oï wae pe, joko wi che etei ambouta aï pewe jokua Oporomborɨ wae. Jae ko Espíritu Santo, jare jae cheRu wi etei ko outa oï. Jare jae uwäe yawe, uikuaakata oï che rewa jupi rupi, echa’ä jae jekuaeño uikuaaka añetete wae,” jei chupe reta.

San Juan 16:13

“Erëi Espíritu Santo ou ma yawe, jae pembɨarakuaa kawita añetete wae rewa. Echa’ä ñee jae uikuaakata oï pewe wae jae iñeeño’ä ko. Tumpa jei chupe wae, jokua ko uikuaaka yuapɨ yeta oï pewe. Jare jae uikuaakata oï wi pewe mbaembae taɨkue rupi uasata oï kuri wae,” jei.

San Juan 18:37

Jayawe Pilato jei chupe: “Jayawe nde yepe jae pëti mburuwicha,” jei chupe. Jayawe Jesús jei chupe: “Nde ndere wae rami jae ko che. Jokuaerä ko aa chesɨ wi. Jare ayu ko kua ɨwɨ pe amɨmbeu waerä añetete wae. Jare opaete uipota yureko añetete wae rupi wae reta, jae reta ko uyapɨsaka chiñee re,” jei chupe.

San Juan 20:21

Jayawe Jesús jei ye chupe reta: “Pepɨakatu. CheRu chembou amɨmbeu waerä jesewa. Jare jukuärái wi añawe che pomondo aï cheree re pemɨmbeu waerä che rewa,” jei chupe reta.

San Juan 8:19

Jayawe jae reta jei chupe: “¿Kiape pa oï nderu?” jei reta chupe. Jayawe Jesús jei: “Pe reta chekuaa’ä jare pikuaa’ä wi cheRu. Añetete pe chekuaa yawe, pikuaata tëi ko wi cheRu,” jei chupe reta.

San Juan 8:23

Jayawe Jesús jei chupe reta: “Pe reta ara pewa’ä ko. Erëi che ara pewa ko. Pe reta kua ɨwɨ pewa ko. Erëi che kua ɨwɨ pewa’ä ko.

Romanos 1:1

Che ko jae Pablo, Jesucristo pe ayeyokui wae. Tumpa chereni chemondo waerä opaete kerupi jae jee re amɨmbeu waerä ñee ikawi wae. Jokuaerä etei ko jae cheñono tee. Kua ñee ikawi wae Tumpa wi etei ko ou.

Romanos 11:8

Uyekuatía oï Tumpa iñeerɨru pe jese reta kuärái: “Tumpa uyapo chupe reta awɨye waerä iyarakuaa reta. Jae uyapo reta jesa mbae wae rami jare iyapɨsa mbae wae rami, awɨye waerä jae reta uikuaa kawi Tumpa rewa. Jare jekuaeño añawe rupi jukuärái jae reta ñonoï.”

1 Corintios 14:37

Aramoi ime kía pepɨte pe umae iyé jae ko pëti ñee Tumpa wi etei ou wae umɨmbeu wae. Ani aramoi ime kía wɨrowia Espíritu Santo imbaepuere onoi wae. Jokua nunga ime yawe, tuikuaa kawi kua mbaembae aikuatía aï pewe wae yandeYa wi etei ko ou wae.

2 Corintios 10:7

Amokue wae jei ñonoï iyupe, “Cristo chembou.” Erëi tuikuaa reta ore ko Cristo orembou wi. Pe pikuaa ko kua añetete wae.

2 Tesalonicenses 1:8

uiporaraka waerä opaete uikuaa’ä Tumpa wae reta pe. Echa’ä jae reta wɨrowia’ä ñee ikawi wae yandeYa Jesucristo rewa.

1 Timoteo 4:1

Erëi Espíritu Santo uikuaaka kawi yandewe kërái ara taɨkuewa rupi amokue wae reta usɨrɨta jokua yemboe añetete wae wi. Jae reta uyapɨsakata upurumbɨtawɨ wae reta jei wae re. Jare wɨrowiata reta yemboe añetete’ä wae aña reta wi etei ou wae.

2 Pedro 3:2

Pe reta pikuaa ko kërái arakaete rupi Tumpa oñono tee amokue kuimbae reta jae imaerä umɨmbeu reta waerä jae iñee. Jokua ñee re aipota pe reta pemandúa ye waerä. Jare aipota pemandúa ye waerä wi yandeYa oporomboe wae re. Kua yemboe pikuaa ko, echa’ä yandeYa yandeRepɨ wae orembou numɨmbeu waerä pewe.

1 Juan 4:1

Cheïru puau wae reta, awɨye perowia woi ipotawe kía Tumpa iñee ou umɨmbeu wae, echa’ä añawe rupi ime jeta wae reta Tumpa iñee umɨmbeuraanga wae reta. Jayawe ime yawe kía ou piyembatɨ wae pe jare jei pewe yawe, “Che ko jae Tumpa iñee umɨmbeu wae,” pemboporowa rani jae iñee añetete ra ou Tumpa wi wae.

1 Juan 4:4

Erëi pe cheraɨ puau wae reta, pe reta opa ma pemɨamɨri jokua oporomboeraanga wae reta, echa’ä pe reta ko jae Tumpa pewa jare Espíritu Santo oï pepɨa pe. Jare yepe tëi Añawasu ko jae kua ɨwɨ iya, erëi Espíritu Santo imbaepuere tuichaete ye ko Añawasu imbaepuere wi.

1 Juan 4:8

Erëi upuruau mbae wae uikuaa’ä Tumpa, echa’ä Tumpa ko tuicha upuruau. Añetete Tumpa etei ko jae mburuau.

1 Juan 5:19

Añetete ko, yande yaikuaa opaete kua ɨwɨ jeko rupi yureko wae reta Añawasu imbaepuere pe ko ñonoï. Erëi yaikuaa wi yande reta ko jae Tumpa pewa reta.

Judas 1:17

Erëi pe cheïru puau mii wae reta, pemandúa yandeYa Jesucristo jemimboe tenondewaete reta umɨmbeu pewe wae re.