1 Juan 4:21 - Biblia

²¹ Jare wi Tumpa yanemboe kuärái: “Jokua uau Tumpa wae, tuau wi ïru hermano reta,” jei.

Guaraní Pe (Western): Simba

²¹ Jare Tumpa umɨmbeu ma yandeve cua mboroyocui: “Uau Tumpa vae tuau vi ĩru upurugüɨrovia vae.”

1 Juan 4:21 Iomraidhean Croise

San Mateo 5:43

“Jae nunga wi pe reta pikuaa kawi peï, arakaete wiwe oporomboe reta ma kuärái: ‘Peau perapicha jare piñamɨtäa perowaicho,’ jei reta.

San Lucas 10:37

Jare kuimbae jei Jesús pe: “Jokua uiparareko umae jese wae,” jei chupe. Jayawe Jesús jei chupe: “Jukuäraiete ko. Jayawe ekua nde, iyapo wi jae uyapo wae rami,” jei chupe.

San Juan 15:12

“Jare kua ko che jae aï pewe piyapo waerä: piyerau päwe kërái che puau rami.

Gálatas 5:14

Echa’ä opaete mbaembae Tumpa arakae jei Moisés rupi wae, jae ko pëti waeño. Jae ko kua: “Peau perapicha kërái pe reta etei piyerau wae rami.”

Gálatas 5:6

Añetete ime yawe kía pëti ramiño oï Jesucristo re wae, mbae’ä ko uyembɨcircuncidaka ma wae. Jare mbae’ä ko wi uyembɨcircuncidaka mbae wae. Erëi mbae ikawi wae ko jae Cristo reño yarowia waerä jare yaechaka waerä yarowia ma ko jese wae yayerau päwe rewe rupi.

1 Tesalonicenses 4:9

Che ndarau aikuatía pewe kua tupapire pe piyerau päwe waerä. Echa’ä Tumpa etei jukuärái pemboe.

1 Pedro 3:8

Jayawe opaete kua mbaembae rupi aipota jae pewe kuärái: Piko kawi pëti ramiño päwe rewe. Piyeparareko. Piyerau päwe rewe. Pepɨakawi jare piñemɨmichi peyupe.

1 Pedro 4:8

Jare opaete mbaembae reta wi, tenonde imeta ko tuicha rupi piyerau päwe rewe waerä. Echa’ä piko yawe jukuärái, ndarau ma pemandúa peyupe mbaembae kachi piyapo wae re.

1 Juan 2:7

Cheïru mii puau wae reta, kua aikuatía aï pewe wae mbae ipɨau wae’ä ko. Jae ko jokua iyɨpɨ wiwe pikuaaño mái piko wae. Echa’ä iyɨpɨ wiwe piyanduño mái kua ñee yayerauta ko päwe rewe wae.

1 Juan 3:11

Kua ñee ipɨau wae’ä ko. Echa’ä pe reta piyanduño mái imeta ko yayerau päwe rewe.

1 Juan 3:14

Yande yarowia Cristo re wae reta yayerau päwe añetete rewe yawe, jokua uikuaaka yandewe ime ko ñanoi tekowe ipɨau wae jare ndarau ye ñamano wae echa Tumpa wi. Erëi kía upuruau’ä wae imeño umano oï wae echa Tumpa wi.

1 Juan 3:18

Jayawe cheraɨ puau wae reta, yapuruau mii mbaembae yayapo wae rupi añetete rewe. Awɨye yapuruau ñaniñee peño.

1 Juan 3:23

Jare kua ko jae Tumpa jei yandewe wae: imeta ko yarowia Taɨ Jesucristo re, jare imeta ko yayerau päwe rewe kërái Cristo jei yandewe rami.

1 Juan 4:11

Jukuärái ko, cheïru puau wae reta, Tumpa uikuaaka yandewe yanderau wae. Jáeramo yande reta wi yayerauta ko päwe rewe.