1 Juan 4:12 - Biblia

¹² Mbaetɨi kiawe uecha Tumpa. Erëitu yayerau päwe ñaï yawe, ñañemɨïru kawi ko ñaï Tumpa ndiwe jare yaau ko ñaï Tumpa kërái jae jukuäraiño mái uipota wae rupi.

Guaraní Pe (Western): Simba

¹² Mbaetɨ etei quía uecha Tumpa. Ẽrei yayerau yave, Tumpa ico yandepɨa pe, jare mburuau Tumpa cotɨ ñanoi vae jecuaeño ucuacuaa.

1 Juan 4:12 Iomraidhean Croise

San Juan 1:18

Mbaetɨi kiawe uecha ma yandeRu Tumpa wae. Erëi Tumpa Taɨ jae waeño wae uikuaaka ma yandewe kërái ko jae wae. Taɨ ko Tumpa etei jare jekuaeño uñemɨïru oï Tu ndiwe.

1 Corintios 13:13

Jukuärái ko opaete mbaepuere reta Tumpa añawe umee yandewe wae opata oï. Erëi jesewe jekuaeño imeta yarowia waerä Tumpa re. Jare jekuaeño imeta ñaäro waerä yarowia katu rewe Tumpa jei yandewe wae. Jare jekuaeño imeta yapuruau waerä. Kua mbapɨ mbaembae jekuaeño imeta yayapo waerä. Jare kua mbapɨ wae wi yapuruau wae ko jae ikawiete ye wae.

1 Timoteo 1:17

Jáeramo, ¡yambutuicha Tumpa jee! Jae ko opaete wae imburuwicha wasurä jaeño mái pewa, jare yaecha mbae wae ko, jare ndaraúi umano wae. Jaeño ko jae Tumpa. Jare jae jee tuyembutuichaka jaeño mái pewa. Jukuärái tuiko.

1 Timoteo 6:16

Jaeño ikoño mái imbaepuere tuichaete rupi. Jare imbaepuere jupi wae jembipe tuicha uwerasɨ wae rami. Jáeramo mbaetɨ etei kiawe ipuere oya jese. Mbaetɨ etei wi kiawe ɨwɨ pewa reta ipuere uecha. Jayawe, ¡yambutuicha Tumpa jee jaeño mái pewa! Jukuärái tuiko.

Hebreos 11:27

Jare Moisés wɨrowia Tumpa jei wae re ramo, ukɨye’ä mburuwicha wasu iarasɨ wi jare oë oo ɨwɨ Egipto wi. Yepe tëi Tumpa uyekuaa mbae wae ko, erëi Moisés uñemɨmɨräta jese uecha oï rami.

1 Juan 2:5

Erëi Tumpa jei wae rupi yayapo yawe, yande yaau ñaï Tumpa kërái jae jukuäraiño mái uipota wae rupi. Jare jukuärái yaikuaata yande ko ñaï pëti ramiño Tumpa re wae.

1 Juan 3:24

Jare kía kua Tumpa jei wae uyapo wae jekuaeño uñemɨïru Tumpa ndiwe, jare Tumpa jekuaeño uñemɨïru jae ndiwe wi. Jare yande yaikuaa Tumpa uñemɨïru ko yande ndiwe, echa’ä jae umee yandewe Espíritu Santo ramo.

1 Juan 4:16

Jayawe kua mbaembae rupi yaikuaa kawi ma Tumpa yanderau ko, jare jokua re yarowia jare yayeko ma jese. Tumpa ko tuicha upuruau. Añetete Tumpa etei ko jae mburuau. Jayawe kía upuruau rewe iko wae uñemɨïru kawi ko oï Tumpa ndiwe, jare Tumpa uñemɨïru kawi oï jae ndiwe wi.

1 Juan 4:20

Erëi ime yawe kía jei, “Che au Tumpa,” erëi uñamɨtäa yawe ïru hermano, jayawe iyapu ko oï. Echa’ä yaau’ä yawe ïru hermano yaecha ñanoi wae, jayawe ¿këraita pa yandepuere yaau Tumpa yaecha’ä ñaï wae? Ndarau yandepuere.

1 Juan 4:6

Erëi ore reta, oriñee ou ko Tumpa wi. Jáeramo ime yawe kía uikuaa Tumpa wae, jae uyapɨsaka oriñee re. Erëi kía uikuaa’ä Tumpa wae uyapɨsaka’ä oriñee re. Jukuärái yaikuaa kía ko jae oporomboe jupi wae jare kía ko upurumbɨtawɨ wae.