1 Juan 4:1 - Biblia

¹ Cheïru puau wae reta, awɨye perowia woi ipotawe kía Tumpa iñee ou umɨmbeu wae, echa’ä añawe rupi ime jeta wae reta Tumpa iñee umɨmbeuraanga wae reta. Jayawe ime yawe kía ou piyembatɨ wae pe jare jei pewe yawe, “Che ko jae Tumpa iñee umɨmbeu wae,” pemboporowa rani jae iñee añetete ra ou Tumpa wi wae.

Guaraní Pe (Western): Simba

¹ Cherɨvɨ reta, ime cua ɨvɨ pe jeta upurumbɨtavɨ vae reta. Jae reta jei iyapu reve: “Che co jae penti Tumpa iñee umɨmbeu vae.” Jáeramo pepɨa pe piyemɨngueta cavi piyandu vae re, agüɨye vaerã perovia ñee ou'ã Tumpa güi vae.

1 Juan 4:1 Iomraidhean Croise

Marcos 13:21

“Aramoi jokua ara reta rupi kía jeita pewe, ‘Mase, ko oï Cristo.’ Jare aramoi kía jeita pewe wi, ‘Mase, pee oï Cristo,’ jeita pewe. Jukuärái jei reta yawe, awɨye perowia,” jei.

San Lucas 12:57

“¿Maera pa pe retái pikuaa’ä kërái pemae waerä mbaembae re, jae ra ko jupi wae ani jupi mbae wae?” jei chupe reta.

San Lucas 21:8

Jayawe Jesús jei chupe reta: “Piyandareko kawi piyé kuri awɨye waerä kiawe pembɨtawɨ,” jei chupe reta. “Echa’ä outa jeta cheree pe uyembɨjeeraanga wae reta. Jare jeita tëi reta: ‘Che ko jae Cristo.’ Jare jeita pewe reta wi: ‘Uwäe ma ara kua ɨwɨ opa waerä,’ jeita reta. Erëi pe reta awɨye perowia jese reta,” jei chupe reta.

Hechos 17:11

Jokua tëta wasu pewa judío reta jeko kawiete tëta wasu Tesalónica pewa reta wi. Echa’ä jae reta jekuaeño ikɨrëɨ rewe uyapɨsaka reta Tumpa iñee re. Jare opa ara rupi umɨngetañoi reta Tumpa iñee uyekuatía oï wae uikuaa kawi reta waerä añetete ra ko Pablo oporomboe wae.

Hechos 20:29

“Aikuaa aï che a ye ma pewi yawe, yuweruta pepɨte rupi Tumpa iñee umɨmbeuraanga wae reta. Jae reta uipotata pererükumewa Tumpa kotɨ kërái yawapɨ̈ta uipota ou uyuka jou owecha reta wae rami,” jei.

1 Corintios 12:10

Jare jae nunga wi Espíritu Santo umee ïru wae reta pe uyapo waerä mbaembae tuicha wae kiawe ipuere’ä uyapo wae. Jare ïru wae reta pe umee umɨmbeu waerä ñee Tumpa wi etei ou wae. Jare umee wi ïru wae reta pe uikuaa kawi waerä ñee ou ra Espíritu Santo wi ani ou ra aña wi. Jare umee ïru wae reta pe ñee ambɨe ye ye wae uyemɨngeta waerä – jae ko jae ñee uyemɨngeta mbaei pɨpe wae. Jare ïru wae reta pe Espíritu Santo umee ipuere waerä umbɨasa iñee pei jokua ambɨe ye ñee reta wae. Jukuärái ko amokue mbaepuere reta Espíritu Santo umee yandewe wae.

1 Corintios 14:29

Jae ramiño wi ime yawe kía reta uipota umɨmbeu pewe ñee Tumpa wi etei ou wae, tumɨmbeu pewe mokui ani mbapɨ wae jae reta. Jare uyapɨsaka jese wae reta ipɨa pe tuyemɨngeta kawi jokua uyandu wae re jupi ra ani jupi’ä ra.

1 Tesalonicenses 5:20

Ime yawe kía jei, “Che ime anoi ñee Tumpa wi ou wae,” awɨye jawoi pewa perɨ̈ro.

1 Tesalonicenses 5:21

Pemboporowa rani jokua ñee añetete ra ou Tumpa wi. Jare ikawi oï yawe jokua ñee, jayawe pipɨsɨ jare pemandúa jese.

1 Timoteo 4:1

Erëi Espíritu Santo uikuaaka kawi yandewe kërái ara taɨkuewa rupi amokue wae reta usɨrɨta jokua yemboe añetete wae wi. Jae reta uyapɨsakata upurumbɨtawɨ wae reta jei wae re. Jare wɨrowiata reta yemboe añetete’ä wae aña reta wi etei ou wae.

2 Timoteo 3:13

Erëi jeko pochɨ wae reta jare upurumbɨtawɨ wae reta jeieteta uyapo reta mbaembae ikawi mbae wae. Jae reta jekuaeño umbɨtawɨta ïru wae reta, jare jae reta uyembɨtawɨkata wi.

2 Pedro 2:1

Erëi yanemandúa kawi ñaï, jokua ara reta rupi ime iko wi Israel iñemoñaa reta ipɨte rupi Tumpa iñee umɨmbeuraanga wae reta. Jare jukuärái wi añawe rupi imeta wi pepɨte rupi Tumpa iñee re oporomboeraanga wae reta. Jae reta ikatu oporomboe waerä tëi, erëi kachi oporomboeta, jare jukuärái umbɨtawɨta jeta wae reta. Jare yepe tëi yandeYa umbɨepɨ juwɨ pe jae reta iko waerä tëi jae imaerä, erëi jae reta mbaembae oporomboe wae rupi uikuakuta yandeYa. Jare jukuärái jae reta ueruta iyupe ɨmambae Tumpa iarasɨ.

1 Juan 2:18

Cheraɨ reta, añawe ñawäe ma ñaï ara taɨkuewa reta pe. Pe reta piyandu ma ko jokua kuimbae Cristo uyembɨjeeraanga wae outa oï wae. Jare añawe ou ma tenonde jeta wae Cristo uyembɨjeeraanga wae reta. Jukuärái yaikuaa ara taɨkuewa rupi ma ko ñaï wae.

1 Juan 2:7

Cheïru mii puau wae reta, kua aikuatía aï pewe wae mbae ipɨau wae’ä ko. Jae ko jokua iyɨpɨ wiwe pikuaaño mái piko wae. Echa’ä iyɨpɨ wiwe piyanduño mái kua ñee yayerauta ko päwe rewe wae.

2 Juan 1:7

Jukuärái jae pewe, echa’ä kua ɨwɨ pe ime jeta upurumbɨtawɨ wae reta. Jae reta wɨrowia’ä yandeYa Jesucristo uyeyapo kuimbaerä wae. Ime yawe kía jukuärái uyemɨngeta wae, jae ko upurumbɨtawɨ wae jare jae ko Cristo kotɨ oyowaicho oï wae.

3 Juan 1:11

Cheïru nduau mii wae, nde awɨye etei emomoe kua nunga ikawi mbae wae. Emomoe ikawi waeño. Ikawi wae uyapo wae reta Tumpa pewa ko. Erëi ikawi mbae wae uyapo wae reta uikuaa’ä etei ko Tumpa.

Apocalipsis 2:2

Jare che tae Éfeso pewa cheré wɨrowia wae reta pe kuärái: Che aikuaa opaete mbae piyapo wae, kërái täta peparawɨkɨ peï chemaerä jare kërái pemɨawäta peï yembɨawái reta pepɨawasu rewe. Aikuaa wi piñemɨïru’ä peï ikawi mbae wae uyapo wae reta ndiwe. Jare aikuaa wi ime pepɨte pe amokue wae reta jei tëi ñonoï kuärái: “Che ko jae Jesús chembou jae jee re wae.” Erëi aikuaa wi pe reta pikuaa ma chuwi jae reta iyapu wae.