1 Juan 3:9 - Biblia

⁹ Jayawe ipotawe kía Tumpa uyapo taɨrä wae ndarau jekuaeño uyawɨ Tumpa kotɨ. Echa’ä Tumpa etei ko uyapo taɨrä iko waerä jare umee chupe tekowe ipɨau wae Tumpa pewa. Jokua jeko pewa ko Cristo re wɨrowia wae reta ipuere’ä jekuaeño uyawɨ Tumpa kotɨ.

Guaraní Pe (Western): Simba

⁹ Tumpa güi tecove opa mbae vae güɨnoi vae jecuaeño uyapo'ã mbaeyoa. Echa'ã güɨnoi ma tecove Tumpa güi. Jáeramo ipuere'ã jecuaeño uyapo mbaeyoa. Echa'ã ime ma güɨnoi tecove opa mbae vae Tumpa güi.

1 Juan 3:9 Iomraidhean Croise

San Mateo 7:18

“Jare pëti temitɨ ía ikawi umee wae ndarau umee ía ikawi mbae wae. Jae ramiño wi pëti temitɨ ía ikawi mbae umee wae ndarau umee ía ikawi wae.

San Juan 1:13

Jae reta ko jae Tumpa taɨ reta, echa’ä Tumpa etei uyapo reta jukuärái ramo. Mbaetɨ uyeyapo reta jukuärái kua ɨwɨ pewa reta jeko rupi – jae ko tu jare ichɨ uipota uñemoña ramo.

San Juan 3:3

Jayawe Jesús jei chupe: “Pëti ara Tumpa ikota mburuwicha wasurä jaeño mái pewa kua ɨwɨ pe. Jare che tae ndewe añetete wae, ndarau kía ipuere oï jae ndiwe mbaetɨ oa pɨau ye yawe,” jei chupe.

Hechos 4:20

“Echa’ä ore imeta ko jekuaeño numɨmbeu ïru wae reta pe ore nduecha wae jare nduyandu wae,” jei chupe reta.

Romanos 6:2

¡Mbaetɨ etei! Echa’ä ñamano rami ma ko yandereko kachi wi. Jáeramo yandepuere’ä etei jekuaeño yayawɨ waerä Tumpa jei wae. ¿Kërái ra jokua?

Gálatas 5:17

Echa’ä yande yaiko yawe yande yae wae rupiño, jokua jae’ä ko Espíritu Santo uipota wae. Jae ramiño wi Espíritu Santo uipota wae, jae’ä ko yaipota wae yaiko yawe yande yae wae rupiño. Erëi mokui rewe yaipota tëi yayapo. Jáeramo ime pëti ñeräro yandepɨa pe, jare jekuaeño yanembɨawái oï awɨye waerä yayapo yandepɨawiwe rewe mbae yaipota tëi yayapo wae.

Tito 1:2

Jae reta wɨrowia kawi yawe Cristo re jare yemboe añetete wae uikuaa kawi reta yawe, wɨrowia katu rewe uärota ñonoï tekowe opa mbae wae. Echa’ä ndei ɨwɨ uyembɨpɨ mbowe, Tumpa jei umeeta oï yandewe tekowe opa mbae wae. Jare Tumpa ndarau etei iyapu yandewe.

1 Pedro 1:23

Echa’ä pe reta pea pɨau ye ma ko jare penoi ma tekowe ipɨau wae. Kua nunga tekowe ndarau opa, echa’ä ou’ä ko peru jare pesɨ wi. Ou ko Tumpa iñee rupi. Jare Tumpa iñee jekuaeño ikota jaeño mái pewa.

1 Juan 2:29

Jae nunga wi yande yayapo yawe jupi wae rupi, jokoropi uyekuaata yande ko jae Tumpa taɨ reta wae. Echa’ä pe reta pikuaa kërái Tumpa ko jae jupi wae. Jare jukuärái wi opaete taɨ reta uyapota ko jupi wae rupi.

1 Juan 3:6

Jáeramo kía uñemɨïru kawi Cristo ndiwe wae ndarau jekuaeño uyawɨ Tumpa jei wae. Erëi kía jekuaeño uyawɨ Tumpa jei wae wɨrowia’ä ko Cristo re jare uikuaa’ä etei ko wi.

1 Juan 4:7

Cheïru puau wae reta, jekuaeño yayerauta ko päwe rewe, echa’ä jokua ou Tumpa wi ramo. Ime kía Tumpa uyapo taɨrä wae jare uikuaa Tumpa wae, upuruauta oï.

1 Juan 5:1

Opaete kía reta wɨrowia Jesús ko jae Cristo Upuruepɨ wae, jokua reta Tumpa uyapo taɨ retarä yureko waerä. Jare yande yaikuaa kawi ñaï yaau yawe pëti kuimbae sambiaɨ reta onoi wae, yaau wi ko taɨ reta.

1 Juan 5:18

Jare yaikuaa kawi opaete kía kía Tumpa uyapo taɨ retarä wae ndarau jekuaeño uyawɨ Tumpa jei wae. Echa’ä Tumpa Taɨ etei jekuaeño uyandareko oï jese reta, jare Añawasu ndarau ipuere mbae uyapo chupe reta.

1 Juan 5:4

Kua ɨwɨ jeko uipota tëi yanembɨawái, erëi yande Tumpa taɨrä yaiko wae reta ñamɨamɨri ma ko kua ɨwɨ jeko. Jare jukuärái yayapo Jesucristo re yarowia wae rupi.

3 Juan 1:11

Cheïru nduau mii wae, nde awɨye etei emomoe kua nunga ikawi mbae wae. Emomoe ikawi waeño. Ikawi wae uyapo wae reta Tumpa pewa ko. Erëi ikawi mbae wae uyapo wae reta uikuaa’ä etei ko Tumpa.