1 Juan 3:7 - Biblia

⁷ Cheraɨ puau wae reta, piyandareko kawi piyé awɨye waerä kía pembɨtawɨ kua rewa. Kía re Tumpa umae jeko mbae wae rami ikota jupi wae rupi. Echa’ä jae uipota iko Jesucristo rami, jare Jesucristo jupi wae ko.

Guaraní Pe (Western): Simba

⁷ Cheraɨ reta, agüɨye quía tapembɨtavɨ. Jesucristo jupi co. Jae ramiño vi jupi vae uyapo vae jupi co.

1 Juan 3:7 Iomraidhean Croise

San Mateo 5:20

“Moisés uikuatía wae re oporomboe wae reta jare fariseo reta uyapo kawi tëi jupi wae. Erëi che tae pewe, pe reta mbaetɨ jupiete peï yawe jae reta wi, ndarau etei peï Tumpa ndiwe jae oï ma yawe opaete wae imburuwicha wasurä,” jei Jesús chupe reta.

San Lucas 1:75

Jae reta kua ɨwɨ rupi ñonoï rambuewe, yureko teeta chemaerä jare jupi rupi.’ Jukuärái Tumpa jei Abraham pe.”

Hechos 10:35

“Echa’ä judío reta jare judío mbae wae reta ipɨte wi, Tumpa uiparareko umae ipotawe re uipɨu Tumpa wi wae jare jupi uyapo wae,” jei.

1 Corintios 6:9

¿Pikuaa’ä yerá ndarau oï Tumpa ndiwe jeko kachi wae reta Tumpa oï ma yawe opaete wae imburuwicha wasurä jaeño mái pewa? Awɨye etei piyembɨtawɨka kua rewa. Che tae pewe, ndarau etei ñonoï Tumpa ndiwe kua nunga reta: ipotawe wae ndiwe oke wae reta, jare tumparaanga re umbɨadora wae reta, jare awasa uyapo wae reta, jare kuimbae jae yepái uyereroke wae reta,

Efesios 5:6

Piyandareko kawi piyé, echa’ä aramoi imeta oï kía jei pewe ikawiño ko yayapo waerä jokua mbaembae. Erëi awɨye piyembɨtawɨka, echa’ä jokua ñee upurumbɨtawɨ wae pewa ko. Jare Tumpa iarasɨ uitɨta oï jese jekuaeño uyapo jokua mbaembae ikawi mbae wae re.

Filipenses 1:11

Jare Jesucristo pemborɨta ime waerä penoi teko ikawi wae opaete wae uecha waerä. Jare jukuärái pereko pewa ïru wae reta uipɨuta Tumpa wi jare umbutuichata jae jee. Jukuärái ko ayerure aï Tumpa pe peré.

Hebreos 1:8

Erëi Tumpa jei Taɨ pe kuärái: “Nde ko jae Tumpa etei, jare nembaepuere mburuwicha wasu pewa ndarau etei opa. Jekuaeño ndiyapota jupi wae rupi.

Hebreos 7:2

Jayawe Abraham opaete mbaembae upɨ̈ro jowaicho reta wi wae, jokua wi umee diezmo Melquisedec pe. Jokua tee Melquisedec uipota jei “mburuwicha wasu jupi wae.” Jare jae iko tëta wasu Salem imburuwicha wasurä ramo, jae jee wi “mburuwicha wasu umbɨpɨakatu wae.” Echa’ä tee Salem uipota jei “ipɨakatu wae.”

Santiago 1:22

Erëi awɨye mii piyanduiño Tumpa iñee. Imeta ko piyapo wi. Echa’ä piyanduiño yawe Tumpa iñee, piyembɨtawɨ ko peï.

Santiago 2:19

Erëi aramoi jeita wi chewe kuärái: “Che arowia ime pëtiño Tumpa,” jeita chewe. Jokua jaekawi tëi. Erëi uepitɨ'ä, echa’ä aña reta wi ko wɨrowia jukuärái. Jare jae reta urɨrɨ ñonoï Tumpa wi ukɨye ramo.

1 Pedro 2:24

Yande jeta ma yayawɨ Tumpa kotɨ. Erëi Cristo uyekutuka iko kurusu re yawe, jae etei uiporara jete pe yanderé jokua teko ñanoi wae opa umbái waerä yandewi. Jare jukuärái Cristo uyapo yandepuere waerä yaiko jupi rupi. Jare jukuärái ko yandepuere yayapo, echa’ä yande reta ñamano rami ma ko yandereko kachi wi. Jare Cristo ipere wae rupi yakuera ma ko Tumpa kotɨ.

1 Juan 2:1

Cheraɨ mii puau wae reta, aikuatía aï pewe kua mbaembae awɨye waerä piyawɨ Tumpa kotɨ. Erëi kía uyawɨ Tumpa kotɨ yawe, ime ko pëti wae yandeRu Tumpa jowai oï yandepepɨka pe – jae ko Jesucristo. Jae jupiete ye wae ko.

1 Juan 2:26

Che aikuatía aï pewe kua mbaembae, echa’ä ime amokue wae reta uipota pembɨtawɨ ñonoï.

1 Juan 2:29

Jae nunga wi yande yayapo yawe jupi wae rupi, jokoropi uyekuaata yande ko jae Tumpa taɨ reta wae. Echa’ä pe reta pikuaa kërái Tumpa ko jae jupi wae. Jare jukuärái wi opaete taɨ reta uyapota ko jupi wae rupi.

1 Juan 3:18

Jayawe cheraɨ puau wae reta, yapuruau mii mbaembae yayapo wae rupi añetete rewe. Awɨye yapuruau ñaniñee peño.

1 Juan 3:3

Kua añetete uyeyapota ko. Jare opaete kua uäro ñonoï wae reta wɨrɨ̈ro mbae kachi wae, echa’ä jae reta uipota yureko jupi Cristo rami.

1 Juan 4:17

Jare jukuärái yayapo yawe, yaikota Cristo rami jare yayerauta päwe rewe kërái Tumpa jukuäraiño mái uipota wae rupi. Jáeramo yande yayerowiata ñaï kuri yayemboɨ yawe Tumpa jowai ara taɨkuewa uwäe yawe. Ndarau yakɨye.