1 Juan 3:6 - Biblia

⁶ Jáeramo kía uñemɨïru kawi Cristo ndiwe wae ndarau jekuaeño uyawɨ Tumpa jei wae. Erëi kía jekuaeño uyawɨ Tumpa jei wae wɨrowia’ä ko Cristo re jare uikuaa’ä etei ko wi.

Guaraní Pe (Western): Simba

⁶ Ime yave quía uñemɨĩru Jesucristo ndive vae, jae uipota'ã jecuaeño iyoa. Jecuaeño uipota iyoa vae Jesucristo imbae'ã co. Uicuaa'ã etei Jesucristo.

1 Juan 3:6 Iomraidhean Croise

2 Corintios 3:18

Jare jukuärái ko yande reta. Tenonde yawe yaikuaa’ä yaiko yandeYa. Yandearakuaa uyakasoi ikose rami. Erëi añawe yandearakuaa uyepea ma, jare añawe yaecha kawi ma yandeYa kërái ikawiete ye ko. Jare ñamae yawe yandeYa kotɨ, ndewe ndewe rupi yandeYa iEspíritu jekuaeño yanembɨambɨe oï yandereko oya katu oo waerä yandeYa jeko re. Jare jukuärái yande rupi ïru wae reta ipuere uecha yandeYa kërái ko jae wae.

2 Corintios 4:6

Nduyembutuicha’ä etei, echa’ä Tumpaño ko umbɨyekuaa tembipe pɨ̈tumimbi wi. Jare Tumpa etei ko umbɨembipe yandepɨa pe yaikuaa kawi waerä kërái Cristo rupi etei ko uyekuaa Tumpa imbaepuere jembipete ye wae.

1 Juan 2:28

Jayawe cheraɨ mii reta puau wae, jekuaeño piñemɨïru kawi Jesucristo ndiwe. Echa’ä jukuärái yayapo yawe, ndarau yayepokouka jokua ara Cristo ou ye yawe. Ñaïta jae jowai yayerowia rewe jare ñanemara mbae rewe.

1 Juan 2:3

Jare ¿kërái ra yandepuere yaikuaa añetete ra yaikuaa Tumpa wae? Yande yayapo yawe mbaembae Tumpa jei yandewe wae, jokua uikuaaka yandewe yaikuaa ko Tumpa wae.

1 Juan 2:4

Ipuere ko kía jei iyupe, “Che aikuaa ko Tumpa,” jei. Erëi jae uyapo’ä yawe Tumpa jei wae rupi, iyapu ko. Iko’ä etei ko añetete wae rupi.

1 Juan 3:2

Cheïru puau wae reta, añawe yande ko jae Tumpa taɨ reta. Jare ndeiño Tumpa uikuaaka yandewe kërái eteita ra ko ñaï kuri wae. Erëi yaikuaa ko ñaïta Cristo rami jae ou ye yawe, echa’ä yaechata jae etei kërái ko jae wae.

1 Juan 3:9

Jayawe ipotawe kía Tumpa uyapo taɨrä wae ndarau jekuaeño uyawɨ Tumpa kotɨ. Echa’ä Tumpa etei ko uyapo taɨrä iko waerä jare umee chupe tekowe ipɨau wae Tumpa pewa. Jokua jeko pewa ko Cristo re wɨrowia wae reta ipuere’ä jekuaeño uyawɨ Tumpa kotɨ.

1 Juan 4:8

Erëi upuruau mbae wae uikuaa’ä Tumpa, echa’ä Tumpa ko tuicha upuruau. Añetete Tumpa etei ko jae mburuau.

1 Juan 5:18

Jare yaikuaa kawi opaete kía kía Tumpa uyapo taɨ retarä wae ndarau jekuaeño uyawɨ Tumpa jei wae. Echa’ä Tumpa Taɨ etei jekuaeño uyandareko oï jese reta, jare Añawasu ndarau ipuere mbae uyapo chupe reta.

3 Juan 1:11

Cheïru nduau mii wae, nde awɨye etei emomoe kua nunga ikawi mbae wae. Emomoe ikawi waeño. Ikawi wae uyapo wae reta Tumpa pewa ko. Erëi ikawi mbae wae uyapo wae reta uikuaa’ä etei ko Tumpa.