1 Juan 3:3 - Biblia

³ Kua añetete uyeyapota ko. Jare opaete kua uäro ñonoï wae reta wɨrɨ̈ro mbae kachi wae, echa’ä jae reta uipota yureko jupi Cristo rami.

Guaraní Pe (Western): Simba

³ Jare ime yave quía uãro oĩ uyerovia reve uecha vaerã vae, jae uipota ete ico iyoa mbae reve. Echa'ã Cristo iyoa mbae vae co.

1 Juan 3:3 Iomraidhean Croise

San Mateo 5:48

“Jayawe opaete kua mbaembae reta rupi pereko imeta ko oï wi peRu ara pe oï wae jeko jupi wae rami,” jei Jesús chupe reta.

San Lucas 6:36

Pipararekota ko perapicha kërái peRu ara pe oï wae peparareko rami,” jei Jesús chupe reta.

Hechos 15:9

“Añetete Tumpa oyowake rupi umae jese reta jare yanderé wi. Echa’ä jae reta wɨrowia yawe jese, Tumpa opa ma oyoe ipɨa,” jei.

Romanos 15:12

Jare uyekuatía oï wi kërái Isaías arakaete jei kuärái: “Outa oï pëti wae Isaí iñemoñaa pewa. Jae ikota judío mbae wae reta imburuwicha wasurä. Jare jese ko judío mbae wae reta wɨrowia katuta ñonoï.” Jukuärái uyekuatía oï.

2 Corintios 7:1

Opaete kua mbaembae Tumpa uikuaaka ma yandewe jae uyapota oï. Jáeramo cheïru puau mii wae reta, yamombota ko yandeyuwi ipotawe mbae yandererukachi Tumpa kotɨ wae – jae ko mbae ikawi mbae yayapo yandepɨa pe wae jare yanderete pe wi. Yandereko toya katu too jupi wae re Tumpa wi yaipɨu ramo.

Colosenses 1:5

Añetete kua jekuaeño piyapo peï, echa’ä pe reta peäro peï perowia katu rewe jokua mbaembae ikawi wae Tumpa ime onoi ara pe pemaerä wae. Jukuärái pikuaa ma ñee ikawi wae Cristo rewa piyandu ramo wiwe. Jokua ko jae ñee añetete wae.

2 Tesalonicenses 2:16

YandeYa Jesucristo etei jare yandeRu Tumpa yanderau jare ñanemɨkɨrëɨ. Jare jukuärái uyapota oï jaeño mái pewa. Jáeramo yandepuere ñaäro yarowia katu rewe jokua mbaembae ikawi wae jae ipɨakawi rupi umeeta oï yandewe wae.

Tito 3:7

Jare ipɨakawiete ramo, Tumpa umae yanderé yandereko mbae wae rami. Jukuärái Tumpa uyapo yandewe yandepuere yaiko waerä taɨ jare tayɨ retarä. Jáeramo ñaäro ñaï yayerowia rewe yaiko waerä jae ndiwe jaeño mái pewa.

Hebreos 12:14

Peka kërái piko kawi waerä opaete wae ndiwe. Jare piñeñono tee Tumpa pewaräño. Echa’ä kía uñeñono tee’ä chupe yawe, ndarau uecha yandeYa.

Hebreos 6:18

Jukuärái Tumpa jei jare jae iyapu’ä etei ko. Jáeramo yandepuere yarowia katu Tumpa uyapo waerä jokua jae jei yandewe wae. Jayawe yande reta Tumpa re ñañepɨ̈ro ñaï wae, kua mbaembae ñanemɨatangätuete jekuaeño ñaäro waerä yarowia katu rewe Tumpa jei wae opaetei.

Hebreos 7:26

Kua nunga sacerdote tenondewaete ikawi ko yandewe. Echa’ä jae ko jupi wae, jare jeko mbae wae, jare ikɨa mbae Tumpa kotɨ wae. Añetete Jesús mbaetɨ etei ko Tumpa kotɨ uyawɨ wae reta rami. Jáeramo Tumpa oñono Jesús iwapɨka ɨwate opaete ara pe oï wae reta wi.

Santiago 4:8

Piñemɨïru Tumpa ndiwe, jare jae uñemɨïruta pe ndiwe. Erëi pe piyawɨ peï Tumpa kotɨ wae reta, awɨye ma piko jukuärái. Pe reta pipota tëi piyeyokui Tumpa pe, erëi jae nunga wi pipota piko mbaembae ɨwɨ pewa reño. Jayawe pemombo peyuwi pepɨayemɨngeta kachi pepɨa pe oï wae jare piñono pepɨa Tumpa reño.

1 Pedro 1:15

Tumpa pereni ma piko waerä jae imaerä. Jare Tumpa jupiete ye wae ko. Jáeramo pe reta pikota ko jupi wi opaete mbaembae piyapo wae rupi.

1 Pedro 1:3

¡Yambutuicha yandeRu Tumpa jee! Jae ko yandeYa Jesucristo Tu. Jae yandeparareko wae rupi uyapo ma yandewe yaa pɨau ye waerä Espíritu Santo rupi, jare jukuärái ñanoi waerä tekowe ipɨau wae. Jare Jesucristo ikowe ye ou umanokue wae reta ipɨte wi ramo, yandepuere yaikuaa kawi imeta ñanoi jokua mbaembae ikawi wae jae jei umeeta oï yandewe wae. Jare kua mbaembae ñaäro ñaï yarowia katu rewe.

2 Pedro 1:4

Jare Tumpa imbaepuere jare ipɨakawi rupi yayekou ñaï mbaembae ikawiete ye wae re Tumpa jei umeeta iko yandewe wae re. Jare pe reta kua re piyekou peï ramo, pereko ipuere iko Tumpa jeko rami. Jare jukuärái kua ɨwɨ pewa reta jeko ikawi mbae wae ndarau pererükumewa. Añetete kua ɨwɨ jeko rupi yureko wae reta uñererükumewa ma, echa’ä jaeño uipota uyapo reta mbae ikawi mbae wae.

2 Pedro 3:14

Jáeramo cheïru puau mii wae reta, kua mbaembae peäro peï rambuewe, piko teko kawi rupi pepuere wae rupi awɨye waerä Tumpa pepokou teko pe jare pereko kachi rewe. Tuwäe pewe pepɨakatu rewe jae ndiwe.

1 Juan 2:6

Jayawe ime yawe kía jei, “Che aï pëti ramiño Tumpa re” wae, jayawe tuiko kawi kërái Jesucristo iko rami.

1 Juan 4:17

Jare jukuärái yayapo yawe, yaikota Cristo rami jare yayerauta päwe rewe kërái Tumpa jukuäraiño mái uipota wae rupi. Jáeramo yande yayerowiata ñaï kuri yayemboɨ yawe Tumpa jowai ara taɨkuewa uwäe yawe. Ndarau yakɨye.