1 Juan 3:23 - Biblia

²³ Jare kua ko jae Tumpa jei yandewe wae: imeta ko yarowia Taɨ Jesucristo re, jare imeta ko yayerau päwe rewe kërái Cristo jei yandewe rami.

Guaraní Pe (Western): Simba

²³ Jare Tumpa jei yandeve yarovia vaerã Taɨ Jesucristo jee re jare yayerau vaerã. Jae co mboroyocui Tumpa umɨmbeu yandeve vae.

1 Juan 3:23 Iomraidhean Croise

San Mateo 22:39

“Jare jaɨkue rupiwa jukuärái etei wi ko jae kua: ‘Peau perapicha kërái pe reta etei piyerau wae rami.’

Marcos 9:7

Jayawe jupiwoiño uyekuaa chupe reta amapɨ̈tu jare opa oñowa reta. Jare amapɨ̈tu wi uyendu ñee jei: “Kua ko jae cheRaɨ auete wae. Piyapɨsaka jese,” jei.

San Juan 1:12

Erëi amokue wae reta umbɨresiwe. Wɨrowia reta jese. Jáeramo jae reta Tumpa uyapo taɨ retarä yureko waerä.

San Juan 13:34

“Añawe che aikuaaka aï pewe mbae ipɨau wae piyapo waerä. Jae ko kua: Piyerauta ko päwe rewe. Piyerau päwe kërái che puau rami.

San Juan 14:1

Jayawe Jesús jei wi jemimboe reta pe: “Awɨye pepɨatɨtɨ. Perowia Tumpa re jare perowia wi cheré,” jei chupe reta.

San Juan 15:12

“Jare kua ko che jae aï pewe piyapo waerä: piyerau päwe kërái che puau rami.

San Juan 17:3

“Jare ¿mbae ra jokua tekowe opa mbae? Nde ko jae pëtiño Tumpa añetete wae, jare che ko jae Jesucristo nde chembou wae. Tayandekuaa reta. Jokua ko jae tekowe opa mbae wae,” jei.

San Juan 2:23

Jayawe Jesús upɨta Jerusalén pe umbɨasa waerä pascua iara reta yemɨmandúa pewa. Jare jae joko pe oï rambuewe, uyapo mbaembae kiawe ipuere’ä uyapo wae uechaka waerä chupe reta Tumpa wi ou wae ko jae. Jáeramo jeta wae reta wɨrowia jese.

San Juan 3:18

Jare opaete Tumpa Taɨ re wɨrowia wae reta, Tumpa mbaetɨ ma umbɨjeko reta. Erëi opaete Taɨ re wɨrowia’ä wae reta, Tumpa umbɨjeko ma reta, echa’ä jae reta wɨrɨ̈ro Tumpa Taɨ jae waeño wae.

San Juan 6:29

Jayawe Jesús jei chupe reta: “Perowia Tumpa ombou wae re – jae ko che. Kua ko jae mbarawɨkɨ Tumpa uipota piyapo waerä wae,” jei chupe reta.

Hechos 16:31

Jayawe jae reta jei chupe: “Erowia yandeYa Jesucristo re jare jae nderepɨta. Jare nerëtara reta wi torowia jese,” jei reta chupe.

Efesios 5:2

Jukuäraita ko piko piyerau päwe rewe. Cristo ko uikuaaka yandewe kërái yayerau päwe waerä. Echa’ä Cristo yanderauete ramo, uñemee umbái waerä yandewi teko Tumpa kotɨ ñanoi wae. Jae umee jekowe yanderé kërái pëti mbaemɨmba kía uyuka umee Tumpa pe wae rami. Jare yandeRu Tumpa uyerowiaete umae Cristo uyapo wae re. Jukuärái Cristo uikuaaka yandewe kërái yayerau päwe waerä.

1 Tesalonicenses 4:9

Che ndarau aikuatía pewe kua tupapire pe piyerau päwe waerä. Echa’ä Tumpa etei jukuärái pemboe.

1 Timoteo 1:15

Opaete wae reta yayawɨ Tumpa kotɨ jare jukuärái ime ñanoi teko ikotɨ. Erëi ime pëti ñee añetete wae jare ikawi ko opaete wae yarowia jese waerä. Kua ñee ko kuärái: Jesucristo ou kua ɨwɨ pe uepɨ waerä teko onoi Tumpa kotɨ wae reta. Jare che amae yawe chiyé, aikuaa anoi teko tuichaete ye ïru wae reta wi.

1 Pedro 1:22

Pe reta piyandu ma ñee añetete wae Cristo rewa jare perowia ma jese. Jare jukuärái añawe Espíritu Santo rupi pepɨayoeka ma Tumpa kotɨ. Jáeramo añawe pepuere piyerau päwe añetete rewe. Jayawe jekuaeño piyerau mii pepɨa rewe.

1 Pedro 4:8

Jare opaete mbaembae reta wi, tenonde imeta ko tuicha rupi piyerau päwe rewe waerä. Echa’ä piko yawe jukuärái, ndarau ma pemandúa peyupe mbaembae kachi piyapo wae re.

1 Juan 2:7

Cheïru mii puau wae reta, kua aikuatía aï pewe wae mbae ipɨau wae’ä ko. Jae ko jokua iyɨpɨ wiwe pikuaaño mái piko wae. Echa’ä iyɨpɨ wiwe piyanduño mái kua ñee yayerauta ko päwe rewe wae.

1 Juan 3:11

Kua ñee ipɨau wae’ä ko. Echa’ä pe reta piyanduño mái imeta ko yayerau päwe rewe.

1 Juan 4:15

Jare ime yawe kía jei, “Jesús ko jae Tumpa Taɨ” wae, jae uñemɨïru oï Tumpa ndiwe jare Tumpa uñemɨïru oï jae ndiwe wi.

1 Juan 4:21

Jare wi Tumpa yanemboe kuärái: “Jokua uau Tumpa wae, tuau wi ïru hermano reta,” jei.

1 Juan 5:13

Jayawe pe Tumpa Taɨ re perowia peï wae reta, che aikuatía aï pewe kua mbaembae pe reta pikuaa waerä penoi ma ko tekowe opa mbae wae.