1 Juan 3:20 - Biblia

²⁰ Echa’ä aramoi yandepɨa yanembɨjeko oï mbae re. Erëi jesewe yandepuereta yandepɨakatu Tumpa jowai, echa’ä yaikuaa Tumpa uikuaa yande rewa opaetei. Jare jokua jae jei yandereko rewa wae jupiete ko yandepɨa jei wae wi.

1 Juan 3:20 Iomraidhean Croise

San Juan 21:17

Jare jei ye chupe mbapɨ wese ma: “Simón, Jonás taɨ, ¿cherau pa?” Añawe Pedro ipɨatɨtɨ, echa’ä mbapɨ wese ma Jesús upɨrandu chupe uau ra wae. Jayawe jei ye Jesús pe: “CheYa, nde ndikuaa opaete. Nde ndikuaa kawi che nduau ko,” jei chupe. Jare Jesús jei ye chupe: “Emɨngaru cheowecha mii reta,” jei chupe.

San Juan 8:9

Erëi kua uyandu yawe jokua upurumbɨjeko wae reta, ipɨa umbɨjeko reta. Jayawe umbɨpɨ yuraa ye pëti pëti wae. Tenonde oo indechi wae reta, jare jaɨkue rupi oo ïru wae reta. Jare opa ma yuraa reta yawe, kuña upɨta jaeño pe etei Jesús ndiwe.

Hechos 5:33

Jokua ñee uyandu reta yawe, uyembatɨ wae reta pochɨete chupe reta jare uipota tëi uyuka reta.

Romanos 8:34

Jayawe ¿imeta ra kía ye ipuere omboya teko yanderé Tumpa jowai? Ndarau ipuere kiawe, echa’ä Jesucristo etei ko umano jokua teko yareko wae re opa umbái waerä yandewi. Jare kuaño’ä ko, echa’ä jae ikowe ye ou wi umanokue wae reta ipɨte wi. Jare añawe jae ime oï yandeRu Tumpa ndiwe iyɨke pe iyakata kotɨ. Jare jae etei ko uyerure oï yandeRu Tumpa pe yanderé.

1 Corintios 4:4

Echa’ä aikuaa aï yepe tëi chemaerä jupi ayapo aï mbarawɨkɨ Tumpa umee chewe wae, erëi jokua uipota’ä jei jupi ko ayapo mbarawɨkɨ. Jaeño yandeYa jeita oï cheparawɨkɨ ikawi ra oï ani ikawi’ä ra oï wae.

Tito 3:11

Echa’ä jokua nunga reta uyawɨ ma oï Tumpa kotɨ jare uyerowa ma añetete wae wi. Jae jeko pewái ma ko uyembɨjekoka oï.

Hebreos 4:13

Añetete mbaetɨ kiawe Tumpa uyapo wae ipuere uñemi chuwi, echa’ä Tumpa uecha jare uikuaa opaetei mbaembae. Jare jae jowai yayemboɨta ñaï kuri yamɨmbeu waerä yandereko rewa.

Hebreos 6:13

Mase, yanemandúa kawi ñaï mbae uasa Abraham pe wae. Tumpa jei chupe: “Che etei tae ndewe ayapota ikawi wae ndewe chiñee rupi, jare ambɨjetaeteta niñemoñaa reta,” jei chupe. Tumpa jei’ä chupe, “Che tae ndewe Tumpa jowake,” echa’ä jae etei ko Tumpa jare mbaetɨ ye kía imbaepuerete chuwi wae. Jaeño jei chupe: “Che etei tae ndewe.”

1 Juan 3:19

Jare yande yapuruauñoi yawe añetete rewe, jokoropi ko yaikuaa Tumpa pewa ko yande reta. Jukuärái ñaï wi Tumpa jowai yandepɨakatu rewe.

1 Juan 3:21

Cheïru puau wae reta, yandepɨa mbaetɨ ma yanembɨjeko mbae re yawe, yandepuereta yaya Tumpa re yayerowia rewe.

1 Juan 4:4

Erëi pe cheraɨ puau wae reta, pe reta opa ma pemɨamɨri jokua oporomboeraanga wae reta, echa’ä pe reta ko jae Tumpa pewa jare Espíritu Santo oï pepɨa pe. Jare yepe tëi Añawasu ko jae kua ɨwɨ iya, erëi Espíritu Santo imbaepuere tuichaete ye ko Añawasu imbaepuere wi.