1 Juan 3:18 - Biblia

¹⁸ Jayawe cheraɨ puau wae reta, yapuruau mii mbaembae yayapo wae rupi añetete rewe. Awɨye yapuruau ñaniñee peño.

Guaraní Pe (Western): Simba

¹⁸ Cheraɨ reta, añetete yaau yave ĩru vae, yayapota mbae yamborɨ vaerã. Ndarau ñanemiariiño yandepurugüɨrovia re.

1 Juan 3:18 Iomraidhean Croise

San Lucas 7:5

Echa’ä jae yanderau jare uyapoka yandewe pëti tupao,” jei reta Jesús pe.

Romanos 12:9

Awɨye piyerauraangaiño. Piyerauta ko päwe añetete rewe. Piñamɨtäa opaete mbae ikawi mbae wae, jare piyemboya ikawi wae reño.

Gálatas 5:13

Jukuärái che jae, echa’ä pe chehermano mii reta, Tumpa mbaetɨ etei ko pereni pe reta piko waerä Moisés arakae uikuatía wae rupi täta uyeyokui wae reta rami. Tumpa pereni ko piko waerä pepɨawiwe rewe. Erëi awɨye pere peyupe: “Tumpa uyapo yandepɨawiwe yaiko waerä. Jáeramo yandepuere yaiko yande yae wae rupiño.” Awɨye jokua. Piyeyokuita ko peyupe piyerau päwe rewe.

Efesios 4:15

Yayemboe kawi yawe, yaikuaata ñaï añetete wae, jare yayerau päwe rewe yamboe yuapɨ yeta ïru wae reta. Jukuärái yaikota Cristo jeko jupi wae rami. Jare jukuärái ko Cristo uipota yaiko waerä, echa’ä jae ko ñanäka rami jare yande ñaï ma ko jae jete rami.

1 Tesalonicenses 1:3

Jare yandeRu Tumpa jowai jekuaeño oremandúa noï kërái perowia Tumpa re, jare kërái jokua pemɨkɨrëɨ oï piyeyokui kawi waerä chupe. Jare oremandúa noï wi kërái pe reta jekuaeño piyemborɨ katu peï, echa’ä piyerau päwe añetete rewe ramo. Jare jekuaeño oremandúa noï wi kërái perupɨa peï opaete yembɨawái reta. Echa’ä jukuärái peäro peï perowia katu rewe jokua ara yandeYa Jesucristo ou yeta oï wae. Jokua ara jae umɨñatimata oï yandewe opaete yaiporara wae re.

1 Pedro 1:22

Pe reta piyandu ma ñee añetete wae Cristo rewa jare perowia ma jese. Jare jukuärái añawe Espíritu Santo rupi pepɨayoeka ma Tumpa kotɨ. Jáeramo añawe pepuere piyerau päwe añetete rewe. Jayawe jekuaeño piyerau mii pepɨa rewe.

1 Juan 2:1

Cheraɨ mii puau wae reta, aikuatía aï pewe kua mbaembae awɨye waerä piyawɨ Tumpa kotɨ. Erëi kía uyawɨ Tumpa kotɨ yawe, ime ko pëti wae yandeRu Tumpa jowai oï yandepepɨka pe – jae ko Jesucristo. Jae jupiete ye wae ko.

1 Juan 3:7

Cheraɨ puau wae reta, piyandareko kawi piyé awɨye waerä kía pembɨtawɨ kua rewa. Kía re Tumpa umae jeko mbae wae rami ikota jupi wae rupi. Echa’ä jae uipota iko Jesucristo rami, jare Jesucristo jupi wae ko.

2 Juan 1:1

Nde cherindɨ mii Tumpa ndeparawo wae, che ko jae Cristo re wɨrowia wae reta itenondewa. Kua tupapire aikuatía aï ndewe jare nemembɨ reta pe wi. Che puauete ko añetete rewe. Erëi cheño’ä ko puau aï. Jae nunga perau wi opaete ñee añetete wae uikuaa wae reta.

3 Juan 1:1

Nde cherɨwɨ mii Gayo, che ko jae Cristo re wɨrowia wae reta itenondewa aikuatía aï ndewe. Che nduau añetete rewe.