1 Juan 3:16 - Biblia

¹⁶ Jare yande reta yaikuaa ma kërái ko yapuruau añetete rewe. Echa’ä yandeYa Cristo jokua uechaka ma yandewe jae umee yawe jekowe yanderé. Jukuäraita ko yande yaau wi ïru hermano reta.

Guaraní Pe (Western): Simba

¹⁶ Jesucristo etei uicuaaca yandeve Tumpa ipuruau. Echa'ã umano yanderé. Jae ramiño vi icavi co yande ñamano vaerã ĩru upurugüɨrovia vae reta re.

1 Juan 3:16 Iomraidhean Croise

San Mateo 20:28

“Jukuärái wi che kuimbaerä ayeyapo wae ayu’ä ko ïru wae reta uyeyokui waerä chewe. Che ayu ko ayeyokui waerä ïru wae reta pe jare amee waerä cherekowe jeta wae reta aepɨ waerä.” Jukuärái jei Jesús jemimboe reta pe.

San Juan 10:11

“Jare che ko jae owecha reta iyandarekoa ikawi wae rami. Pëti owecha reta iyandarekoa ikawi wae umeeta jekowe iowecha reta re uepɨ reta waerä,” jei.

San Juan 10:15

Kërái cheRu chekuaa kawi jare che aikuaa kawi wi cheRu, jukuärái wi cheowecha reta ndiwe nduyekuaa kawi. Jare che ameeta ko cherekowe cheowecha reta re aepɨ reta waerä,” jei Jesús chupe reta.

San Juan 13:34

“Añawe che aikuaaka aï pewe mbae ipɨau wae piyapo waerä. Jae ko kua: Piyerauta ko päwe rewe. Piyerau päwe kërái che puau rami.

San Juan 3:16

Tumpa uauete ɨwɨ pewa reta. Jáeramo umee Taɨ jae waeño wae, ipotawe kía wɨrowia jese wae onoi waerä tekowe opa mbae wae. Ndarau etei oo Tatawasurenda pe.

Hechos 20:28

Jare jei wi chupe reta: “Jayawe, pe reta Cristo re wɨrowia wae itenondewa reta, piyandareko kawi piyé,” jei. “Jare piyandareko kawi wi opaete hermano reta Tumpa umee pewe wae re. Pikuaa peï kërái pëti owecha iyandarekoa uyandareko kawi iowecha reta re. Jukuärái wi piyandareko kawi hermano reta re jare pemboe kawi reta. Echa’ä yandeYa uepɨ reta jae juwɨ pɨpe etei, jare jukuärái jae reta yandeYa imbae ko. Jekuaeño pemandúa Espíritu Santo ko peparawo pe reta piko waerä jae reta itenondewarä,” jei Pablo chupe reta.

Romanos 16:4

Jae reta uñemee umano waerä tëi cherepɨ waerä. Jáeramo jekuaeño ayapo yasurupái chupe reta. Jare cheño’ä ko ayapo yasurupái. Jae nunga opaete judío mbae Cristo re wɨrowia wae ikotɨ̈atɨ̈a uyembatɨ wae reta wi umee yasurupái chupe reta cherepɨ wae re.

Romanos 5:8

Erëi Tumpa uechaka ma yandewe yanderauete ko. Echa’ä yepe tëi yande yayapoñoi mbaembae kachi wae Tumpa jowai, erëi jesewe jae etei ombou Cristo umano waerä yanderé.

2 Corintios 4:12

Jukuärái ko ore parawete reta, mano orepɨsɨ seri ma oï rami. Erëi jokua mbae’ä ko orewe, echa’ä jokua nduiporara wae rupi pe reta piyekou peï tekowe opa mbae wae re.

Efesios 5:2

Jukuäraita ko piko piyerau päwe rewe. Cristo ko uikuaaka yandewe kërái yayerau päwe waerä. Echa’ä Cristo yanderauete ramo, uñemee umbái waerä yandewi teko Tumpa kotɨ ñanoi wae. Jae umee jekowe yanderé kërái pëti mbaemɨmba kía uyuka umee Tumpa pe wae rami. Jare yandeRu Tumpa uyerowiaete umae Cristo uyapo wae re. Jukuärái Cristo uikuaaka yandewe kërái yayerau päwe waerä.

Efesios 5:25

Jare jae wi kuimbae reta jembireko rewe wae pe kuärái: Tuau jembireko kërái Cristo uau opaete jese wɨrowia wae reta rami. Yaikuaa Cristo yanderauete, echa’ä jae uñemee umano waerä yanderé.

Filipenses 2:17

Añawe yepe tëi piporara peï Cristo re perowia jeko pewa, erëi jeräkua chewe piyeyokuiñoi chupe piyerowia rewe. Jare che ayerowiata aï wi pe reta ndiwe kua aiporara aï wae rupi, yepe tëi cherekowe opata ma oï aramoi.

Filipenses 2:30

Echa’ä jae umano seri uyeyokui Cristo pe ramo. Echa’ä jae ou kua pe pepepɨka pe chemborɨ waerä, jare jukuärái uñemɨjëwa mano pe.

1 Tesalonicenses 2:8

Jare ore puauete ramo, nduyerowia nduiko numɨmbeu pewe rambuewe ñee ikawi wae Tumpa wi ou wae. Jare jokuaño’ä ko. Ore nduyerowia nduiko, echa’ä nuñemɨɨ̈ru kawi pe reta ndiwe ramo.

Tito 2:13

Jukuärái ko yaikota añawe rupi, yande ñaäro ñaï rambuewe yayerowia rewe yandeYa Jesucristo ou ye rewa. Jokua ara jae uyekuaata oï imbaepuere jembipete rewe. Echa’ä jae ko yandeTumpa jare yandeRepɨ wae, jare jae imbaepuere tuichaete.

1 Pedro 1:18

Tenonde yawe pe reta piko wɨraeño pere wae rupi. Jukuärái peramɨkue reta pemboe. Jare pereko peapɨ̈ti iko rami awɨye waerä pikuaa Tumpa. Erëi añawe Tumpa perepɨ ma jokua teko wi. Jare jae mbaetɨ etei perepɨ korepoti pe jare oro pe, echa’ä jokua mbaembae opata ko.

1 Pedro 2:24

Yande jeta ma yayawɨ Tumpa kotɨ. Erëi Cristo uyekutuka iko kurusu re yawe, jae etei uiporara jete pe yanderé jokua teko ñanoi wae opa umbái waerä yandewi. Jare jukuärái Cristo uyapo yandepuere waerä yaiko jupi rupi. Jare jukuärái ko yandepuere yayapo, echa’ä yande reta ñamano rami ma ko yandereko kachi wi. Jare Cristo ipere wae rupi yakuera ma ko Tumpa kotɨ.

1 Pedro 3:18

Kua pe ikawi ñamae waerä Cristo re. Yepe tëi jae ko jupi wae, erëitu jae uiporara yande jupi mbae yaiko wae reta re. Yande jeta yayawɨ Tumpa kotɨ. Erëi Cristo umano pëti weseño jaeño mái pewa jokua mbaembae yayawɨ wae re, jukuärái yandepuere waerä yaya Tumpa re. Cristo uyeyapo kuimbaerä. Jáeramo jae umano yawe, umano jete pe yande rami. Erëitu ikowe ye ou umanokue wae reta ipɨte wi Espíritu Santo imbaepuere rupi.

1 Juan 2:6

Jayawe ime yawe kía jei, “Che aï pëti ramiño Tumpa re” wae, jayawe tuiko kawi kërái Jesucristo iko rami.

1 Juan 2:9

Ime yawe kía jei, “Che aiko tembipe pe,” erëi uñamɨtäa yawe ïru hermano wae, jekuaeño oï pɨ̈tumimbi pe.

Apocalipsis 5:9

Jare jae reta ukäta Owecha kuimbae taurusu wae jowai pëti käta ipɨau wae kuärái: “Ndeñoete ko jupi nenoi waerä jokua tupapire jare ndipea waerä imboyaka reta. Echa’ä ndeyuka reta, jare nderuwɨ uyepɨyere wae rupi ndewa pɨau ye ma jeta wae reta Tumpa pewarä. Jae reta ko jae opaete ambɨembɨe ɨwɨ pewa reta kiape kiape ñonoï wae rupi jare opa kërái rái ñee pe uyemɨngeta wae reta.