1 Juan 3:15 - Biblia

¹⁵ Jare ime yawe kía uñamɨtäa umae ïru hermano re wae, Tumpa pewarä jae upuruyuka ma. Jare pe reta pikuaa kawi pëti upuruyuka wae mbaetɨ etei ko onoi tekowe opa mbae wae.

Guaraní Pe (Western): Simba

¹⁵ Ime yave quía ĩru upurugüɨrovia vae umɨtarẽɨ vae, jae penti upuruyuca vae rami co. Jare picuaa quirãi penti upuruyuca vae güɨnoi'ã etei tecove opa mbae vae.

1 Juan 3:15 Iomraidhean Croise

Génesis 27:41

Joko wiwe Esaú uñamɨtäa tɨwɨ Jacob, echa’ä tu umeeka ikawi wae chupe ramo. Jayawe Esaú jei iyupe: “Ɨmambaeño cheru umanota. Jare uasa ma mbɨatɨtɨ yawe, tayuka cherɨwɨ Jacob,” jei iyupe.

San Mateo 5:28

Erëi che tae pewe, ime yawe kía umae kuña re wae, jare ipɨa pe uipota uyapo awasa jae ndiwe wae, jae uyapo ma ko awasa ipɨa pe jae ndiwe,” jei.

San Juan 4:14

“Erëi ipotawe kía jou jokua ɨ che ameeta chupe wae, ndarau etei ma iɨwe yewɨ. Echa’ä jokua ɨ che ameeta chupe wae uyeyapota ipɨa pe pëti ɨkua ɨwororo jekuaeño oë wae rami, jare umeeta chupe tekowe opa mbae wae,” jei chupe.

San Juan 8:44

“Añawasu ko jae peru. Jare jokua mbaembae jae uipota uyapo wae, jokua nunga etei ko pe reta pipota piyapo peï wi. Añawasu iyɨpɨ wiwe upuruyuka wae ko. Jare jae opa ueya mbaembae jupi wae, echa’ä jae ko mbaembae kachi wae iya. Jare jae iyapu yawe, jae etei uyekuaaka oï, echa’ä jae ko iyapu wae jare jae etei ko apu iya,” jei chupe reta.

Hechos 23:12

Jayawe pɨarewe pe amokue judío reta uyemboemboe uyuka waerä tëi Pablo. Jae reta jei iyupe: “Yayukata ko Pablo,” jei reta. “Yakaruta’ä jare yauta’ä ɨ yaipɨsɨ yayuka rewa. Erëi yayuka’ä yawe Pablo, Tumpa tuiporaraka yandewe,” jei iyupe reta.

Hechos 23:14

Jayawe jae reta yuraa sacerdote itenondewa reta jare judío itenondewa reta pe, jare jei chupe reta: “Ore ndoe ma Tumpa jowake ndukaruta’ä etei nduyuka rewa Pablo.

Santiago 1:15

Jare yande reta ñamaeño jese yawe, uyapoka yandewe teko kachi. Jare taɨkue rupi jokua yandereko kachi opa ma uyembapɨ yawe, ueru yandewe mano.

1 Pedro 1:23

Echa’ä pe reta pea pɨau ye ma ko jare penoi ma tekowe ipɨau wae. Kua nunga tekowe ndarau opa, echa’ä ou’ä ko peru jare pesɨ wi. Ou ko Tumpa iñee rupi. Jare Tumpa iñee jekuaeño ikota jaeño mái pewa.

1 Juan 2:11

Erëi ime yawe kía uñamɨtäa ïru hermano wae, imeño oï pɨ̈tumimbi pe jare jekuaeño uyapo mbaembae pɨ̈tumimbi pewa. Jae uikuaa’ä ketɨ ra oo oï wae, echa’ä jae ko jesa mbae wae rami Tumpa jowai mbaembae kachi uyapo wae jeko pewa.

1 Juan 2:9

Ime yawe kía jei, “Che aiko tembipe pe,” erëi uñamɨtäa yawe ïru hermano wae, jekuaeño oï pɨ̈tumimbi pe.

Apocalipsis 21:8

“Erëi jokua urukɨye jekowe umee wae reta, jare uipota’ä wɨrowia cheré wae reta, jare mbae kachi wae uyapo wae reta, jare upuruyuka wae reta, jare iawasapota wae reta, jare ipaye wae reta, jare tumparaanga re umbɨadora wae reta, jare opaete iyapu wae reta wi – opaete jokua nunga reta iyapɨ ko jae tata wasu azufre jendɨ oï wae pe. Kua ko jae mano mokuía jei chupe reta wae,” jei Tumpa.