1 Juan 3:14 - Biblia

¹⁴ Yande yarowia Cristo re wae reta yayerau päwe añetete rewe yawe, jokua uikuaaka yandewe ime ko ñanoi tekowe ipɨau wae jare ndarau ye ñamano wae echa Tumpa wi. Erëi kía upuruau’ä wae imeño umano oï wae echa Tumpa wi.

Guaraní Pe (Western): Simba

¹⁴ Yande yaicuaa yaasa ma co mano güi tecove opa mbae vae pe, ĩru upurugüɨrovia vae reta yaau ramo. Ĩru upurugüɨrovia vae uau'ã vae güɨnoi'ã tecove opa mbae vae.

1 Juan 3:14 Iomraidhean Croise

San Mateo 25:40

“Jayawe che jaeta chupe reta: ‘Che tae pewe añetete wae, pe reta pemborɨ yawe ipotawe cherɨwɨ reta jare cherindɨ reta, che etei ko chemborɨ piko. Jukuärái ko, yepe tëi jokua reta mbae’ä ko ïru wae reta pewarä aramoi,’ jaeta chupe reta,” jei.

San Lucas 15:24

Echa’ä kua cheraɨ mii umano rami iko chewi, jare añawe ikowe ye rami ma ko chewe. Jare ukañɨ iko chewi, jare añawe ou wɨte ye ma chepɨ,’ jei tu. Jayawe umbɨpɨ jorɨkatu reta,” jei Jesús chupe reta.

San Lucas 15:32

‘Erëi jupi ko yande yayerowia waerä jare yanderorɨkatu waerä. Echa’ä kua nderɨwɨ mii umano rami iko yandewi, erëi añawe ikowe ye rami ko yandewe. Jare ukañɨ iko yandewi, erëi añawe ou wɨte ye ma yandepɨ,’ jei taɨ pe.” Jukuärái jei Jesús umbɨjaanga rewe chupe reta.

San Lucas 7:5

Echa’ä jae yanderau jare uyapoka yandewe pëti tupao,” jei reta Jesús pe.

San Juan 13:35

Jare jukuärái piyerau yawe, opaete wae reta uikuaata pe reta ko jae cheremimboe reta wae,” jei Jesús chupe reta.

San Juan 15:12

“Jare kua ko che jae aï pewe piyapo waerä: piyerau päwe kërái che puau rami.

San Juan 15:17

“Jayawe kua ko che jae aï pewe piyapo waerä: ¡Piyerau päwe!” jei Jesús jemimboe reta pe.

San Juan 5:24

“Che tae pewe añetete wae, ipotawe kía chiñee re uyapɨsaka wae jare chembou wae re wɨrowia wae, jae onoi tekowe opa mbae wae. Tenonde yawe oo iko Tatawasurenda kotɨ, erëi añawe ime ma onoi tekowe opa mbae wae. Tumpa ndarau ma umbɨjeko,” jei chupe reta.

2 Corintios 5:1

Yande yaikuaa yanderete kua ɨwɨ pewa opata ko. Jae ko pëti tëta ɨma’ä iko wae rami. Erëi yanderekowe opa yawe kua ɨwɨ pe, Tumpa umeeta yandewe yanderete ipɨau wae. Jare jokua ndarau etei opa, echa’ä ara pewa ko. Kua ɨwɨ pewa’ä ko.

Gálatas 5:22

Erëi kía iko yawe Espíritu Santo jei wae rupi, upuruauta, uyerowiata, ipɨakatuta, ipɨawasuta, ipɨakawita, jeko kawita, wɨrowia kawita Tumpa re,

Efesios 1:15

Jayawe hermano reta, jeräkua chewe perowia Jesucristo re wae jare kërái piyerau wae.

Efesios 2:1

Erëi ndei Jesucristo re perowia mbowe, pemano wae echa piko mbɨrɨ tekowe iYa wi, pereko kachi rupi jare piyawɨ Tumpa kotɨ jeko pewa.

Efesios 2:5

Jáeramo yepe tëi ñamano wae echa yaiko Tumpa wi yayawɨ ikotɨ jeko pewa, jesewe Tumpa umee yandewe tekowe ipɨau wae. ¿Kërái ra ko jokua? Yaikuaa ñaï yandeRu Tumpa umbɨjekowe ye Cristo ueru umanokue wae reta ipɨte wi. Jukuärái rami Tumpa yanembɨjekowe ye ma jae yandapo pëti ramiño Cristo re yawe. Jayawe Tumpa ipɨakawi tuicha ramo, yanderepɨ ma teko ikotɨ ñanoi wae wi.

Colosenses 1:4

Numee chupe yasurupái jae mbaembae uyapo oï pepɨte pe wae re. Echa’ä pe reta pereräkua ma orewe kërái perowia Jesucristo re jare kërái peau peï wi opaete Cristo re wɨrowia wae reta.

1 Tesalonicenses 4:9

Che ndarau aikuatía pewe kua tupapire pe piyerau päwe waerä. Echa’ä Tumpa etei jukuärái pemboe.

Hebreos 13:1

Jayawe, ¿këraita ra yaiko yambɨyerowia waerä Tumpa? Pe reta ko jae Tumpa jëtara reta. Jáeramo piko jekuaeño piyerau päwe rewe.

1 Pedro 1:22

Pe reta piyandu ma ñee añetete wae Cristo rewa jare perowia ma jese. Jare jukuärái añawe Espíritu Santo rupi pepɨayoeka ma Tumpa kotɨ. Jáeramo añawe pepuere piyerau päwe añetete rewe. Jayawe jekuaeño piyerau mii pepɨa rewe.

1 Pedro 3:8

Jayawe opaete kua mbaembae rupi aipota jae pewe kuärái: Piko kawi pëti ramiño päwe rewe. Piyeparareko. Piyerau päwe rewe. Pepɨakawi jare piñemɨmichi peyupe.

2 Pedro 1:7

jare pepɨakawi waerä peyupe, jare piyerau waerä päwe rewe.

1 Juan 2:3

Jare ¿kërái ra yandepuere yaikuaa añetete ra yaikuaa Tumpa wae? Yande yayapo yawe mbaembae Tumpa jei yandewe wae, jokua uikuaaka yandewe yaikuaa ko Tumpa wae.

1 Juan 3:23

Jare kua ko jae Tumpa jei yandewe wae: imeta ko yarowia Taɨ Jesucristo re, jare imeta ko yayerau päwe rewe kërái Cristo jei yandewe rami.

1 Juan 4:12

Mbaetɨi kiawe uecha Tumpa. Erëitu yayerau päwe ñaï yawe, ñañemɨïru kawi ko ñaï Tumpa ndiwe jare yaau ko ñaï Tumpa kërái jae jukuäraiño mái uipota wae rupi.

1 Juan 5:13

Jayawe pe Tumpa Taɨ re perowia peï wae reta, che aikuatía aï pewe kua mbaembae pe reta pikuaa waerä penoi ma ko tekowe opa mbae wae.

1 Juan 5:2

Jáeramo yaau yawe Tumpa, jare yaiko yawe jae jei wae rupi, yaau wi ko ïru hermano reta. Echa’ä jae reta ko jae Tumpa taɨ reta wi.