1 Juan 3:10 - Biblia

¹⁰ Jukuärái ko yandepuere yaikuaa kía ra ko jae Tumpa taɨ reta wae jare kía ra ko jae Añawasu taɨ reta wae. Opaete mbae jupi mbae uyapo wae reta Tumpa pewa’ä ko. Jare jae nunga wi opaete uau’ä japicha wae reta Tumpa pewa’ä ko wi.

Guaraní Pe (Western): Simba

¹⁰ Jare yandepuere yaicuaa quía ra co jae Tumpa taɨ reta jare quía ra co jae aña guasu taɨ reta. Ime yave quía jupi vae uyapo mbae vae, jae Tumpa imbae'ã co. Jae ramiño vi ime yave quía ĩru upurugüɨrovia vae uau'ã vae, jae Tumpa imbae'ã co.

1 Juan 3:10 Iomraidhean Croise

San Mateo 13:38

“Jare jokua koo uyembɨjaanga oï opaete ɨwɨ re. Jare trigo ikawi wae uyembɨjaanga oï kía reta ikota Tumpa ndiwe wae re, Tumpa oï ma yawe opaete wae imburuwicha wasurä jaeño mái pewa. Jae reta ko Tumpa taɨ reta. Jare kapii ikawi mbae wae uyembɨjaanga oï jokua uyeyokui Añawasu pe wae reta re. Jae reta ko jae Añawasu taɨ reta.

San Lucas 6:35

“Erëi pe reta imeta ko peau perowaicho reta, jare piyapo ikawi wae chupe reta. Piporuka wi pembaembae chupe reta peäro mbae rewe umɨñatima waerä pewe jokua re,” jei. “Jukuärái piyapo yawe, Tumpa tuicha umɨñatimata oï pewe kuri, jare uyekuaata pe reta ko jae Tumpa imbaepuere tuichaete wae taɨ reta añetete wae,” jei. “Echa’ä Tumpa ipɨakawi oï opaete pewarä, yepe tëi jeta wae reta umee’ä etei yasurupái chupe jare jeko kachi wi.

San Juan 1:12

Erëi amokue wae reta umbɨresiwe. Wɨrowia reta jese. Jáeramo jae reta Tumpa uyapo taɨ retarä yureko waerä.

San Juan 11:52

Erëi mbaetɨta umano judío reta reño. Umanota iko wi opaete Tumpa taɨ reta kerupi rupi ñonoï wae re jae reta yureko waerä pëti ramiño.

San Juan 8:44

“Añawasu ko jae peru. Jare jokua mbaembae jae uipota uyapo wae, jokua nunga etei ko pe reta pipota piyapo peï wi. Añawasu iyɨpɨ wiwe upuruyuka wae ko. Jare jae opa ueya mbaembae jupi wae, echa’ä jae ko mbaembae kachi wae iya. Jare jae iyapu yawe, jae etei uyekuaaka oï, echa’ä jae ko iyapu wae jare jae etei ko apu iya,” jei chupe reta.

San Juan 8:47

Echa’ä pe reta Tumpa taɨ'ä ko. Jokua jeko pewa pipota’ä piyapɨsaka. Jaeño Tumpa taɨ reta uyapɨsaka Tumpa iñee re,” jei Jesús chupe reta.

Hechos 13:10

“Elimas, nde ko jae Añawasu pe ndiyeyokui wae, jare opaete jupi wae jare añetete wae jowaicho ko nde,” jei. “Nde ko jae upurumbɨtawɨ wae jare jupi mbae ndiyapo wae. Nde jekuaeño nembɨyea mbaembae añetete wae Tumpa rewa añetete mbae wae ndiwe,” jei chupe.

Romanos 13:8

Pepía kía pe yawe, awɨye pemaeño ɨma tuasa pembɨepɨ ye waerä chupe. Erëi ime ñanoi pëti mbía opa mbae wae – jae ko yayerauta päwe rewe wae. Jekuaeño piyerau päwe rewe jayawe. Echa’ä kía uau japicha wae, añetete uyapo oï jupi opaete Moisés arakae uikuatía wae.

Efesios 5:1

Yande ko jae yandeRu Tumpa taɨ uauete wae reta. Jare yaikuaa taɨ reta uyapo tu uyapo wae rami. Jáeramo jekuaeño piyapo Tumpa jeko jupi wae rami.

Colosenses 3:14

Jare opaete kua mbaembae reta wi, tenonde imeta ko piyerau päwe rewe, echa’ä jokua ko jae yandapo pëti ramiño wae.

1 Timoteo 1:5

Che jae aï ndewe ndiyopia waerä chuwi reta awɨye jekuaeño oporomboe reta waerä kachi wae. Echa’ä jokua nunga yemboe ndarau omborɨ Cristo re wɨrowia wae reta uyerau päwe reta waerä. Jaeño umbɨawái reta. Erëi Cristo re wɨrowia wae reta uyemboeta ko uyerau reta waerä. Jare jaeño ipuere uyapo reta jukuärái jae reta upurumbɨtawɨ'ä yawe, jare ipɨa umbɨjeko’ä yawe mbae re awe, jare wɨrowia reta yawe Tumpa re añetete rewe.

1 Juan 2:29

Jae nunga wi yande yayapo yawe jupi wae rupi, jokoropi uyekuaata yande ko jae Tumpa taɨ reta wae. Echa’ä pe reta pikuaa kërái Tumpa ko jae jupi wae. Jare jukuärái wi opaete taɨ reta uyapota ko jupi wae rupi.

1 Juan 3:1

Mase, kërái etei ra ko yandeRu Tumpa yanderau, echa’ä jae jei yandewe, “Cheraɨ retarä ko.” Jare jokua ko jae yande reta. Erëi kua ɨwɨ jeko rupi yureko wae reta uikuaa’ä kía ko yande wae, echa’ä uikuaa’ä reta yandeRu Tumpa ramo.

1 Juan 3:2

Cheïru puau wae reta, añawe yande ko jae Tumpa taɨ reta. Jare ndeiño Tumpa uikuaaka yandewe kërái eteita ra ko ñaï kuri wae. Erëi yaikuaa ko ñaïta Cristo rami jae ou ye yawe, echa’ä yaechata jae etei kërái ko jae wae.

1 Juan 4:21

Jare wi Tumpa yanemboe kuärái: “Jokua uau Tumpa wae, tuau wi ïru hermano reta,” jei.

1 Juan 4:6

Erëi ore reta, oriñee ou ko Tumpa wi. Jáeramo ime yawe kía uikuaa Tumpa wae, jae uyapɨsaka oriñee re. Erëi kía uikuaa’ä Tumpa wae uyapɨsaka’ä oriñee re. Jukuärái yaikuaa kía ko jae oporomboe jupi wae jare kía ko upurumbɨtawɨ wae.

1 Juan 4:8

Erëi upuruau mbae wae uikuaa’ä Tumpa, echa’ä Tumpa ko tuicha upuruau. Añetete Tumpa etei ko jae mburuau.

1 Juan 5:19

Añetete ko, yande yaikuaa opaete kua ɨwɨ jeko rupi yureko wae reta Añawasu imbaepuere pe ko ñonoï. Erëi yaikuaa wi yande reta ko jae Tumpa pewa reta.

1 Juan 5:2

Jáeramo yaau yawe Tumpa, jare yaiko yawe jae jei wae rupi, yaau wi ko ïru hermano reta. Echa’ä jae reta ko jae Tumpa taɨ reta wi.

3 Juan 1:11

Cheïru nduau mii wae, nde awɨye etei emomoe kua nunga ikawi mbae wae. Emomoe ikawi waeño. Ikawi wae uyapo wae reta Tumpa pewa ko. Erëi ikawi mbae wae uyapo wae reta uikuaa’ä etei ko Tumpa.