1 Juan 2:7 - Biblia

⁷ Cheïru mii puau wae reta, kua aikuatía aï pewe wae mbae ipɨau wae’ä ko. Jae ko jokua iyɨpɨ wiwe pikuaaño mái piko wae. Echa’ä iyɨpɨ wiwe piyanduño mái kua ñee yayerauta ko päwe rewe wae.

Guaraní Pe (Western): Simba

⁷ Cherɨvɨ reta, cua aicuatía aĩ peve vae mboroyocui ipɨau vae'ã co. Jaeño penti mboroyocui indechi vae iyɨpɨ güive picuaa vae. Cua mboroyocui indechi vae co jae ñee piyandu iyɨpɨ güive vae.

1 Juan 2:7 Iomraidhean Croise

San Mateo 5:43

“Jae nunga wi pe reta pikuaa kawi peï, arakaete wiwe oporomboe reta ma kuärái: ‘Peau perapicha jare piñamɨtäa perowaicho,’ jei reta.

San Juan 13:34

“Añawe che aikuaaka aï pewe mbae ipɨau wae piyapo waerä. Jae ko kua: Piyerauta ko päwe rewe. Piyerau päwe kërái che puau rami.

Hechos 17:19

Jáeramo jae reta uparea Pablo pe oo waerä jae reta ndiwe ñaipe raɨ Areópago jee wae pe. Joko pe uyembatɨñoi tëta wasu itenondewa reta. Jayawe yuraa ma uwäe reta yawe yembatɨ pe, oporomboe wae reta jei Pablo pe: “Emɨesäka orewe kua yemboe ipɨau wae nemɨmbeu neï wae rewa,” jei reta.

Deuteronomio 6:5

Peau yandeYa Tumpa pepɨa rewe, pekɨrëɨ rewe, jare añetete rewe,” jei chupe reta.

Hebreos 6:9

Erëi cheïru puau mii wae reta, yepe tëi chemiäri ma pewe kuärái, erëi che arowia katu pe reta ko jae jokua ɨwɨ ikawi wae rami. Jare arowia katu aï wi uyekuaata oï peré penoi ma ko tekowe opa mbae wae kërái mbaembae piyapo wae rupi.

1 Juan 2:24

Jáeramo jekuaeño tupɨta pepɨa pe jokua iyɨpɨ wiwe piyemboe jese wae. Jare jukuärái yawe, jekuae ñotái ko piñemɨïru kawi Tumpa Taɨ ndiwe jare yandeRu Tumpa ndiwe etei wi.

1 Juan 3:11

Kua ñee ipɨau wae’ä ko. Echa’ä pe reta piyanduño mái imeta ko yayerau päwe rewe.

1 Juan 3:2

Cheïru puau wae reta, añawe yande ko jae Tumpa taɨ reta. Jare ndeiño Tumpa uikuaaka yandewe kërái eteita ra ko ñaï kuri wae. Erëi yaikuaa ko ñaïta Cristo rami jae ou ye yawe, echa’ä yaechata jae etei kërái ko jae wae.

1 Juan 3:21

Cheïru puau wae reta, yandepɨa mbaetɨ ma yanembɨjeko mbae re yawe, yandepuereta yaya Tumpa re yayerowia rewe.

1 Juan 3:23

Jare kua ko jae Tumpa jei yandewe wae: imeta ko yarowia Taɨ Jesucristo re, jare imeta ko yayerau päwe rewe kërái Cristo jei yandewe rami.

1 Juan 4:1

Cheïru puau wae reta, awɨye perowia woi ipotawe kía Tumpa iñee ou umɨmbeu wae, echa’ä añawe rupi ime jeta wae reta Tumpa iñee umɨmbeuraanga wae reta. Jayawe ime yawe kía ou piyembatɨ wae pe jare jei pewe yawe, “Che ko jae Tumpa iñee umɨmbeu wae,” pemboporowa rani jae iñee añetete ra ou Tumpa wi wae.

1 Juan 4:11

Jukuärái ko, cheïru puau wae reta, Tumpa uikuaaka yandewe yanderau wae. Jáeramo yande reta wi yayerauta ko päwe rewe.

1 Juan 4:21

Jare wi Tumpa yanemboe kuärái: “Jokua uau Tumpa wae, tuau wi ïru hermano reta,” jei.

1 Juan 4:7

Cheïru puau wae reta, jekuaeño yayerauta ko päwe rewe, echa’ä jokua ou Tumpa wi ramo. Ime kía Tumpa uyapo taɨrä wae jare uikuaa Tumpa wae, upuruauta oï.