1 Juan 2:4 - Biblia

⁴ Ipuere ko kía jei iyupe, “Che aikuaa ko Tumpa,” jei. Erëi jae uyapo’ä yawe Tumpa jei wae rupi, iyapu ko. Iko’ä etei ko añetete wae rupi.

Guaraní Pe (Western): Simba

⁴ Ime yave quía, “Aicuaa co Jesucristo”, jei vae, iyapu co uyapo'ã yave Jesucristo iporoyocui reta. Jocua nunga jei'ã añete vae.

1 Juan 2:4 Iomraidhean Croise

San Juan 8:44

“Añawasu ko jae peru. Jare jokua mbaembae jae uipota uyapo wae, jokua nunga etei ko pe reta pipota piyapo peï wi. Añawasu iyɨpɨ wiwe upuruyuka wae ko. Jare jae opa ueya mbaembae jupi wae, echa’ä jae ko mbaembae kachi wae iya. Jare jae iyapu yawe, jae etei uyekuaaka oï, echa’ä jae ko iyapu wae jare jae etei ko apu iya,” jei chupe reta.

Tito 1:10

Jokua che jae aï ndewe, echa’ä ime jeta ipɨatäta wae reta. Jae reta ko jae upurumbɨtawɨ wae reta jare imiäri reta mbaembae usiriwe mbae wae re. Jare jokua nunga reta oete uipota uyapoka yandewe mbaembae Moisés arakae uikuatía wae. Jae reta jei kuimbae judío mbae wae reta pe uyembɨcircuncidakata ko umbɨyerowia waerä Tumpa.

Tito 1:16

Jae reta jekuaeño jei tëi: “Aikuaa Tumpa,” jei. Erëi mbaembae jae reta uyapo wae rupi uikuaaka reta uikuaa’ä etei ko Tumpa wae. Echa’ä jae reta uyapo mbaembae kachiete wae. Uyapo’ä reta Tumpa jei wae rupi, jare uyapo’ä etei reta mbaembae ikawi wae.

1 Juan 1:10

Erëi yande yae yawe, “Che ayawɨ'ä etei ko Tumpa kotɨ,” jayawe yae ñaï tëi Tumpa pe iyapu wae ko jare yaechaka ñaï yarowia’ä ko Tumpa iñee re añetete pewa.

1 Juan 1:6

Jayawe yande reta yae yawe, “Che añemɨïru kawi aï Tumpa ndiwe,” yae yawe, erëi yandereko jekuaeño kachi oï yawe, yandapu ko. Jokua ko jae pɨ̈tumimbi pe jekuaeño ñaï wae rami, echa’ä mbaetɨ ko yaiko añetete wae rupi.

1 Juan 1:8

Erëi yande yae yawe, “Che ayawɨ'ä etei ko aï Tumpa kotɨ,” jayawe yandei yayembɨtawɨ ko ñaï. Yaikuaa’ä etei añetete wae.

1 Juan 2:3

Jare ¿kërái ra yandepuere yaikuaa añetete ra yaikuaa Tumpa wae? Yande yayapo yawe mbaembae Tumpa jei yandewe wae, jokua uikuaaka yandewe yaikuaa ko Tumpa wae.

1 Juan 2:9

Ime yawe kía jei, “Che aiko tembipe pe,” erëi uñamɨtäa yawe ïru hermano wae, jekuaeño oï pɨ̈tumimbi pe.

1 Juan 3:6

Jáeramo kía uñemɨïru kawi Cristo ndiwe wae ndarau jekuaeño uyawɨ Tumpa jei wae. Erëi kía jekuaeño uyawɨ Tumpa jei wae wɨrowia’ä ko Cristo re jare uikuaa’ä etei ko wi.

1 Juan 4:20

Erëi ime yawe kía jei, “Che au Tumpa,” erëi uñamɨtäa yawe ïru hermano, jayawe iyapu ko oï. Echa’ä yaau’ä yawe ïru hermano yaecha ñanoi wae, jayawe ¿këraita pa yandepuere yaau Tumpa yaecha’ä ñaï wae? Ndarau yandepuere.

1 Juan 4:7

Cheïru puau wae reta, jekuaeño yayerauta ko päwe rewe, echa’ä jokua ou Tumpa wi ramo. Ime kía Tumpa uyapo taɨrä wae jare uikuaa Tumpa wae, upuruauta oï.