1 Juan 2:3 - Biblia

³ Jare ¿kërái ra yandepuere yaikuaa añetete ra yaikuaa Tumpa wae? Yande yayapo yawe mbaembae Tumpa jei yandewe wae, jokua uikuaaka yandewe yaikuaa ko Tumpa wae.

Guaraní Pe (Western): Simba

³ Jesucristo iporoyocui reta yayapo yave, cua uicuaaca yandeve yaicuaa co.

1 Juan 2:3 Iomraidhean Croise

Isaías 53:11

Jetaete ma uiporara yawe, uyerowia yeta, echa’ä jae uikuaata jokua jae uiporara wae rupi jeta wae reta onoita tekowe opa mbae wae Tumpa ndiwe. Tumpa jei kuärái: “Che amaeta jeta wae reta re jeko mbae wae reta rami. Echa’ä yepe tëi uyawɨ reta ma chekotɨ, jesewe jokua chewe uyeyokui wae opata umbɨepɨ teko onoi reta chekotɨ wae.

San Lucas 6:46

Jare Jesús jei wi chupe reta: “¿Maera pa pere chewe ‘OreYa,’ erëi piyapo’ä che jae wae?” jei.

San Juan 14:15

Jare Jesús jei wi jemimboe reta pe: “Pe reta añetete cherau yawe, jayawe piyapota peï che jae wae rupi.

San Juan 15:10

¿Kërái ra pikota jukuärái? Pe reta piko yawe che jae wae rupi, jayawe jekuaeño piyekouta peï kuri che puau wae re. Jukuärái wi che jekuaeño ayekou aï cheRu cherau wae re, echa’ä che aiko jae jei wae rupi,” jei chupe reta.

San Juan 15:14

“Jare pe reta ko jae cheïru reta piyapo yawe kua che jae pewe wae.

San Juan 17:3

“Jare ¿mbae ra jokua tekowe opa mbae? Nde ko jae pëtiño Tumpa añetete wae, jare che ko jae Jesucristo nde chembou wae. Tayandekuaa reta. Jokua ko jae tekowe opa mbae wae,” jei.

2 Corintios 4:6

Nduyembutuicha’ä etei, echa’ä Tumpaño ko umbɨyekuaa tembipe pɨ̈tumimbi wi. Jare Tumpa etei ko umbɨembipe yandepɨa pe yaikuaa kawi waerä kërái Cristo rupi etei ko uyekuaa Tumpa imbaepuere jembipete ye wae.

Hebreos 5:9

Jare Cristo opa uyapo yawe opaete yandeRu Tumpa jei chupe wae, jae uyeyapo tekowe opa mbae wae iYarä. Jare añawe Cristo umee tekowe opa mbae wae opaete kía kía jae jei wae uyapo wae reta pe.

1 Juan 2:13

Jare pe pekuakuaa ma piko wae reta, pe reta pikuaa jokua iyɨpɨ wiwe ikoño mái wae. Jare jokua jeko pewa ko aikuatía aï pewe. Jare pe taurusu piko wae reta, pe reta pemɨamɨri ma Añawasu. Jare jokua jeko pewa ko aikuatía aï pewe wi. Sambiaɨ mii reta, taikuatía ye pewe kua mbaembae, echa’ä pe reta pikuaa yandeRu Tumpa ramo.

1 Juan 3:14

Yande yarowia Cristo re wae reta yayerau päwe añetete rewe yawe, jokua uikuaaka yandewe ime ko ñanoi tekowe ipɨau wae jare ndarau ye ñamano wae echa Tumpa wi. Erëi kía upuruau’ä wae imeño umano oï wae echa Tumpa wi.

1 Juan 3:19

Jare yande yapuruauñoi yawe añetete rewe, jokoropi ko yaikuaa Tumpa pewa ko yande reta. Jukuärái ñaï wi Tumpa jowai yandepɨakatu rewe.

1 Juan 3:6

Jáeramo kía uñemɨïru kawi Cristo ndiwe wae ndarau jekuaeño uyawɨ Tumpa jei wae. Erëi kía jekuaeño uyawɨ Tumpa jei wae wɨrowia’ä ko Cristo re jare uikuaa’ä etei ko wi.

1 Juan 4:13

Jare yande yaikuaa ñañemɨïru ko ñaï Tumpa ndiwe jare Tumpa uñemɨïru ko oï yande ndiwe wi, echa’ä jae umee ma yandewe iEspíritu Santo.

1 Juan 4:7

Cheïru puau wae reta, jekuaeño yayerauta ko päwe rewe, echa’ä jokua ou Tumpa wi ramo. Ime kía Tumpa uyapo taɨrä wae jare uikuaa Tumpa wae, upuruauta oï.

1 Juan 5:19

Añetete ko, yande yaikuaa opaete kua ɨwɨ jeko rupi yureko wae reta Añawasu imbaepuere pe ko ñonoï. Erëi yaikuaa wi yande reta ko jae Tumpa pewa reta.

1 Juan 5:2

Jáeramo yaau yawe Tumpa, jare yaiko yawe jae jei wae rupi, yaau wi ko ïru hermano reta. Echa’ä jae reta ko jae Tumpa taɨ reta wi.

1 Juan 5:3

Jare imeta ko yayapo Tumpa jei wae rupi, echa’ä jukuärái rupi yaau Tumpa. Jare mbaetɨ ko yawái yayapo waerä Tumpa jei wae rupi.

Apocalipsis 12:17

Jayawe dragón pochɨete upɨta kuña pe, jare oo uñeräro waerä kuña iñemoñaa reta ndiwe – jae reta ko Tumpa jei wae rupi yureko wae reta jare Jesús rewa jupi umɨmbeu wae reta.

Apocalipsis 14:12

Jáeramo ipotawe kía Tumpa oñono tee jae imaerä wae reta – jae ko Tumpa jei wae rupi yureko wae reta jare Jesús re wɨrowia wae reta – tuñemɨkɨrëɨ jare tumɨawäta ipɨawasu rewe uiporara reta wae.

Apocalipsis 22:14

“Uyekouete ñonoï opaete ikɨa mbae Tumpa kotɨ ñonoï wae reta. Echa’ä jae reta uiketa ipɨawiwe rewe öke reta rupi kua tëta wasu pe, jare jouta reta ɨwɨra ía tekowe umee wae,” jei.