1 Juan 2:21 - Biblia

²¹ Jare che aikuatía aï pewe pumɨmɨräta waerä jokua pikuaa wae re. Jare pe reta pikuaa kawi peï pëti apu ou’ä ko añetete wae wi.

Guaraní Pe (Western): Simba

²¹ Pe reta jae'ã co añete vae picuaa'ã vae. Picuaa co añete vae. Jáeramo aicuatía peve. Jare picuaa quirãi penti apu añete vae pegua'ã co.

1 Juan 2:21 Iomraidhean Croise

San Juan 18:37

Jayawe Pilato jei chupe: “Jayawe nde yepe jae pëti mburuwicha,” jei chupe. Jayawe Jesús jei chupe: “Nde ndere wae rami jae ko che. Jokuaerä ko aa chesɨ wi. Jare ayu ko kua ɨwɨ pe amɨmbeu waerä añetete wae. Jare opaete uipota yureko añetete wae rupi wae reta, jae reta ko uyapɨsaka chiñee re,” jei chupe.

San Juan 8:44

“Añawasu ko jae peru. Jare jokua mbaembae jae uipota uyapo wae, jokua nunga etei ko pe reta pipota piyapo peï wi. Añawasu iyɨpɨ wiwe upuruyuka wae ko. Jare jae opa ueya mbaembae jupi wae, echa’ä jae ko mbaembae kachi wae iya. Jare jae iyapu yawe, jae etei uyekuaaka oï, echa’ä jae ko iyapu wae jare jae etei ko apu iya,” jei chupe reta.

Santiago 1:19

Jáeramo hermano puau mii reta, yande reta pëti pëti wae awɨyeta ko yayemɨngeta wɨraeño. Imeta ko ñaneratangätu rewe yayapɨsaka kawi yanderapicha re. Jare awɨyeta ko yandepochɨ rái.

2 Pedro 1:12

Kua mbaembae pe reta pikuaa kawi. Jare pepɨräta ma jese añetete wae ko. Erëi che jekuaeño pumɨmanduata kua mbaembae re awɨye peakañɨ chuwi waerä. Jare arowia ikawi ko ayapo waerä jukuärái che imeño aï rambuewe pe reta ndiwe kua cherekowe pe.

1 Juan 3:19

Jare yande yapuruauñoi yawe añetete rewe, jokoropi ko yaikuaa Tumpa pewa ko yande reta. Jukuärái ñaï wi Tumpa jowai yandepɨakatu rewe.

Judas 1:5

Yanemandúa kawi ñaï, arakae yawe yandeYa uepɨ jare onoe ueru Israel iñemoñaa reta ɨwɨ Egipto wi. Erëi taɨkue rupi opa umbái jae reta ipɨte wi wɨrowia mbae jese wae reta. Che aikuaa pe reta pikuaa kawi ma kua rewa, erëi jaeño aipota pumɨmandúa ye jese.