1 Juan 2:20 - Biblia

²⁰ Erëi pe reta jokua nunga’ä ko. Echa’ä Tumpa jupiete ye wae umee ma pewe Espíritu Santo. Jáeramo pikuaa ma añetete wae.

Guaraní Pe (Western): Simba

²⁰ Ẽrei Espíritu Santo ou ma pepɨa pe. Jáeramo pe reta picuaa opaete.

1 Juan 2:20 Iomraidhean Croise

Salmo 16:10

Che ko jae jupi rupi ndewe ayeyokui wae. Jare aikuaa aï amano ma yawe, nde, cheTumpa, ndarau chereya neï umanokue wae reta ñonoï wae pe. Ndarau nemaeño cherete opa jüu waerä.

Salmo 23:5

Yepe tëi cherowaicho reta uipota cheyuka reta waerä tëi, erëi jesewe nde ndiyandareko kawi cheré chuwi reta. Jare nemee chewe tembiu ikawiete wae jae reta jowake, jare awapɨ akaru waerä chepɨawiwe rewe. Jare nemae kawi cheré pëti mboupa jupiete wae ou opou ndepɨ wae rami. Jare kërái kía umɨtɨnee copa uyepɨyere rewa wae rami, jukuärái wi chepɨa pe nde nemɨtɨnee mbaembae ikawi wae pɨpe.

Isaías 61:1

Tumpa ikoño mái wae iEspíritu oï cheré, echa’ä jae cheparawo a amɨmbeu waerä ñee ikawi wae iparawete wae reta pe. Jae chembou ambɨpɨakatu waerä ipɨatɨtɨ wae reta, jare amɨmbeu waerä pereso reta pe kërái ipuere waerä uyembopoika reta. Chembou wi amɨmae waerä jesa mbae wae reta, jare aepɨ waerä uiporara wae reta jowaicho reta wi.

Jeremías 31:34

Jare ndarau ye ma ime kía omboe japicha wae jare jëtara wae chekuaa waerä. Ndarau ye ma ime kía jei ïru pe uyemboe waerä cheré. Echa’ä opaete wae – iparawete wae reta wiwe jare mburuwicha retawe – chekuaata ñonoï. Echa’ä che amaeta jese reta aiparareko rewe. Ambaita chuwi reta mbaembae uyawɨ reta chekotɨ wae jare ndarau ye ma chemandúa jese.” Jukuärái jei Tumpa ikoño mái wae.

San Mateo 13:11

Jayawe Jesús jei chupe reta: “Tumpa imbaepuere mburuwicha wasu pewa umbɨpɨ ma uyekuaa kua ɨwɨ pe. Jare jokua re ko che amɨmbeu aï,” jei. “Tenonde yawe Tumpa uikuaaka’ä kía pe awe kua mbaembae rewa. Erëi añawe uñemee ma pewe pikuaa kawi waerä. Erëi ïru wae reta pe uñemee’ä uikuaa waerä.

Marcos 1:24

“Jesús Nazaret pewa, ¿mbae pa ndeyu ndeka kua pe?” jei. “¿Ndeyu pa orerukachi waerä? Che ndukuaa. Nde ko jae Tumpa Taɨ jupiete wae,” jei.

San Lucas 4:18

“Tumpa ikoño mái wae iEspíritu oï cheré, echa’ä jae cheparawo a amɨmbeu waerä ñee ikawi wae iparawete wae reta pe. Jae chembou ambɨpɨakatu waerä ipɨatɨtɨ wae reta, jare amɨmbeu waerä pereso reta pe kërái ipuere waerä uyembopoika reta. Chembou wi amɨmae waerä jesa mbae wae reta, jare aepɨ waerä uiporara wae reta jowaicho reta wi.

San Lucas 4:34

“Jesús Nazaret pewa, ¿mbae pa ndeyu ndeka kua pe? ¡Emaeño oreré!” jei. “¿Ndeyu pa orerukachi waerä? Che ndukuaa. Nde ko jae Tumpa Taɨ jupiete wae,” jei.

San Juan 14:26

“Jare outa oï wi jokua Oporomborɨ wae – jae ko Espíritu Santo cheRu ombouta oï pewe cheree re wae. Jare jae ou yawe, pemboeta oï opaete mbaembae Tumpa uipota pikuaa waerä wae re. Jare jae pemɨmanduata oï wi opaete mbaembae che pomboe ma jese wae re,” jei chupe reta.

San Juan 16:13

“Erëi Espíritu Santo ou ma yawe, jae pembɨarakuaa kawita añetete wae rewa. Echa’ä ñee jae uikuaakata oï pewe wae jae iñeeño’ä ko. Tumpa jei chupe wae, jokua ko uikuaaka yuapɨ yeta oï pewe. Jare jae uikuaakata oï wi pewe mbaembae taɨkue rupi uasata oï kuri wae,” jei.

Hechos 3:14

Yepe tëi Jesús jupi jare jeko mbaei wae ko, erëi pe reta peka Pilato pe ombopoika waerä pëti upuruyuka wae Jesús ipepɨka pe.

1 Corintios 2:15

Jare jokua Espíritu Santo onoi wae reta ipuere uikuaa kawi ipotawe mbaembae rewa, jare ipuere jei reta ikawi oï ani ikawi’ä oï wae. Erëi ïru wae reta ndarau ipuere uyapo jukuärái. Jae reta ndaraúi ipuere ikawi umae Cristo re wɨrowia wae reta ipɨayemɨngeta re ikawi ra ani ikawi’ä ra wae.

Hebreos 1:9

Nde ndiyerowia neï jupi wae re jare niñamɨtäa mbae ikawi mbae wae. Jáeramo che, ndeTumpa, ayapo ndewe mbae ikawiete wae opaete nde ndiwe ñonoï wae reta jowake. Echa’ä ayerowia rewe nduparawo nde ndiko waerä mburuwicha wasurä jaeño mái pewa,” jei.

Hebreos 8:11

Jare ndarau ye ma ime kía omboe japicha wae jare jëtara wae chekuaa waerä. Ndarau ye ma ime kía jei ïru pe uyemboe waerä cheré. Echa’ä opaete wae – iparawete wae reta wiwe jare mburuwicha retawe – chekuaata ñonoï.

1 Juan 2:27

Erëi awɨye piyapɨsaka jese reta, echa’ä pe reta ime ma penoi Espíritu Santo pemboe waerä. Tumpa etei ko umee ma pewe Espíritu Santo, jare jae jekuaeño uyemɨngeta añetete wae. Espíritu Santo ipuere’ä etei iyapu. Jare kërái jae pemboe wae rupi, jekuaeño piñemɨïru kawi Cristo ndiwe.

1 Juan 4:13

Jare yande yaikuaa ñañemɨïru ko ñaï Tumpa ndiwe jare Tumpa uñemɨïru ko oï yande ndiwe wi, echa’ä jae umee ma yandewe iEspíritu Santo.

Judas 1:5

Yanemandúa kawi ñaï, arakae yawe yandeYa uepɨ jare onoe ueru Israel iñemoñaa reta ɨwɨ Egipto wi. Erëi taɨkue rupi opa umbái jae reta ipɨte wi wɨrowia mbae jese wae reta. Che aikuaa pe reta pikuaa kawi ma kua rewa, erëi jaeño aipota pumɨmandúa ye jese.

Apocalipsis 3:7

Jare yandeYa jei wi chewe: “Ime pëti araɨwa uyandareko oï opaete cheré wɨrowia wae reta re tëta wasu Filadelfia pe. Ikuatía chupe kua chiñee kuärái: ‘Che ko jae Jupiete wae jare Añetete pewa. Cheeño ime anoi tëta wasu Jerusalén ipɨau wae jöke illave, kërái arakaete mburuwicha wasu David jëta wasu illave wɨreko wae rami. Jáeramo che aipea yawe jokua öke, ndarau kía ipuere uyukenda ye. Jae ramiño wi che ayukenda yawe jokua öke, ndarau kía ipuere uipea ye.

Apocalipsis 4:8

Jare pëti pëti jokua irundɨ mbae tekowe onoi wae reta ime onoi owa ipepo reta. Jare opaete jete rupi ime onoi jeta jesa reta. Jae reta ara rupi jare pɨ̈tu rupi jekuaeño jei reta ikueri mbae rewe: “Jupi, jupi, jupi wae ko jae Tumpa ikoño mái wae jare opaete mbaepuere onoi wae. Jae ko iyɨpɨ wiwe ikoño mái wae, jare jekuaeño oï wae, jare jaeño mái pewa ikota wae.”