1 Juan 2:16 - Biblia

¹⁶ Echa’ä kua ɨwɨ jeko rupi yureko wae reta jaeño uipota yureko teko kachi rupiño jare mbaembae chupe reta ipöra wae reño. Jare jekuaeño uipota uyemɨngeta reta uyembutuicha rewe mbaembae jae reta onoi wae re jare mbaembae uyapo wae re. Erëi jae reta jeko ou’ä etei ko yandeRu Tumpa wi, echa’ä kua ɨwɨ pewaño ko.

Guaraní Pe (Western): Simba

¹⁶ Cua ɨvɨ pegua uau vae reta jecuaeño uipota iporopota jare uipota opaete mbaembae ipõra vae uecha vae jare uyembɨcate imbaembae re. Ẽrei opaete cua ɨvɨ pegua co. YandeRu Tumpa pegua'ã co.

1 Juan 2:16 Iomraidhean Croise

Génesis 3:6

Jayawe kuña umae yawe ɨwɨra ía re, uecha maepöra jare ikawi echa jou waerä. Jare uecha wi ipuere umee chupe arakuaa. Jayawe ueki ɨwɨra ía jare jou. Umee wi ime pe, jare jae jou wi.

Génesis 6:2

Jayawe Tumpa taɨ reta uecha kuimbae reta tayɨ maepöra wae reta, jare uiparawo iyupe jae reta ipɨte wi uipota wae jae reta jembirekorä.

San Mateo 4:8

Jayawe Añawasu wɨraa Jesús pëti ɨwɨtu wasu ɨwatete wae re jare joko wi uechaka chupe opaetei tëta wasu reta ipöraete wae imburuwicha wasu imbaepuere wae reta ndiwe.

San Mateo 5:28

Erëi che tae pewe, ime yawe kía umae kuña re wae, jare ipɨa pe uipota uyapo awasa jae ndiwe wae, jae uyapo ma ko awasa ipɨa pe jae ndiwe,” jei.

San Lucas 4:5

Jayawe Añawasu wɨraa Jesús pëti ɨwɨtu wasu ɨwate wae re, jare joko wi pëti uecha wae peño uechaka chupe opaetei tëta wasu reta imburuwicha wasu imbaepuerete wae reta ndiwe.

Romanos 13:14

Yepe tëi amo pe ime ñanoi kɨrëɨ mbae kachi yayapo waerä, erëi awɨye yayemɨngeta yandepɨa pe jese kërái yayapo waerä. Pëti pëti wae yaipɨsɨ yandeyupe yandeYa Jesucristo jeko.

1 Corintios 10:6

Añawe rupi Tumpa uipota yanembɨarakuaa jokua mbaembae uasa arakae wae rupi awɨye waerä yande reta yaipota ikawi mbae wae jae reta rami.

Gálatas 5:17

Echa’ä yande yaiko yawe yande yae wae rupiño, jokua jae’ä ko Espíritu Santo uipota wae. Jae ramiño wi Espíritu Santo uipota wae, jae’ä ko yaipota wae yaiko yawe yande yae wae rupiño. Erëi mokui rewe yaipota tëi yayapo. Jáeramo ime pëti ñeräro yandepɨa pe, jare jekuaeño yanembɨawái oï awɨye waerä yayapo yandepɨawiwe rewe mbae yaipota tëi yayapo wae.

Gálatas 5:24

Tenonde yawe yande reta yaipotase yaiko yande yae wae rupiño. Erëi añawe opaete yande Jesucristo pewa ma yaiko wae reta yaeya ma ko yande yae wae rupiño yaiko wae jare jokua kɨrëɨ mbaembae kachi wae ndiwe. Yaikutu ma kurusu re yaeya wae rami ko.

Efesios 2:3

Jare pe judío mbae piko wae retaño’ä ko jukuärái pikose, echa’ä ore judiorä nduiko wae jukuärái wi nduikose. Añetete opaetei yande jukuärái yaikose ndei yarowia Jesucristo re mbowe. Yande yaikose yae wae rupiño, jare jekuaeño yayapo mbaembae kachi wae yandepɨayemɨngeta jei wae rupiño. Jáeramo kua yandereko indechikue jeko pewa, jupi ko Tumpa uiporaraka yandewe waerä tëi opaete ïru wae reta pe uiporarakata oï wae rami.

Tito 2:12

Jare Tumpa ipɨakawiete yandewe wae yanemboe yaeya waerä yandereko kachi wae jare mbae kachi yanderete uipota uyapo wae. Jare yanemboe wi kërái yepe tëi kua ɨwɨ tɨnee oï mbae kachi wae pɨpe, jesewe yaiko kawita ko jupi rupi jare Tumpa yambɨyerowia waerä.

Tito 3:3

Emɨmandúa reta yande ndei Cristo re yarowia mbowe, yandereko ikawi’äse. Yande yaikose yandearakuaa mbae echa. Yaikose yaipota wae reño yayembɨyerowia waerä. Jare yayembɨtawɨse. Mbaembae kachi yanderete re yareko wae jekuaeño ime wɨreko mbaepuere yanderé. Yayapoñoise mbaembae kachi wae, jare ñañemɨrose yanderapicha reta pe. Ñañeamɨtäase yanderapicha reta ndiwe. Jukuärái yande yaikose tenonde yawe.

Santiago 3:15

Jokua arakuaa pere tëi ime penoi wae ou’ä ko Tumpa wi jare mbaetɨ etei ko Espíritu Santo pewa. Jokua nunga arakuaa ko jae kua ɨwɨ pewaño jare Añawasu wi ko ou.

Santiago 4:16

Erëitu pe reta piyemɨngeta peï piyembutuicha rewe mbaembae pe retaño piyapo wae re. Kua mbaetɨ etei ikawi.

1 Pedro 1:14

Tenonde yawe, pe reta pikuaa’äse Tumpa jare pikose kachi pe reta pere wae rupiño. Erëi añawe pe reta ko jae Tumpa taɨ reta etei. Jáeramo piko kawita ko Tumpa jei wae rupi.

1 Pedro 2:11

Cheïru puau mii wae reta, yande ko jae kua ɨwɨ rupi uwata iko waeño. Ambɨe ɨwɨ pe opou iko waeño ko yande reta. Jáeramo che pumɨñera awɨye piko pere wae rupiño. Echa’ä jukuärái piko yawe, mbaembae pekɨrëɨ wae kachi ko Tumpa jowai jare perekowe jowaicho ko wi.

2 Pedro 2:10

Jare oete uiporarakata oï opaete kía uipota’ä Tumpa jei wae rupi yureko wae reta pe. Jae reta jei wae rupiño ko yureko reta, jare opa ma uñererükumewa reta jeko kachi rupi. Jokua oporomboe kachi wae reta ikate iyé reta. Mbaetɨ etei ukɨye reta uyemɨngeta waerä ipotawe mbaepuere onoi wae reta kotɨ.

2 Pedro 2:18

Jare jokua oporomboe kachi wae reta, ime ye ambɨe mbae kachi uyapo reta wae. Jae reta uyemɨngeta uyembɨkate rewe. Yepe tëi iñeengatu reta, erëi jokua usiriwe’ä etei kía imaeräwe. Jae reta jei tëi: “Yandepuere yaiko yanderete uipota wae rupiño. Jokua mbae’ä ko,” jei reta. Jukuärái jae reta umbɨtawɨ jaeramo wɨrowia Cristo re wae reta. Echa’ä umɨkɨrëɨ uyapo reta ye waerä jokua jaeramo mbaembae kachi opa tëi ueya reta wae.