1 Juan 2:12 - Biblia

¹² Sambiaɨ mii reta, che aikuatía aï pewe kua mbaembae, echa’ä Tumpa umbái ma pewi teko penoi ikotɨ wae ramo. Jukuärái jae uyapo ma yandeYa Jesucristo uyapo pewe wae rupi.

Guaraní Pe (Western): Simba

¹² Aicuatía cuarãi peve, cheraɨ reta, Tumpa umbɨasa peve pembaeyoa reta ramo. Umbɨasa ma peve Jesucristo jee re.

1 Juan 2:12 Iomraidhean Croise

San Lucas 24:47

“Jare uyekuatía oï wi kërái ñee uyemɨmbeuta oï opaete rupi ueya reta waerä ipɨayemɨngeta jupi mbae wae Tumpa rewa jare wɨrowia kawi reta waerä jese. Jare uyemɨmbeuta oï wi kërái ipuere uyembái waerä chuwi reta mbaembae uyawɨ Tumpa kotɨ wae,” jei. “Kua mbaembae uyemɨmbeuta oï cheree re, jare uyemɨmbeuta rani Jerusalén pe jare joko wi opaete ɨwɨ rupi,” jei Jesús chupe reta.

San Lucas 5:20

Jare Jesús kua uecha yawe, uikuaa jae reta wɨrowia kawi jese wae. Jáeramo jei kuimbae ipuere mbae omɨ wae pe: “Cheraɨ, teko nenoi Tumpa kotɨ wae opa ma uyembái ndewi,” jei chupe.

Hechos 10:43

Jare jei wi chupe reta: “Opaete kuimbae Tumpa iñee arakae umɨmbeu wae reta uikuatía Upuruepɨ wae rewa. Jae reta uikuatía kërái jae rupi Tumpa umbaita opaete jese wɨrowia wae reta wi mbaembae uyawɨ reta ikotɨ wae. Jare kua Upuruepɨ wae, jae ko Jesús,” jei Pedro chupe reta.

Hechos 13:38

“Jáeramo cherëtara reta, pikuaa kawi kua: Ore ndoyu ma numɨmbeu waerä pewe kërái rupi mbaembae piyawɨ Tumpa kotɨ wae ipuereta opa uyembái waerä – jae ko Jesús rupi.

Hechos 4:12

“Jayawe mbaetɨ ye kía ipuere yanderepɨ waerä mbaembae yayawɨ Tumpa kotɨ wae wi. Echa’ä yandeRu Tumpa ombou pëtiño kua ɨwɨ pe ipuere yanderepɨ waerä wae – jae ko Jesús.” Jukuärái jei Pedro chupe reta.

1 Corintios 6:11

Jare jukuärái pikose amokue pe reta. Erëi añawe Tumpa opa oyoe pewi opaete kua mbaembae ikawi mbae wae. Añawe jae peñono tee jae imaerä jare umae peré pereko mbae wae rami. Jukuärái Tumpa uyapo iEspíritu rupi, echa’ä añawe pe reta peï pëti ramiño yandeYa Jesucristo re ramo. Jáeramo awɨye ye ma piko jupi mbae wae reta rami.

Efesios 4:32

Pikota ko kuärái: Pikota ko piyerau päwe rewe jare pepɨakawita ko peyupe. Kërái Cristo rupi Tumpa imandua’ä ma yandewe ikawi mbae yayapo wae re, jukuärái wi pe reta awɨye pemandúa peyupe ikawi mbae piyapo wae re. Jukuäraita ko piko.

Colosenses 1:14

Kua re yayekouta ñaï kuri, echa’ä yepe tëi yayawɨ Tumpa kotɨ, erëi Tumpa imandua’ä ma yandewe jokua re. Echa’ä Taɨ upɨyere juwɨ jare umano yanderé opa umbɨepɨ waerä jokua teko yareko Tumpa kotɨ wae.

1 Juan 1:4

Jukuärái yawe, ore nduyerowiaeteta noï kuri añetete rewe. Jokuaerä ko kua mbaembae reta ore nduikuatía noï pewe.

1 Juan 1:7

Erëi Tumpa ko jae arakuaa iYa, jare jokua arakuaa ko jae pëti tembipe rami yandewe. Jare yande yaiko yawe jokua arakuaa Tumpa umee yandewe wae rupi, jayawe yande ñañemɨïru kawita päwe rewe. Jare yandeRu Tumpa Taɨ Jesucristo juwɨ uyepɨyere wae jekuaeño yandeyoe oï Tumpa kotɨ. Echa’ä umbái oï yandewi mbaembae yayawɨ Tumpa kotɨ wae.

1 Juan 1:9

Erëi yayembeu yawe Tumpa pe yayawɨ wae rewa, jae opata umbái yandewi jokua teko ñanoi wae jare yandepɨayoeta opaete mbae jupi mbae yayapo wae wi. Jukuärái Tumpa uyapota, echa’ä jukuärái jae jei uyapota iko ramo. Jare Tumpa jekuaeño uyapo jae jei wae, echa’ä jae jupiete ye wae ko.

1 Juan 2:1

Cheraɨ mii puau wae reta, aikuatía aï pewe kua mbaembae awɨye waerä piyawɨ Tumpa kotɨ. Erëi kía uyawɨ Tumpa kotɨ yawe, ime ko pëti wae yandeRu Tumpa jowai oï yandepepɨka pe – jae ko Jesucristo. Jae jupiete ye wae ko.

1 Juan 2:21

Jare che aikuatía aï pewe pumɨmɨräta waerä jokua pikuaa wae re. Jare pe reta pikuaa kawi peï pëti apu ou’ä ko añetete wae wi.

1 Juan 2:7

Cheïru mii puau wae reta, kua aikuatía aï pewe wae mbae ipɨau wae’ä ko. Jae ko jokua iyɨpɨ wiwe pikuaaño mái piko wae. Echa’ä iyɨpɨ wiwe piyanduño mái kua ñee yayerauta ko päwe rewe wae.