1 Juan 2:11 - Biblia

¹¹ Erëi ime yawe kía uñamɨtäa ïru hermano wae, imeño oï pɨ̈tumimbi pe jare jekuaeño uyapo mbaembae pɨ̈tumimbi pewa. Jae uikuaa’ä ketɨ ra oo oï wae, echa’ä jae ko jesa mbae wae rami Tumpa jowai mbaembae kachi uyapo wae jeko pewa.

Guaraní Pe (Western): Simba

¹¹ Ẽrei ime yave quía ĩru upurugüɨrovia vae umɨtarẽɨ vae, jae jecuaeño ico pɨ̃tumimbi oĩ vae pe. Jáeramo jae co uguata oo pɨ̃tumimbi pe vae rami. Uicuaa'ã quetɨ ra oo oĩ vae. Echa'ã ipuere'ã etei uecha pɨ̃tumimbi pe.

1 Juan 2:11 Iomraidhean Croise

San Juan 12:35

Jayawe Jesús jei chupe reta umbɨjaanga rewe: “Tembipe imeñota oï pe reta ndiwe michi pewaeño. Jáeramo pemaeño kua tembipe re umbɨembipe waerä pepɨa pe. Jukuärái ndarau pepɨranoe pewa pɨ̈tu pewe. Echa’ä pɨ̈tumimbi pe uwata wae reta jopa ñonoï jare uikuaa’ä ketɨ ra yuraa ñonoï wae,” jei chupe reta.

San Juan 12:40

Uyeyapo chupe reta kërái Isaías uikuatía ye wae rami. Echa’ä jae uikuatía kuärái: “Jokua ipɨatäta wae reta, Tumpa opa uesañoma rami ko awɨye waerä uikuaa kawi reta. Jare jae umbɨpɨatäta ma reta wi awɨye waerä uikuaa reta. Jukuärái Tumpa uyapo ma awɨye waerä jae reta uyerowa ikotɨ. ‘Añetete,’ jei Tumpa, ‘jae reta uyerowa chekotɨ yawe, aepɨta tëi reta,’ jei.”

2 Corintios 3:14

Erëi Israel iñemoñaa reta ipɨatäta yureko. Uikuaa’ä reta jokua yemɨngeta Tumpa arakae uyapo jae reta ndiwe wae opata iko wae. Jare jukuärái ko jae reta añawe rewa. Echa’ä añawe rupi awe jae reta umɨngeta yawe Moisés arakae uikuatía wae, imeño uikuaa kawi’ä reta. Jae reta iyarakuaa imeño uyakasoi oï tarapo pe wae rami, kërái Moisés jowa tarapo pe umbɨyasoi rami. Echa’ä jae reta wɨrowia Cristo re yaweño ko ipuere iyarakuaa uyepea.

2 Corintios 4:4

Jae reta wɨrowia’ä, echa’ä pɨ̈tumimbi pe yureko reta rami. Echa’ä kua ɨwɨ iya – jae ko Añawasu – umɨpɨ̈tumimbi ma iyarakuaa awɨye waerä jae reta uikuaa kawi ñee ikawi wae Cristo rewa. Jokua jeko pewa jae reta uikuaa’ä kërái Cristo ikawiete ye ko jare jae ko Tumpa etei wae.

Tito 3:3

Emɨmandúa reta yande ndei Cristo re yarowia mbowe, yandereko ikawi’äse. Yande yaikose yandearakuaa mbae echa. Yaikose yaipota wae reño yayembɨyerowia waerä. Jare yayembɨtawɨse. Mbaembae kachi yanderete re yareko wae jekuaeño ime wɨreko mbaepuere yanderé. Yayapoñoise mbaembae kachi wae, jare ñañemɨrose yanderapicha reta pe. Ñañeamɨtäase yanderapicha reta ndiwe. Jukuärái yande yaikose tenonde yawe.

2 Pedro 1:9

Erëi kía opaete kua mbaembae uata chupe wae, jae ko michi miño umae wae rami ani jesa mbae wae etei Tumpa pewarä. Aramoi jae iñakañɨ ma Tumpa opa ko oyoe chuwi teko ime wɨreko Tumpa kotɨ wae.

1 Juan 1:6

Jayawe yande reta yae yawe, “Che añemɨïru kawi aï Tumpa ndiwe,” yae yawe, erëi yandereko jekuaeño kachi oï yawe, yandapu ko. Jokua ko jae pɨ̈tumimbi pe jekuaeño ñaï wae rami, echa’ä mbaetɨ ko yaiko añetete wae rupi.

1 Juan 2:10

Erëi ime yawe kía uau ïru hermano reta wae, jae jekuaeño oï tembipe pe. Jare jukuärái yawe, mbaetɨta mbae re uyepɨaka waerä.

1 Juan 2:9

Ime yawe kía jei, “Che aiko tembipe pe,” erëi uñamɨtäa yawe ïru hermano wae, jekuaeño oï pɨ̈tumimbi pe.

1 Juan 3:15

Jare ime yawe kía uñamɨtäa umae ïru hermano re wae, Tumpa pewarä jae upuruyuka ma. Jare pe reta pikuaa kawi pëti upuruyuka wae mbaetɨ etei ko onoi tekowe opa mbae wae.

1 Juan 4:20

Erëi ime yawe kía jei, “Che au Tumpa,” erëi uñamɨtäa yawe ïru hermano, jayawe iyapu ko oï. Echa’ä yaau’ä yawe ïru hermano yaecha ñanoi wae, jayawe ¿këraita pa yandepuere yaau Tumpa yaecha’ä ñaï wae? Ndarau yandepuere.

Apocalipsis 3:17

‘Pe reta pere tëi kuärái: “Yaikokatu ñaï. Jeta mbaembae ñanoi. Mbaetɨ etei mbae uata yandewe,” pere tëi. Erëi jukuärai’ä ko. Pe reta pikuaa’ä kërái chekotɨ pikuasɨete peï, jare peparawete peï, jare peresa mbae echa peï, jare penani etei wae echa peï. Jáeramo ïru wae reta umaeta tëi peré peparareko rewe.