1 Juan 2:1 - Biblia

¹ Cheraɨ mii puau wae reta, aikuatía aï pewe kua mbaembae awɨye waerä piyawɨ Tumpa kotɨ. Erëi kía uyawɨ Tumpa kotɨ yawe, ime ko pëti wae yandeRu Tumpa jowai oï yandepepɨka pe – jae ko Jesucristo. Jae jupiete ye wae ko.

Guaraní Pe (Western): Simba

¹ Cheraɨ reta, aicuatía cua mbaembae regua peve agüɨye vaerã peyoa. Ẽrei yandeyoa yave, ime co quía uyerure yandeRu Tumpa pe yanderé vae. Jae co Jesucristo. Jae co jupi vae.

1 Juan 2:1 Iomraidhean Croise

Zacarías 9:9

¡Piyerowiaete, tëta wasu Sion pewa reta! ¡Pesapɨkai yerowia rewe, tëta wasu Jerusalén pewa reta! Mase, pemburuwicha wasurä ou oï pepɨ; upurumɨamɨri jupi wae ko. Erëi uñemɨmichi rewe opo ou oï pëti mburika imembɨ taurusu wae re.

San Lucas 10:22

Jayawe Jesús jei wi joko pe ñonoï wae reta pe: “CheRu umee ma chewe mbaepuere opaete mbaembae re. Jaeño chekuaa kawi. Mbaetɨ ye kiawe chekuaa kawiete. Jae ramiño wi mbaetɨ kiawe uikuaa kawiete cheRu. Cheño aikuaa kawi. Jare jokua che aikuaaka chupe wae reta uikuaa wi,” jei chupe reta.

San Juan 10:15

Kërái cheRu chekuaa kawi jare che aikuaa kawi wi cheRu, jukuärái wi cheowecha reta ndiwe nduyekuaa kawi. Jare che ameeta ko cherekowe cheowecha reta re aepɨ reta waerä,” jei Jesús chupe reta.

San Juan 13:33

“Mase cherɨwɨ mii reta, michi pewaño ma aïta pe reta ndiwe. Koiñoete ma ou oï ara pe reta chereka tëi waerä. Erëi pe reta pepuere’ä peo parawete che ata aï wae pe. Jukuärái che jae judío itenondewa reta pe wi, jare añawe jukuäraiete wi che jae aï pewe,” jei chupe reta.

San Juan 14:16

Jare che aekata aï cheRu pe jae ombou waerä pewe ïru jokua nungaete Oporomborɨ wae oï waerä pe reta ndiwe jaeño mái pewa.

San Juan 14:6

Jare Jesús jei chupe: “Che ko jae tape Tumpa kotɨ oo wae. Che ko jae añetete ayemɨngeta Tumpa rewa wae. Cheño ko jae tekowe opa mbae wae amee wae. Jare kiawe ipuere’ä oya cheRu re – jaeño che rupi,” jei chupe.

San Juan 21:5

Jare Jesús usapɨkai chupe reta: “Cherɨwɨ reta, ¿mbaetɨ etei pa penoi pira?” jei chupe reta. “Mbaetɨ nonoi pëti awe,” jei reta chupe.

San Juan 5:14

Jayawe ndei ɨma mbowe, Jesús owäiti ye jokua kuimbae tupao wasu joka pe jare jei chupe: “Mase, ndekuera ma ko. Añawe wiwe awɨye iyawɨ Tumpa kotɨ, awɨye waerä oa ye nderé mbae ikawi mbaete wae,” jei chupe.

San Juan 5:36

Erëi añawe ime ye mbae uikuaaka pewe waerä kía ko che wae. Jare jokua ikawiete Juan umɨmbeu pewe wae wi. Jae ko kua mbaembae ayapo aï wae. CheRu etei umee chewe kua mbarawɨkɨ ayapo waerä, jare kua mbaembae reta etei uikuaaka pewe cheRu ko chembou wae,” jei chupe reta.

San Juan 6:27

“Erëi awɨye peparawɨkɨ perembiurä ɨmata’ä iko pewe wae reño. Peparawɨkɨta ko perembiurä opata mbae wae re – jokua ko jae tekowe opa mbae wae che kuimbaerä ayeyapo wae chepuere amee pewe wae. Jare jukuärái chepuere ayapo, echa’ä cheRu Tumpa umee ma chewe mbaepuere jokua ayapo waerä,” jei chupe reta.

San Juan 8:11

Jayawe kuña jei: “Mbaetɨ ma kiawe,” jei parawete. Jayawe Jesús jei chupe: “Che jae nunga wi numbɨjeko’ä. Ekua jare awɨye iñatima ye ndereko kachi pe,” jei chupe.

Hechos 7:52

“Echa’ä peramɨkue reta uyapo ikawi mbae wae opaete Tumpa iñee arakae umɨmbeu wae reta kotɨ. Jare ipotawe kía umɨmbeu jokua Upuruepɨ jupi wae outa iko wae rewa yawe, jae reta uyuka. Jare añawe Upuruepɨ wae ou ma, erëi pe reta pemee ma piyukaka waerä,” jei chupe reta.

Romanos 5:10

Echa’ä yepe tëi tenonde yawe yaikose Tumpa jowaichorä, erëi añawe yayeapɨkatu ma ko Tumpa ndiwe Taɨ imano rupi. Jare jukuärái yawe, ¿këraita pa Tumpa uitɨ oï iarasɨ yanderé kuri ara taɨkuewa pe? Ndarau uyapo, echa’ä Jesús jekuaeño oï yanderepɨ waerä.

Romanos 6:15

Che tae ye pewe, Tumpa ipɨakawi rupi ma ñaï ramo, mbaetɨ ko ñaï Moisés arakae uikuatía wae rupi. Erëi ¿jokua uipota ra jei ikawiño ko yayawɨ waerä Tumpa kotɨ? ¡Ndarau etei!

Romanos 8:34

Jayawe ¿imeta ra kía ye ipuere omboya teko yanderé Tumpa jowai? Ndarau ipuere kiawe, echa’ä Jesucristo etei ko umano jokua teko yareko wae re opa umbái waerä yandewi. Jare kuaño’ä ko, echa’ä jae ikowe ye ou wi umanokue wae reta ipɨte wi. Jare añawe jae ime oï yandeRu Tumpa ndiwe iyɨke pe iyakata kotɨ. Jare jae etei ko uyerure oï yandeRu Tumpa pe yanderé.

1 Corintios 15:34

Piko ye arakuaa katu añetete wae rupi, jare awɨye jekuaeño piyawɨ Tumpa kotɨ. Chemaerä ime chawaa amokue pe reta ndeiño pikuaa Tumpa. Jukuärái che jae pewe pumɨmaraka waerä.

2 Corintios 5:21

YandeYa Cristo uyapo’ä etei ko mbae kachi wae. Erëi Tumpa uiporaraka chupe opaetei mbaembae kachi yayapo wae re Cristo etei jokua mbaembae uyapo wae rami. Jukuärái Tumpa uyapo yandepuere waerä ñaï kawi jae ndiwe yandereko mbae wae rami Cristo uyapo yandewe wae rupi.

Gálatas 4:19

Pe reta ko jae cheraɨ reta rami. Jare añawe kërái pëti kuña imembɨrasɨ oï wae ipɨa’ä oï imembɨ re rami, jukuäraiete wi che chepɨa’ä aï peré. Jare jukuärái chepɨata’ä aï peré Cristo jeko uyekuaa peré rewa.

Efesios 2:18

Jukuärái Cristo uyapo yandewe ramo, päwe rewe yandepuere yaya yandeRu Tumpa re Espíritu Santo rupi.

Efesios 4:26

Aramoi kía ndiwe pepochɨ yawe, piyandareko kawi piyé awɨye waerä piyawɨ Tumpa kotɨ. Jayawe piyeapɨkatu jawoi pewa ndei ara uasa mbowe.

1 Timoteo 2:5

Echa’ä ime pëtiño Tumpa añetete wae. Jae ramiño wi ime pëtiño wae ipuere umbɨpɨakatu ɨwɨ pewa reta Tumpa ndiwe. Jae ko kuimbae Jesucristo jee wae.

1 Timoteo 3:14

Che aikuatía aï ndewe kua tupapire rambuewe, chekɨrëɨ aï ɨmambaeño a apou waerä ndepɨ.

Hebreos 9:24

Echa’ä jokua tupao mbaetɨ ko tupao kua ɨwɨ pewa kuimbae reta uyapo wae, jare jae’ä ko jaanga wi. Jokua tupao ara pewa etei ko. Jare joko pe ko Cristo uike Tumpa oï wae pe etei uyerure waerä yanderé.

Santiago 1:27

Jayawe, ¿kërái ra yayeyokuita yandeRu Tumpa pe añetete pewa? Imeta ko yamborɨñoi sambiaɨ mii reta tu jare ichɨ umano chuwi wae jare kuña reta ime umano chuwi wae ikuasɨ ñonoï wae. Jare imeta ko yayandareko kawi yandiyé awɨye waerä ñañererükumewa kua ɨwɨ jeko kachi wae rupi. Jukuärái rupi ko yayeyokuita yandeRu Tumpa pe.

Santiago 3:9

Yandeyuru pe yambutuicha yandeRu Tumpa jee. Pɨpe wi ko yayepɨpeyu yanderapicha re, yepe tëi Tumpa uyapo jae echa rami.

1 Pedro 2:22

Cristo uyapo’ä etei ko mbae kachi wae, jare upurumbɨtawɨ'ä etei ko wi.

1 Pedro 3:18

Kua pe ikawi ñamae waerä Cristo re. Yepe tëi jae ko jupi wae, erëitu jae uiporara yande jupi mbae yaiko wae reta re. Yande jeta yayawɨ Tumpa kotɨ. Erëi Cristo umano pëti weseño jaeño mái pewa jokua mbaembae yayawɨ wae re, jukuärái yandepuere waerä yaya Tumpa re. Cristo uyeyapo kuimbaerä. Jáeramo jae umano yawe, umano jete pe yande rami. Erëitu ikowe ye ou umanokue wae reta ipɨte wi Espíritu Santo imbaepuere rupi.

1 Juan 3:18

Jayawe cheraɨ puau wae reta, yapuruau mii mbaembae yayapo wae rupi añetete rewe. Awɨye yapuruau ñaniñee peño.

1 Juan 3:5

Erëi pe reta pikuaa kawi peï Cristo uyeyapo kuimbaerä opa umbái waerä yandewi mbaembae yayawɨ Tumpa kotɨ wae. Jare Cristo pëti wese awe uyawɨ'ä.

1 Juan 3:7

Cheraɨ puau wae reta, piyandareko kawi piyé awɨye waerä kía pembɨtawɨ kua rewa. Kía re Tumpa umae jeko mbae wae rami ikota jupi wae rupi. Echa’ä jae uipota iko Jesucristo rami, jare Jesucristo jupi wae ko.

1 Juan 4:4

Erëi pe cheraɨ puau wae reta, pe reta opa ma pemɨamɨri jokua oporomboeraanga wae reta, echa’ä pe reta ko jae Tumpa pewa jare Espíritu Santo oï pepɨa pe. Jare yepe tëi Añawasu ko jae kua ɨwɨ iya, erëi Espíritu Santo imbaepuere tuichaete ye ko Añawasu imbaepuere wi.

1 Juan 5:17

Añetete opaete mbae jupi mbae yayapo wae, jokoropi yayawɨ ma ko Tumpa jowai. Erëi mbaetɨ ko opaete mbaembae yayawɨ wae mano pewa.

1 Juan 5:21

Jayawe cheraɨ puau wae reta, piyandareko kawi piyé awɨye waerä pembɨadora tumparaanga reta re. Jaeño ma.

3 Juan 1:4

Mbaetɨ ye ambɨe yerowia tuicha wae kua wi ayandu yawe kërái cheraɨ reta ñonoï añetete wae rupi.