1 Juan 1:9 - Biblia

⁹ Erëi yayembeu yawe Tumpa pe yayawɨ wae rewa, jae opata umbái yandewi jokua teko ñanoi wae jare yandepɨayoeta opaete mbae jupi mbae yayapo wae wi. Jukuärái Tumpa uyapota, echa’ä jukuärái jae jei uyapota iko ramo. Jare Tumpa jekuaeño uyapo jae jei wae, echa’ä jae jupiete ye wae ko.

Guaraní Pe (Western): Simba

⁹ Yamɨmbeu yave Tumpa pe yanembaeyoa reta, yandepuere yarovia catu Tumpa umbɨasa vaerã yandeve yanembaeyoa reta, jae jupi ramo. Jae yandeyoeta co opaete jupi mbae vae yayapo vae güi.

1 Juan 1:9 Iomraidhean Croise

Zacarías 9:9

¡Piyerowiaete, tëta wasu Sion pewa reta! ¡Pesapɨkai yerowia rewe, tëta wasu Jerusalén pewa reta! Mase, pemburuwicha wasurä ou oï pepɨ; upurumɨamɨri jupi wae ko. Erëi uñemɨmichi rewe opo ou oï pëti mburika imembɨ taurusu wae re.

San Mateo 3:6

Jare opaete wae jowake uyembeu reta uñemɨmichi rewe kërái Tumpa kotɨ uyawɨ reta wae. Jare uyembeu reta ma yawe, Juan umbɨsakambu reta ɨ wasu Jordán pe.

Marcos 1:5

Jare jeta ɨwɨ Judea pewa reta jare tëta wasu Jerusalén pewa reta yuraañoi reta Juan oï wae pe uyapɨsaka reta waerä iñee re. Jare opaete wae jowake uyembeu reta uñemɨmichi rewe kërái Tumpa kotɨ uyawɨ reta wae. Jare uyembeu reta ma yawe, Juan umbɨsakambu reta ɨ wasu Jordán jee wae pe.

San Lucas 22:57

Erëi Pedro uikuaku jei rewe: “Aikuaa’ä jokua kuimbae,” jei.

San Juan 17:25

“CheRu jupiete ye wae, kua ɨwɨ pewa reta ndekuaa’ä. Erëi che ndukuaaño mái. Jare kua cheremimboe reta uikuaa nde ko chembou wae,” jei.

Hechos 19:18

Jare jeta jaeramo Cristo re wɨrowia wae reta uñemɨmichi rewe uyembeu reta ïru wae reta jowake kërái Tumpa kotɨ uyawɨ reta wae.

Romanos 3:26

Erëi añetete Tumpa jupi ko jare jekuaeño uyapo jupi rupi. Jeta wese Tumpa arakae rupi uiporaraka’ä chupe reta, echa’ä jae uikuaa iko Cristo umanota iko jae reta jeko kachi re wae. Jare jokua uyeyapo ma. Jare añawe rupi ipotawe kía wɨrowia Jesús re wae, Tumpa umae jese jeko mbae wae rami.

1 Corintios 1:9

Jare pe reta pepuere perowia katu Tumpa re uyapo waerä pewe jukuärái, echa’ä jae etei ko pereni piñemɨïru kawi waerä Taɨ yandeYa Jesucristo ndiwe. Jare Tumpa ndarau uyawɨ oï pewe.

1 Corintios 6:11

Jare jukuärái pikose amokue pe reta. Erëi añawe Tumpa opa oyoe pewi opaete kua mbaembae ikawi mbae wae. Añawe jae peñono tee jae imaerä jare umae peré pereko mbae wae rami. Jukuärái Tumpa uyapo iEspíritu rupi, echa’ä añawe pe reta peï pëti ramiño yandeYa Jesucristo re ramo. Jáeramo awɨye ye ma piko jupi mbae wae reta rami.

Efesios 5:26

Kërái yande mbae yayoe ɨ pe wae rami, jukuärái wi jae iñee rupi opa yandepɨayoe mbaembae kachi wae wi ñaneñono tee waerä jae imaerä.

1 Timoteo 1:15

Opaete wae reta yayawɨ Tumpa kotɨ jare jukuärái ime ñanoi teko ikotɨ. Erëi ime pëti ñee añetete wae jare ikawi ko opaete wae yarowia jese waerä. Kua ñee ko kuärái: Jesucristo ou kua ɨwɨ pe uepɨ waerä teko onoi Tumpa kotɨ wae reta. Jare che amae yawe chiyé, aikuaa anoi teko tuichaete ye ïru wae reta wi.

Tito 2:14

Opaete yande jeta ma yayawɨ Tumpa kotɨ. Erëi Jesucristo uñemee umano waerä yanderé yanderepɨ waerä jokua teko ñanoi wae wi, jare oyoe waerä yandepɨa opaete ikawi mbae wae wi. Jukuärái jae ñaneñono tee ma jae imaerä, yande ñanekɨrëɨ yayapo waerä mbaembae ikawi waeño.

Hebreos 10:23

Jare ñaäro mii yarowia katu rewe jokua mbaembae ikawiete wae Tumpa jei umeeta oï yandewe wae. Echa’ä yaikuaa Tumpa jupi ko uyapo waerä jae jei wae. Yande yamɨmbeu ma ïru wae reta pe jokua mbaembae rewa, jare Tumpa ndarau uyawɨ yandewe.

Hebreos 11:11

Jare yanemandúa wi Sara re. Yepe tëi jae ko imembɨ mbaei wae jare ukuakuaaete ma, erëi Tumpa jei chupe: “Nemembɨta neï.” Jayawe Sara imembɨ, echa’ä jae wɨrowia Tumpa jupi ko uyapo waerä jae jei uyapota wae.

Hebreos 6:10

Echa’ä Tumpa jupi wae ko. Jare jae ndarau etei iñakañɨ oï jokua mbaembae piyapo chupe wae wi jare kërái jeta ma pemborɨ ïru hermano Cristo re wɨrowia wae reta. Echa’ä pemborɨ yawe ïru hermano reta, jukuärái uyekuaata peau ko peï Tumpa, jare jae ndarau iñakañɨ oï jokua wi.

1 Juan 1:7

Erëi Tumpa ko jae arakuaa iYa, jare jokua arakuaa ko jae pëti tembipe rami yandewe. Jare yande yaiko yawe jokua arakuaa Tumpa umee yandewe wae rupi, jayawe yande ñañemɨïru kawita päwe rewe. Jare yandeRu Tumpa Taɨ Jesucristo juwɨ uyepɨyere wae jekuaeño yandeyoe oï Tumpa kotɨ. Echa’ä umbái oï yandewi mbaembae yayawɨ Tumpa kotɨ wae.

Apocalipsis 15:3

Jare jae reta ukäta Moisés ikäta pe jare Owecha kuimbae taurusu wae ikäta pe. Ukäta reta kuärái: “OreYa Tumpa, nde opaetei mbaepuere nenoi. ¡Nderembiapo reta ikawiete jare orembɨpɨakañɨete! Nde ko jae opaete wae imburuwicha wasurä jaeño mái pewa. Jare opaete nde ndiyapo wae jupi ko jare añetete ko.