1 Juan 1:8 - Biblia

⁸ Erëi yande yae yawe, “Che ayawɨ'ä etei ko aï Tumpa kotɨ,” jayawe yandei yayembɨtawɨ ko ñaï. Yaikuaa’ä etei añetete wae.

Guaraní Pe (Western): Simba

⁸ Yae yave yandeyoa'ã co, yayembɨtavɨ co. Yae'ã etei co añete vae.

1 Juan 1:8 Iomraidhean Croise

Isaías 53:6

Yande ko jae owecha opa uñemɨái wae reta rami, echa’ä yaipota yaiko yande yae wae rupiño. Erëitu Tumpa uitɨ kua kuimbae re teko yanderé iko wae.

San Juan 8:44

“Añawasu ko jae peru. Jare jokua mbaembae jae uipota uyapo wae, jokua nunga etei ko pe reta pipota piyapo peï wi. Añawasu iyɨpɨ wiwe upuruyuka wae ko. Jare jae opa ueya mbaembae jupi wae, echa’ä jae ko mbaembae kachi wae iya. Jare jae iyapu yawe, jae etei uyekuaaka oï, echa’ä jae ko iyapu wae jare jae etei ko apu iya,” jei chupe reta.

Romanos 3:10

Jukuärái jei wi Tumpa iñeerɨru pe, echa’ä uyekuatía oï joko pe kuärái: “Mbaetɨ ko pëti awe jeko mbae wae.

Romanos 3:23

Echa’ä opaete wae yayawɨ ma ko Tumpa kotɨ, jare ndarau etei yandepuere yaepitɨ jae jeko jupiete ye wae.

1 Corintios 3:18

Awɨye piyembɨtawɨka. Ime yawe kía pepɨte rupi iyarakuaa katu echa iyupe wae, erëi jae iyarakuaa kua ɨwɨ pewaño ko yawe, tueya jokua arakuaa. Tumaeño Cristo re wɨrowia mbae wae reta re umae waerä jese iyarakuaa mbae wae echa. Jukuärái Tumpa umaeta jese iyarakuaa katu wae ko.

Gálatas 6:3

Erëi ime yawe kía uyererowia katu jokua teko kachi pe oa wae wi, jae uyembɨtawɨ ko oï. Echa’ä jae mbae’ä ko.

1 Timoteo 6:5

Jokua nunga reta uyeakaiño jae yepái. Ipɨayemɨngeta jupi’ä ma ko, jare uikuaa’ä etei reta añetete wae. Jare jae reta oporomboe tëi kuärái: “Tumpa re yarowia kawi ramo, yaikokatuta.” Jukuärái jei tëi reta.

2 Timoteo 3:13

Erëi jeko pochɨ wae reta jare upurumbɨtawɨ wae reta jeieteta uyapo reta mbaembae ikawi mbae wae. Jae reta jekuaeño umbɨtawɨta ïru wae reta, jare jae reta uyembɨtawɨkata wi.

Santiago 1:22

Erëi awɨye mii piyanduiño Tumpa iñee. Imeta ko piyapo wi. Echa’ä piyanduiño yawe Tumpa iñee, piyembɨtawɨ ko peï.

Santiago 1:26

Ime yawe kía jei tëi iyupe “Che ayeyokui Tumpa pe” wae, erëi jae mbaetɨ uyandareko yawe iñee re jare ipotaweño uyemɨngeta, jayawe jae uyembɨtawɨño ko oï. Jare jokua mbaembae jae wɨrowia tëi uyapo Tumpa pewarä wae mbae’ä etei ko. Jae mbaetɨ yepe uyeyokui oï Tumpa pe.

Santiago 3:2

Jare opaete yande reta yayawɨñoi ko jeta kërái rái rupi. Erëi ime yawe kía mbaetɨ uyawɨ iñee rupi wae, jae ko jeko jupi wae. Jare jae ipuere uyandareko kawi wi opaete jete re awɨye waerä uyawɨ Tumpa kotɨ.

2 Pedro 2:13

Echa’ä Tumpa tuicha uiporarakata oï chupe reta jae reta mbae ikawi mbae wae uyapo reta ramo. Echa’ä jae reta ikatu pe etei uyapo mbaembae kachi wae. Ikaruete reta jare ikause reta. Jae nunga wi jae reta uyembatɨ jare ukaru pe reta ndiwe peïru reta rami. Erëi jae reta pembɨtawɨ ñonoï. Jokua pëti ñemɨmaraka ko pemaerä.

1 Juan 1:10

Erëi yande yae yawe, “Che ayawɨ'ä etei ko Tumpa kotɨ,” jayawe yae ñaï tëi Tumpa pe iyapu wae ko jare yaechaka ñaï yarowia’ä ko Tumpa iñee re añetete pewa.

1 Juan 1:6

Jayawe yande reta yae yawe, “Che añemɨïru kawi aï Tumpa ndiwe,” yae yawe, erëi yandereko jekuaeño kachi oï yawe, yandapu ko. Jokua ko jae pɨ̈tumimbi pe jekuaeño ñaï wae rami, echa’ä mbaetɨ ko yaiko añetete wae rupi.

1 Juan 2:4

Ipuere ko kía jei iyupe, “Che aikuaa ko Tumpa,” jei. Erëi jae uyapo’ä yawe Tumpa jei wae rupi, iyapu ko. Iko’ä etei ko añetete wae rupi.

1 Juan 4:20

Erëi ime yawe kía jei, “Che au Tumpa,” erëi uñamɨtäa yawe ïru hermano, jayawe iyapu ko oï. Echa’ä yaau’ä yawe ïru hermano yaecha ñanoi wae, jayawe ¿këraita pa yandepuere yaau Tumpa yaecha’ä ñaï wae? Ndarau yandepuere.

2 Juan 1:2

Kua ñee añetete wae jekuaeño oï yandepɨa pe jare jekuaeño oïta yande ndiwe jaeño mái pewa. Jare jokua ñee nduikuaa ramo, ore puau.

3 Juan 1:3

Che ayerowiaete aï, echa’ä amokue yanderɨwɨ reta yuweru kua pe imiäri chewe kërái nde jekuaeño ndiko añetete wae rupi. Jare che aikuaa jokua añetete ko.