1 Juan 1:6 - Biblia

⁶ Jayawe yande reta yae yawe, “Che añemɨïru kawi aï Tumpa ndiwe,” yae yawe, erëi yandereko jekuaeño kachi oï yawe, yandapu ko. Jokua ko jae pɨ̈tumimbi pe jekuaeño ñaï wae rami, echa’ä mbaetɨ ko yaiko añetete wae rupi.

Guaraní Pe (Western): Simba

⁶ Aramoi yae ñañemɨĩru ma co jae ndive. Ẽrei yaico yave pɨ̃tumimbi oĩ vae pe yugüɨreco vae rami, yandeapu co. Yaico'ã co añete vae rupi.

1 Juan 1:6 Iomraidhean Croise

San Mateo 7:22

“Jokua ara uwäe yawe, jeta wae reta jeita tëi chewe: ‘CheYa mii, ore jupi ko nduiko waerä nde ndiwe, echa’ä ore numɨmbeu Tumpa iñee nderee re. Jare nderee re nomoë aña reta uyembɨiya jese wae reta wi. Jare nembaepuere rupi nduyapo jeta mbaembae kuimbae reta ipuere’ä uyapo wae.’ Jukuärái jeita tëi chewe reta.

San Juan 11:10

“Erëi pɨ̈tu yawe uwata wae ipɨsapäata ipotawe mbae re, echa’ä mbaetɨ uwata oï tembipe pe.”

San Juan 12:35

Jayawe Jesús jei chupe reta umbɨjaanga rewe: “Tembipe imeñota oï pe reta ndiwe michi pewaeño. Jáeramo pemaeño kua tembipe re umbɨembipe waerä pepɨa pe. Jukuärái ndarau pepɨranoe pewa pɨ̈tu pewe. Echa’ä pɨ̈tumimbi pe uwata wae reta jopa ñonoï jare uikuaa’ä ketɨ ra yuraa ñonoï wae,” jei chupe reta.

San Juan 12:46

“Che ayu ko ambɨembipe waerä ɨwɨ pewa reta ipɨa pe. Jare jukuärái ipotawe kía cheré wɨrowia wae ndarau iko pɨ̈tumimbi pe,” jei.

San Juan 8:12

Jayawe Jesús umbɨpɨ ye omboe joko pe ñonoï wae reta: “Che ko jae tembipe rami ɨwɨ pewa reta pe, echa’ä aikuaaka chupe reta añetete wae Tumpa rewa. Jare ipotawe kía che ndiwe oï wae ndarau ye ma iko pɨ̈tumimbi pe rami. Echa’ä che amee chupe tekowe ipɨau wae jare opa mbae wae, jare jokua ko tembipe rami chupe,” jei chupe reta.

San Juan 8:55

Erëitu pe reta pikuaa’ä Tumpa. Che aikuaa ko. Che jae yawe, ‘Aikuaa’ä,’ chaputa tëi ko pe reta papu rami. Erëi che aikuaa ko, jare ayapo aï jae jei wae rupi,” jei chupe reta.

1 Timoteo 4:2

Kua yemboe kachi wae uyekuaa oï oporomboeraanga wae reta rupi. Jae reta iyapu wae reta ko, jare uyeyokui reta añetete wae nunga Tumpa pe. Ipɨa umbɨjeko’ä ma reta mbae re awe ɨma ma ipɨatäta reta ramo.

Santiago 2:14

Hermano mii reta, ipuere ko kía jei: “Che arowia Cristo re.” Erëi jokua nunga uyapo’ä yawe mbaembae ikawi wae, jokua jae jei wae ikawi’ä maeräwe jare ndarau ipuere uepɨ.

Santiago 2:16

jare pe reta mbaetɨ pemborɨ peï – jaeño pere chupe, “Tumpa tumae kawi nderé. Iyandareko kawi ndiyé kuri,” pere chupe yawe? Jokua mbae’ä etei ko chupe waerä.

Santiago 2:18

Erëi aramoi kía jeita chewe: “Mbaetɨ yambɨyerowia Tumpa oyowake rupi. Amokue wae reta jaeño wɨrowia Tumpa re, jare ïru wae reta jae nunga wi uyapo mbaembae ikawi wae. Erëi mokui rewe umbɨyerowia ñonoï Tumpa.” Jukuärái ipuere kía jei tëi chewe aramoi. Erëi che tae jukuärái uyemɨngeta wae pe kuärái: Yaecha echaka chewe nderowia Tumpa re wae mbaembae ikawi wae ndiyapo mbae rewe. Ndarau etei ndepuere. Erëi chemaerä, che aechakata ndewe arowia Tumpa re wae mbaembae ikawi wae ayapo wae rupi. Jukuärái che jae.

1 Juan 1:10

Erëi yande yae yawe, “Che ayawɨ'ä etei ko Tumpa kotɨ,” jayawe yae ñaï tëi Tumpa pe iyapu wae ko jare yaechaka ñaï yarowia’ä ko Tumpa iñee re añetete pewa.

1 Juan 1:3

Kua mbaembae nduecha wae jare nduyandu wae nduikuaaka noï pewe, pe reta wi perowia jese waerä. Jare jukuärái yandepuere waerä ñañemɨïru kawi päwe rewe yandeRu Tumpa ndiwe jare Taɨ Jesucristo ndiwe.

1 Juan 1:8

Erëi yande yae yawe, “Che ayawɨ'ä etei ko aï Tumpa kotɨ,” jayawe yandei yayembɨtawɨ ko ñaï. Yaikuaa’ä etei añetete wae.

1 Juan 2:4

Ipuere ko kía jei iyupe, “Che aikuaa ko Tumpa,” jei. Erëi jae uyapo’ä yawe Tumpa jei wae rupi, iyapu ko. Iko’ä etei ko añetete wae rupi.

1 Juan 4:20

Erëi ime yawe kía jei, “Che au Tumpa,” erëi uñamɨtäa yawe ïru hermano, jayawe iyapu ko oï. Echa’ä yaau’ä yawe ïru hermano yaecha ñanoi wae, jayawe ¿këraita pa yandepuere yaau Tumpa yaecha’ä ñaï wae? Ndarau yandepuere.