1 Juan 1:3 - Biblia

³ Kua mbaembae nduecha wae jare nduyandu wae nduikuaaka noï pewe, pe reta wi perowia jese waerä. Jare jukuärái yandepuere waerä ñañemɨïru kawi päwe rewe yandeRu Tumpa ndiwe jare Taɨ Jesucristo ndiwe.

Guaraní Pe (Western): Simba

³ Numɨmbeu peve nduecha jare nduyandu vae, pe reta vi piñemɨĩru vaerã ore ndive. Añetete ñañemɨĩru ma yandeRu Tumpa jare Taɨ Jesucristo ndive.

1 Juan 1:3 Iomraidhean Croise

San Juan 17:11

“CheRu jupiete ye wae, che mbaetɨta ma jekuaeño aï kua ɨwɨ pe, echa’ä a yeta ma aï ndepɨ ramo. Erëi kua kuimbae mii reta upɨtañota kua ɨwɨ pe. Jáeramo aeka aï ndewe ndiyandareko kawi waerä jese reta nembaepuere rupi – jokua nunga mbaepuere nde nemee chewe wi,” jei. “Iyandareko jese reta, jae reta yureko waerä pëti ramiño kërái yande pëti ramiño ñaï rami,” jei.

San Juan 17:21

“Ayerure aï ndewe opaete jae reta yureko waerä pëti ramiño. Echa’ä jukuärái ko yande ñaï. Nde jare che pëti ramiño ko ñaï yandiyé. Jare jukuärái wi jae reta tuiko pëti ramiño yanderé. Jukuärái, cheRu mii, kua aeka ndewe ndiyapo waerä kua ɨwɨ pewa reta wɨrowia waerä nde ko chembou wae,” jei.

San Juan 17:25

“CheRu jupiete ye wae, kua ɨwɨ pewa reta ndekuaa’ä. Erëi che ndukuaaño mái. Jare kua cheremimboe reta uikuaa nde ko chembou wae,” jei.

San Juan 17:3

“Jare ¿mbae ra jokua tekowe opa mbae? Nde ko jae pëtiño Tumpa añetete wae, jare che ko jae Jesucristo nde chembou wae. Tayandekuaa reta. Jokua ko jae tekowe opa mbae wae,” jei.

San Juan 19:35

Yande yaikuaa ñaï kua mbaembae añetete ko, echa’ä ime kía uecha wae. Jare jae umɨmbeu ma kua mbaembae rewa, pe reta pepuere perowia waerä wi.

Hechos 13:32

“Jae nunga ore wi numɨmbeu noï pewe kua ñee ikawi wae Upuruepɨ wae rewa. Jae ko kua: Opaete Tumpa jei arakae yanderamɨkue reta pe jae uyapota iko wae,

Hechos 13:41

‘Tumpa jei: ‘Mase, pe chererɨ̈ro wae reta pepɨakañɨta, echa’ä che aiporarakata aï pewe jaeño mái pewa. Yepe tëi kía umɨmbeu pewe kërái aiporarakata aï pewe wae, erëi jesewe pe reta ndarau perowia jese,’ jei Tumpa.’ Jukuärái uyekuatía oï,” jei Pablo chupe reta.

Hechos 2:42

Joko wiwe opaete Cristo re wɨrowia wae reta ikɨrëɨ rewe uyemboe reta Jesús jemimboe tenondewaete reta oporomboe wae re. Jae reta jekuaeño uñemɨïru kawi. Jare uyembatɨ reta tëta tëta rupi uyerure reta waerä Tumpa pe, jare uyemɨmandúa reta waerä yandeYa Jesús imano re mbɨyape jare copa wi jou reta wae rupi.

Hechos 4:20

“Echa’ä ore imeta ko jekuaeño numɨmbeu ïru wae reta pe ore nduecha wae jare nduyandu wae,” jei chupe reta.

Romanos 15:27

Jae reta uecha kua ikawi uyapo reta waerä. Jare añetete ikawi ko jukuärái uyapo reta waerä, echa’ä jae reta ipía wae reta rami ko judío reta pe. Echa’ä judío reta rupi ko ou ma judío mbae wae reta pe mbaembae ikawiete wae Tumpa pewa. Jáeramo ikawi ko jae reta umɨñatima waerä judío reta pe yemborɨ kua ɨwɨ pewa pɨpe.

1 Corintios 1:30

Pe retái piyeyapo’ä ko pëti ramiño Jesucristo re. Tumpa ko uyapo jokua mbae. Jare Cristo rupi Tumpa uikuaaka yandewe iyarakuaa. Echa’ä Cristo uyapo wae rupi opa ma uyembɨepɨ teko yareko wae, jare jukuärái Tumpa umae yanderé yandereko mbae wae rami jare ñaneñono tee jae imaerä.

1 Corintios 1:9

Jare pe reta pepuere perowia katu Tumpa re uyapo waerä pewe jukuärái, echa’ä jae etei ko pereni piñemɨïru kawi waerä Taɨ yandeYa Jesucristo ndiwe. Jare Tumpa ndarau uyawɨ oï pewe.

1 Corintios 15:1

Añawe hermano mii reta, aipota pumɨmandúa ñee ikawi wae amɨmbeu pewe wae re. Jokua ñee re ko pe reta perowia, jare piñemɨmɨräta ma jese täta.

2 Corintios 13:14

YandeYa Jesucristo jekuaeño tipɨakawi pewe. Jare yandeRu Tumpa jekuaeño tuechaka pewe perau wae. Jare jae nunga wi Espíritu Santo jekuaeño tuñemɨïru kawi opaete pe reta ndiwe. Jukuärái tuiko.

Efesios 3:6

Jare Tumpa ipɨayemɨngeta ko kua: Judío jare judío mbae Cristo re wɨrowia wae reta jae ma ko Tumpa taɨ jare tayɨ reta. Jae reta ñonoï ma ko pëti ramiño Cristo re jare oyowakeño onoita imaerä opaete mbaembae ikawiete wae Tumpa umeeta oï taɨ reta pe wae.

Filipenses 1:7

Che jupi ko ayemɨngeta waerä kuärái peré, echa’ä che puauete ramo. Jae nunga wi yayekou ñaï päwe rewe Tumpa ipɨakawi re. Echa’ä jae umaeño ma yanderé yaparawɨkɨ waerä pëti ramiño ñee ikawi wae uñemɨái waerä. Echa’ä che amɨmbeu aï ñee ikawi wae jare aikuaaka aï chupe reta kërái jokua ñee añetete wae ko. Jare pe reta chemborɨ peï chepuere waerä ayapo jukuärái. Jare jokuaño’ä ko. Jae nunga wi, yepe tëi che peresorɨru pe aï, erëitu pe reta jekuaeño chemborɨ peï.

Filipenses 2:1

Jayawe cheïru mii reta, ¿piñemɨkɨrëɨ ra peï pëti ramiño Cristo re peï ramo? ¿Pembɨpɨakatu ra oï Cristo perau wae? ¿Piñemɨïru ra peï Espíritu Santo ndiwe? ¿Pikuaa ma ra peï añawe Cristo perau jare peparareko oï wae?

Filipenses 3:10

Che aipota aikuaa kawi Cristo. Jare jokua mbaepuere Tumpa uiporu umbɨjekowe ye waerä Cristo wae, jokua mbaepuere aipota uparawɨkɨ waerä che rupi wi. Jare yepe tëi aramoi aiporarata jare amanota Cristo rami, erëi aipota aiko wi Cristo rami.

Colosenses 1:13

Echa’ä yandeRu Tumpa yanderepɨ ma Añawasu imbaepuere wi jare ñaneñono ma Taɨ imbaepuere pe. Tumpa uauete Taɨ, jare añawe uyapo ma yandewe ñaï waerä Taɨ ndiwe Taɨ oï ma yawe opaete wae imburuwicha wasurä jaeño mái pewa.

1 Tesalonicenses 1:10

Jare imiäri reta orewe wi kërái añawe peäro peï Tumpa Taɨ ou ye waerä ara wi – jae ko Jesús. YandeRu Tumpa umbɨjekowe ye ueru umanokue wae reta ipɨte wi. Jare Jesús ko yanderepɨ Tumpa iarasɨ outa oï wae wi.

1 Timoteo 6:2

Jare ipatrón Cristo re wɨrowia wae ko yawe, jekuaeño tuipɨu reta chuwi. Tuyeyokui kawiete reta chupe, echa’ä ipatrón wi ko jae Cristo re wɨrowia wae Tumpa uau wae. Awɨye tuyemɨngeta reta kuärái: “Yande ñaï ma hermanorä Cristo re yarowia ramo. Jáeramo ayeyokuita’ä ma ndewe.” Jayawe kua mbaembae re eporomboe jare epurumbɨarakuaa wi.

Hebreos 2:12

Echa’ä yamɨngeta Tumpa iñeerɨru pe kërái Jesús jei Tu pe kuärái: “Che aikuaakata cherɨwɨ reta pe jare cherindɨ reta pe nde rewa. Ambutuichata nderee akäta wae pɨpe nderé wɨrowia wae reta uyembatɨ ñonoï wae rupi.” Jukuärái jei.

Hebreos 3:1

Cherëtara mii reta, Tumpa etei peñono tee jae imaerä jare peparawo jae ndiwe piko waerä ara pe. Jáeramo pepɨayemɨngeta toï añetete rewe Jesucristo kotɨ. Jae ko yandeRu Tumpa ombou wae, jare jae ko yandesacerdote tenondewaete yamɨmbeu ïru wae reta pe wae.

Hebreos 3:14

Yanemandúa kawi ñaï kërái yarowia katu Cristo re jaeramo yarowia jese yawe. Jukuärái wi jekuaeño yarowia katu jese ara taɨkuewa uwäe rewa. Echa’ä jukuärái yayapo yawe, uyekuaata añetete ñanoi ma ko tekowe Cristo ndiwe.

1 Pedro 5:1

Añawe pe Cristo re perowia piko wae reta, che aipota ambɨarakuaa petenondewa reta kuärái: Che ko jae peparawɨkɨ ïru. Jare che aecha cheresa pe etei kërái Cristo uiporara yanderé. Jare Cristo ou ye yawe imbaepuere jembipete rewe, che wi ayerowiata pe reta ndiwe. Jáeramo che pumɨñera

2 Pedro 1:16

Ore numɨmbeu ma ko pewe kërái yandeYa Jesucristo ou yeta oï imbaepuere jembipete rewe. Erëi jukuärái numɨmbeu pewe yawe, numɨmbeu’ä ko pewe ore ndoe waeño. Ore nduecha oreresa pe etei yandeYa imbaepuere jembipete wae.

1 Juan 1:1

Cheïru mii reta, aikuatía aï pewe jae ko jee Ñee wae rewa. Jae ikoño mái iyɨpɨ wiwe. Ore reta nduyandu jare nduecha oreresa pe etei. Numae jese jare nduipɨsɨ wi orepo pe etei. Jae ko tekowe iYa etei.

1 Juan 1:5

Ore numɨmbeu noï pewe ñee Jesucristo etei uikuaaka orewe wae. Jae ko kua: Tumpa jupiete ye wae ko jare ndaraúi uyapo mbae ikawi mbae wae. Jae ko pëti tembipe umbɨembipe pɨ̈tumimbi pe wae rami.

1 Juan 1:7

Erëi Tumpa ko jae arakuaa iYa, jare jokua arakuaa ko jae pëti tembipe rami yandewe. Jare yande yaiko yawe jokua arakuaa Tumpa umee yandewe wae rupi, jayawe yande ñañemɨïru kawita päwe rewe. Jare yandeRu Tumpa Taɨ Jesucristo juwɨ uyepɨyere wae jekuaeño yandeyoe oï Tumpa kotɨ. Echa’ä umbái oï yandewi mbaembae yayawɨ Tumpa kotɨ wae.