1 Corintios 8:3 - Biblia

³ Erëi kía uau Tumpa wae, Tumpa uikuaa oï kía ko jae wae.

Guaraní Pe (Western): Simba

³ Ẽrei ime yave quía uau Tumpa vae, Tumpa uicuaa cua nunga.

1 Corintios 8:3 Iomraidhean Croise

2 Timoteo 2:19

Erëi yepe tëi ime amokue wae reta opia ma Tumpa iñee añetete wae wi, erëi jesewe yemboe añetete wae Tumpa wi ou wae imeño ipɨrätaete jare uyepepɨka’ä etei. Jae ko pëti tëta iwapɨka ikawiete wae ita pewa rami. Jare kua yemboe iyɨpɨ ko kuärái: “Tumpa uikuaa kawi oï opaete kía jae imaerä iko wae reta,” jare, “Ipotawe kía jei, ‘Jesucristo ko jae cheYa,’ jei wae, tusɨrɨ ikawi mbae wae wi.” Jukuärái ko kua yemboe iyɨpɨ.

1 Corintios 2:9

Erëi ¿këraita ra ipuere uikuaa reta? Echa’ä Tumpa iñeerɨru pe jei yandewe kuärái: “Tumpa uyapɨkatu ma mbaembae ikawiete ye ye wae kía kía uau Tumpa wae reta pewarä. Erëi mbaetɨi kiawe uecha jare uyandu jokua mbaembae rewa wae. Jare mbaetɨi wi kiawe ipɨa pe yepe uyemɨngeta jese wae, echa’ä ikawiete ye ye wae ko.” Jukuärái uyekuatía oï.

Gálatas 4:9

Erëi añawe pikuaa ma ko Tumpa – ani ikawiete yae waerä chupe Tumpa pekuaa ma. ¿Kërái ramo jayawe pipota piyerowa ye peï chuwi? ¿Maera pa pipota piyapo ye mbaembae ipuere’ä pemborɨ piyembujupika waerä Tumpa kotɨ? ¿Pipota yerá piko ye jokua mbaembae imbaepuere pe?

Apocalipsis 2:19

Jare che tae Tiatira pewa cheré wɨrowia wae reta pe kuärái: Che aikuaa opaete mbae piyapo wae jare kërái perowia kawi cheré wae. Aikuaa wi pepuruau, pepɨawasu, jare kërái piyeyokui chewe wae. Jare aikuaa wi añawe peparawɨkɨ chewe wae jetaete piyapo tenonde piyapo wae wi. Opaete kua ikawi ko.

Santiago 1:12

Uyekouta oï kía umɨawäta yembɨawái reta ipɨawasu rewe wae. Echa’ä jukuärái rupi uyekuaata jae wɨrowia ma ko Tumpa re añetete rewe. Jare Tumpa umɨñatimata oï chupe kuri corona tekowe pewa. Jukuärái yaikuaa uyeyapota oï, echa’ä jukuärái Tumpa jei uyapota oï opaete uau reta wae pe.

San Juan 10:14

“Che ko jae owecha reta iyandarekoa ikawi wae rami. Echa’ä aikuaa kawi kía kía ko cheowecha reta wae, jare jae reta chekuaa kawi wi.

San Mateo 7:23

Erëi che jaeta chupe reta: ‘Che pukuaa’ä etei ko. Pesɨrɨ chewi, pe pereko kachi wae reta.’ Jukuärái jaeta chupe reta,” jei Jesús.

1 Juan 4:19

Yande yaau ko Tumpa, echa’ä jae rani yanderau ramo.

Apocalipsis 2:9

Jare che tae Esmirna pewa cheré wɨrowia wae reta pe kuärái: Che aikuaa opaete mbae piyapo wae, jare kërái piporara jare peparawete (erëi añetete pikokatu peï Tumpa kotɨ). Aikuaa wi jei ñonoï ñee kachi pekotɨ jokua judío jei tëi iyupe wae reta. Jae reta uyererowia tëi Tumpa pewa reta ko, erëi jukuärai’ä ko. Jae reta ko uyembatɨ Satanás jee re uikuaa mbae rewe.

1 Pedro 1:8

Yepe tëi pecha’ä Jesucristo, erëi jesewe pe reta peau ko. Jare yepe tëi añawe ndeiño pecha, erëi perowia ma jese, jare penoi ko yerowia tuichaete wae yandepuere rape’ä ñanemiäri jese wae.

Apocalipsis 2:13

Jare che tae Pérgamo pewa cheré wɨrowia wae reta pe kuärái: Che aikuaa opaete mbae piyapo wae. Jare aikuaa wi Satanás ime onoi iwapɨa mburuwicha wasu pewa perëta wasu pe. Erëi pe reta jekuaeño perowia peï cheré jare chekuaku’ä. Chemandúa wi Antipas re. Jae jekuaeño umɨmbeu kawi iko che rewa, jare jokua jeko pewa perëtáɨwa reta uyuka. Echa’ä añetete Satanás ime onoi jetaete mbaepuere joko pe. Erëitu jokua ara reta rupi awe peya’ä perowia cheré wae, yepe tëi yawaiete pewe. Kua ikawi ko.

San Juan 21:17

Jare jei ye chupe mbapɨ wese ma: “Simón, Jonás taɨ, ¿cherau pa?” Añawe Pedro ipɨatɨtɨ, echa’ä mbapɨ wese ma Jesús upɨrandu chupe uau ra wae. Jayawe jei ye Jesús pe: “CheYa, nde ndikuaa opaete. Nde ndikuaa kawi che nduau ko,” jei chupe. Jare Jesús jei ye chupe: “Emɨngaru cheowecha mii reta,” jei chupe.

Santiago 2:5

Mase, hermano puau mii reta, ¿kía ra ko jae wɨrowia kawi Tumpa re wae reta? Jae ko iparawete wae reta. Jáeramo Tumpa uiparawo ma jae reta ikokatu waerä Tumpa kotɨ. Añetete jae reta uyekouta ñonoï Tumpa imbaepuere mburuwicha wasu pewa re jaeño mái pewa. Echa’ä jae reta uau Tumpa jare Tumpa jei ma kuärái: “Opaete cherau wae reta, che aïta chupe reta imburuwicha wasurä,” jei.

Romanos 11:2

Jáeramo Tumpa mbaetɨ orererɨ̈ro opaete ore judiorä nduiko wae reta. Amokue ore reta, iyɨpɨ wiwe Tumpa orekuaaño mái jare oreparawo ore nduiko waerä jae imaerä. Yanemandúa kawi ñaï wi Elías rewa. Tumpa iñeerɨru pe uikuaaka yandewe kërái arakaete Elías iyengeta jëtáɨwa Israel iñemoñaa reta kotɨ Tumpa jowai kuärái:

1 Corintios 13:12

Jae ramiño wi añawe rupi yandearakuaa Tumpa pewa uata oï kërái pëti sambiaɨ ndei iyarakuaa rami. Yande ko jae kía umae oï iyé pëti yechaka jäwe oï wae pɨpe wae rami. Erëi pëti ara, jokua jupiete ye wae ou ma uwäe yawe, yandearakuaa ikota jupi rupi kërái yande reta ñamae koiño kía re rami. Jare jayawe ramo yaikuaa kawita Tumpa kërái jae yandekuaa kawi wae rami. Jare jokua ara wiwe ndarau ma yaiporu mbaepuere reta Tumpa añawe umee yandewe wae.

1 Juan 4:7

Cheïru puau wae reta, jekuaeño yayerauta ko päwe rewe, echa’ä jokua ou Tumpa wi ramo. Ime kía Tumpa uyapo taɨrä wae jare uikuaa Tumpa wae, upuruauta oï.