1 Corintios 4:3 - Biblia

³ Jayawe mbae’ä ko chewe pe reta pere cheparawɨkɨ rewa wae, ikawi ra ani ikawi’ä ra oï wae. Jae nunga wi ipotawe kía nunga cheparawɨkɨ rewa jei wae, mbae’ä ko chewe wi. Jare che awe wi jae’ä cheparawɨkɨ ikawi ra ani ikawi’ä ra.

Guaraní Pe (Western): Simba

³ Ẽrei pe reta cherãa yave ani ĩru vae reta cherãa yave, mbae'ã co cheve. Che añeãa'ã vi.

1 Corintios 4:3 Iomraidhean Croise

San Juan 7:24

“Awɨye pepurumbɨjeko wɨrae kërái mbae pecha wae rupiño. Pikuaa kawi ranita ko pepurumbɨjeko waerä,” jei Jesús chupe reta.

1 Corintios 2:15

Jare jokua Espíritu Santo onoi wae reta ipuere uikuaa kawi ipotawe mbaembae rewa, jare ipuere jei reta ikawi oï ani ikawi’ä oï wae. Erëi ïru wae reta ndarau ipuere uyapo jukuärái. Jae reta ndaraúi ipuere ikawi umae Cristo re wɨrowia wae reta ipɨayemɨngeta re ikawi ra ani ikawi’ä ra wae.

1 Corintios 3:13

Jare uwäeta oï ara opaete yande reta yayemboɨ waerä Tumpa jowai jae umɨñatima waerä yandewe kërái mbarawɨkɨ chupe yayapo wae re. Jokua ara oïta kërái tëta pëti pëti yande yayapo wae uasata oï tata rupi wae rami. Jare jukuärái uyekuaata oï yandeparawɨkɨ Tumpa pe yayapo wae ikawi ra ani ikawi’ä ra.

1 Corintios 4:2

Jare yaikuaa ñaï pëti uyeyokui wae iya oyokui yawe, imeta ko uyapo jupi iya jei chupe wae rupi. Echa’ä jaeño iya jowai uyemboɨta oï kuri iya jei waerä iparawɨkɨ re.

1 Corintios 4:4

Echa’ä aikuaa aï yepe tëi chemaerä jupi ayapo aï mbarawɨkɨ Tumpa umee chewe wae, erëi jokua uipota’ä jei jupi ko ayapo mbarawɨkɨ. Jaeño yandeYa jeita oï cheparawɨkɨ ikawi ra oï ani ikawi’ä ra oï wae.

1 Samuel 16:7

Erëi Tumpa jei Samuel pe: “Awɨye emae imaepöra wae re ani ipuku wae re, echa’ä che arɨ̈ro ma Eliab. Che amae’ä ɨwɨ pewa reta umae wae rami. Opaete wae umae jae reta jowai oï wae reño, erëi che amae ipɨa re,” jei chupe.