Yuda 1:4 - Bible Zulgo

⁴ I tsik taŋa ka, aɗaba gà asiŋ gà mburma ana tə sər Mbulum tsiye, tàa lèlekwera nda wirwir a lìlikw lìlikw a liwiŋ mayahaba gər kurum gà mburma Mbulum a. Gà mburma ata ka, gà ŋgwal ŋa tsa. Aɗaba tar riŋ ti yehe a vatwa aà məmbə̀ɗà à ŋgwal Mbulum ana a ge a kwa ya. Ta gwa: Mbulum aka vəl a mər vatwa aà mege dukw ana a sàs a mər a. Ku mege bakal awara tekeɗe ka, mìi ziwe ahər a gər mər pəra. Kamala taŋa ya, ti niw Yesuw Kiristi ana ŋgat ilik Əbay kwa ana a kwere a kwa mbaŋa ya. Akahər ata piŋŋe ta wetse i wakita Mbulum ka, ta gwa, meme na seriye Mbulum a ta gis a gà medzibe gà mburma ata ya.

Yuda 1:4 Iomraidhean Croise

Mata 13:25

Aləka hawa a ge ka, a da a ma. I dəba ŋa ya ka, həvəɗ a ge, aləka, gà mburma tserdze ika mendze are ka, mala swalwa ŋgar a daha, a sliger aɗəm tìzèmiŋ. Ama a slige aba ya ka, a daba.

Yuhana 17:3

Wur ana aka ŋgat mesife ana à ndìv a tsiye ka, a sər, kər na Mbulum ndzer a, dite a sər, iye Yesuw Kiristi ana kà slərra iye ya mbaŋa.

Gà Ɓəzla Meslire 11:23

Aləka a ndzeha a fata, a ŋgat a Mbulum a pise ahəm a gà mburma ata ya ka, a ŋgaya ba hinne, a mà taraha à arəv tserdze, aà megìse tar ana ta gəs BATSAH kwa ŋa ya, ma da aka miɗ aka miɗ nda gəzləŋ ilik, ta miyak dər tsa.

Gà Ɓəzla Meslire 15:24

Mi tsaraka ka, gà mìsle ŋgiɗ pam tàa daha i təv mər a, tàa wise a kurum à gər nda bazlam hinne, tàa dza à kurum magəɗa. Ama bazlam tar ata ka, mər tsa na a slər dərraha tar a. Tar ŋa ta walabaha gər dukw tar.

GALATIYA 2:4

Ama gà mburma ana ta ge a duwa ka, nda pàrsa ya, tə dawaha aka magər tar, ta gwa, say mà sàs ba. Tə daha aka magər tar ka, sereh sèrèh sereh sereh nda wirwir, aà masamata vatwa kwa ana ki ziwekwe a dər gər kwa ya, aɗaba ana kwa mandza ŋa i təv ilik ŋa nda gà Yesuw Kiristi ya. A sàs a tar ka, na ki nekwe a gà ɓele məpala ahəm gà Yahuda asa ya.

GALATIYA 5:13

Gà damər gà, Mbulum a zal a kurum ka, dite ki ndzwim a nda mezìwè gà gər kurum, kàa beywim à məpala ahəm Musa ya. Na ki ziwim a gər kurum kamala taŋa ya ka, ka ta gwaɗum, mìi gewe a dukw ana ba mər a waya pəra ɓav tsa. Seyiŋ tsa, wayum ba ika magər kurum ilik ilik tserdze, dite ki geywim ba meslire ika magər kurum tserdze asa mbaŋa.

EFESIYA 4:14

Na kàa simekwa kataya ka, kwa gà ɓəza ndirkiz asa tsa. Gà ɓəzla pàrsa ana ta pasawa za a mburma nda wirwir a tekeɗe, ti sle a aà mendze a kwa a vatwa nda medzeŋge pàrsa tar asa tsa. Medzeŋge tar ata ka, à dzèdzeye a à mburma kamala himbiɗ ana kəzlah kəzlah à sìweye a à slə̀làh yam ika gər yam a. Ama kinehe ka, tsàhakwa, na dite a sle aà kwe a kataya asa tsiye.

1 TIMUTE 5:8

Na wur ana a ge a gər a gà mburma ŋgar tsəka, ŋgwal ŋa tsa. Ndeyndey ŋa ka, wur ana a ge a gər a ga mburma ana i ga i ma ŋgar a tsiye. Taŋa ka, ŋgwìɗik aka miyak à bazlam Yesuw ana kə̀ gə̀sakwa ya. Ama ka, ŋgulum wur ana aka gəs Yesuw tsiye.

2 TIMUTE 2:12

Na kàa gə̀sakwa gəzləŋ i təv gà mesewere are ya nda gà ŋgat ka, kwa tekeɗe, ki ta kwerekwe akaba a gər ahəɗ nda gà ŋgat tserdze mbaŋa asa. Ama na bəla kwa kàa miyakukwa à ŋgat ka, ŋgat tekeɗe, a ta miyek a à kwa mbaŋa te.

2 TIMUTE 3:6

Aɗaba ku mege kinehe tekeɗe ka, gà asiŋ ŋa ika magər tar a, sereh sereh ti deye a a gà ga pampam, a sàs a tar ka, ta beneye a mburma. Ta bene a ndeyndey ŋana ka, gà məkəs ana gà falày ŋa ya, dite ka, ta gəs bazlam tar ata. Gà na tàa gəs a kuɗa ka, bakal a be a tar deɓìz deɓìz hinne, ta gewa ka, gà dukw meèweke ba tar ana pampam ta waya ya.

1 PIYER 2:16

kə̀ ŋgatum mezìwè gər kurum ka, aɗaba Yesuw Kiristi ana a pəl à kurum i bakal a ya. Na kàa ŋgatum mezìwè ger kurum kamala taŋa ya ka, ka ta kàhum bakal a gəzləŋ kurum asa tsa. Ama kə̀ gəsum ahəm aà Mbulum ivaɗ.

1 PIYER 2:8

Ta wetse i wakita Mbulum mbaŋa asa ka, ta gwa: «Kur ata ka, gà mburma ti ndif ahər a sik gùp, tì dìɗ aakiŋa.»*fb* Mendìfè sik ata ka, aɗaba ana ta gəs bazlam Mbulum tsiye. Akahər ata piŋŋe ka, Mbulum a waya a ge dər kataya ka, a gwa: Gà dukw ata ta ge a ba kataya dukw ŋgar.

1 PIYER 4:18

Ta wetse i wakita Mbulum ka, ta gwa: «Na Mbulum a mbele a à gà mburma ŋgar ana gà ŋgwal ŋa ya ka, nda mawùràba ŋana, dite dukùla na a ta ge a ba nda gà ɓəzla bakal ana ta gəs ahəm ŋgar tsiye seyiŋ a?»*fb*

2 Piyer 2:10

Ama a ta vile a mesewere are ata ndeyndey ŋana ka, a gà na ta gewa dukw ana ŋgwal ŋa tsa, ti niw dər bazlam Əbay Mbulum a, ta waya mezezeme ka, dukw meèweke ba tar ɗekɗek a. Ga ɓəzla medzeŋge bazlam ata a mburma nda pàrsa ya ka, ta gewa magəɗa a wura tsidze. Ti ndze a ka, ŋgakŋgakəkka, tì sìŋgìr a à gər tar ka, hinne. Ta ge a magəɗa a gà dukw ana i gəza mbulum, gà ndzəɗa tar a riŋ hinne ya tsa asa, ti sewle aà teriŋa.

2 Piyer 2:7

Akahər ata a mbəl à mburma ka, ilik pəra. A mbəl ka, à Ludu, agəra ana ŋgat ŋgwal ŋa ika miɗ ŋgar a. Ama gəzləŋ a wurawa aà ŋgat hinne, agəra dukw ana gà mburma ata i fata, ta gewa ŋgwala tsiye.

2 Piyer 3:7

Ama gər ahəɗ nda gəza mbulum ana kinehe ya ka, ti ndze a ɓav tsa. Tits a təv ana Mbulum a tsik a ka, a wene a nda akwa hilɓèk hilɓèk kuɗa. Aɗaba kinehe ka, Mbulum a waya mandza zaakwa tə̀ma, haa a pat ana a ta ge a seriye a gà mburma tserdze, a bets a iɗəm gà na ta gəs ahəm ŋgar tsiye ya.

1 Yuhana 2:22

Na kataya ana, weke na a ne mala pàrsa ya? Na a ne mala pàrsa ka, say wur ana a gweɗe a aà Yesuw ka, Kiristi, mala məmbə̀là à mburma ana Mbulum a gwa, i slir a kurumehe a ya tsiye, ŋgat ka, kəla mburma pəra ya. Taŋa ka, ŋgat na mala mene are Kiristi ŋa ya. A niw gà Mbulum Tsir kwa nda Kəla ŋgar ŋa mbaŋa.

Yuda 1:15

A dere a ka, aà mege seriye aka gər gà mburma ana ika gər ahəɗ a tserdze ya. Seriye à gis a gà na tə sər ŋgat tsiye, aɗaba dukw tar ana ta gewar ŋgwal ŋa tsa pampam a, dite agəra gà bazlam ana ŋgwal ŋa tsa tserdze ti tsik ahər a mbaŋa.»

Yuda 1:18

Ti tsikewa a kurum ka, ta gwa: «I təv ana gər ahəɗ aka à mendìve ya ka, gà mìsle ŋgiɗ ti sewle a aà kurum ana ki zezemwim a Mbulum a. Gà mburma ata ta gis a ahəm aà Mbulum tsa. Ti zezem a ka, dukw ana ŋgwal ŋa tsa, gəzləŋ tar a waya ya ɗekɗek pəra.»

Sunwa Yuhana 15:4

Batsah mər ŋa, ku weke ka, a gik a magəɗa. Wele ana a gweɗe a ka, i zèmbeɗe a à kər tsiye dze ana, weke? Aɗaba kər ilik na tsəɗaŋŋa ya. Gà mburma ana ku mege i ŋga ika gər ahəɗ tserdze ya, ti dere a aka miɗ yak a, tì dzèk a gurmits a bəɗ, aɗaba ana tar tserdze tàa ŋgat a megemir yak ana ki ge ndaka vatwa ŋa lele ya.»