Yuda 1:3 - Bible Zulgo

³ A kurum gà masla gà ana i waya kurum hinne ya. Ana ka, a sèsiŋ mewetse a kurumaha wakita hinne, agəra bazlam ŋgiɗ zləmana, aà meɗìfè a kurum dər ka, meme na Mbulum a mbəl à kwa tserdze ya. Ama i samata ka, ŋgulum i wetse a kurumaha kinehe, aɗaba mə vəl a kurum ndzəɗa, dite ki mirwim a aba nda təv bazlam ŋgwal ŋa ana kə̀ gəsum a ivaɗ. Mbulum a vəl ahər ka, a gà mburma ŋgar gà tsəɗaŋŋa ŋana. Bazlam ata ka, à mbìɗ a aba tsidze.

Yuda 1:3 Iomraidhean Croise

Gà Ɓəzla Meslire 17:3

A ɗif a tar dər, a gwaɗa a tar: «Mala məmbə̀là à mburma ana Mbulum a gwa, i slir a kurumehe a ya ka, say à sèwèr a are dzekwiŋ, dite i dəba ŋa ya, a ta mbilere a i məməta ya asa, kamala ana wakita Mbulum a tsik a.» A gwaɗa a tar asa: «Yesuw ata iye ihər i ɗif a kurum a dər a ka, ŋgat ŋa na a ne mala məmbə̀là à mburma ana Mbulum a gwa, i slir a kurumehe a ya.»

Gà Ɓəzla Meslire 18:28

Ta mbetseba ahəm nda gà Yahuda ndərzayya i bəra. A ɗifewa a tar à dukw ana wakita Mbulum a tsik a, a gwaɗawa a tar: «Mala məmbə̀là à mburma ana Mbulum a gwa, i slir a kurumehe a ya ka, Yesuw.» Aka be gà Yahuda fit nda bazlam, tə sər dukw ana ti tsiker aakaha a ya asa tsa.

Gà Ɓəzla Meslire 20:27

Aɗaba Yàa mbər metsike a kurum aba ya dukw ana a sàs a Mbulum daga piŋŋe ya. Yàa həmbər aà kurum ilik tsidze.

Gà Ɓəzla Meslire 28:28

Pul a tsik aba taŋa ya ka, a səkah aaka à bazlam ŋgiɗ asa. A gwaɗa a tar: «Sərum dər ka, Mbulum a slərra bazlam mendìwìɗè gər mesife ya kinehe ka, a gà mburma ana tar gà Yahuda tsiye. Aɗaba tar ka, ta gis a bazlam ata.»

Gà Ɓəzla Meslire 4:12

Ki slekwe a à mimbile ka, say nda təv ŋgar ilik. Aɗaba mege i ŋga ika gər ahəɗ tserdze, Mbulum aka vəl zləm ŋgar a wur a ilik, na dite ki slekwe a aà mimbile nda təv ŋgar a asa tsa.»

Gà Ɓəzla Meslire 6:7

Bazlam Mbulum a ɗe zləm hinne. Gà ɓəzla mazazama Yesuw tə səkah hinne i Yeruzalem, dite gà ɓəzla mandəva kuɗa a Mbulum hinne ta gəs Yesuw nda gəzləŋ tar mbaŋa.

Gà Ɓəzla Meslire 9:13

Ama Ananiyas a gwaɗar aakaha: «Batsah ga ŋa, wele ata ka, Yàa tsarakaya mesewere are ŋgar ana a sèwèrewa a gà mburma yak i Yeruzalem a hinne.

Gà Ɓəzla Meslire 9:22

Tsaatsa Sawul ivaɗ ka, a tsikewa bazlam Mbulum nda ndzəɗa kəla pat. Gà Yahuda ana tar mandza ŋa i Damas a, tə̀ sər dukw ana ti tsiker a aaka ya asa tsa, aɗaba tə tsaraka dukw ana a ɗif a dər a mburma, a gwa: «Yesuw ka, mala məmbə̀là à mburma ana Mbulum a gwa, i slir a kurumehe a ya.»

1 Kurintiya 15:3

Sərum dər ka, Yàa ɗif a kurum à dukw ana Yesuw Kiristi a ɗifiŋ dər a mbaŋa. Dukw ana i tsik a kurum malahalah ŋa ya ka, araha: Yesuw Kiristi aka mət aɗaba bakal kwa, kamala ana ta wetse i wakita Mbulum piŋŋe, ta gwa, a ta ge a ba ya.

GALATIYA 2:5

Ama ka, maa gəs ahəm tar ku kwizikw tsidze. Aɗaba a sàs a mər ka, bazlam ŋgwal ŋana ma da aka miɗ hiywe nda ndzer, pàrsa iɗəm tsiye, na dite ki tserekwim a mbaŋa ya.

GALATIYA 3:28

Na bəla kər gà Yahuda, kige tsa bəla kər gà Yahuda tsəka, à lèh a duwa asa tsa. Kige tsa na bəla kər ka, ɓele, nda gà bəla kər ihər ki ziwe a gər yak tekeɗe ka, pampam tsa. Nda gà bəla kər asləka ŋa, kige tsa asa, kər məkəs ŋa ka, pampam tsa mbaŋa. Kamala taŋa ya, kurum tserdze kà nwim ka, ba ilik, aɗaba ana kàa gawum ba nda gà Yesuw Kiristi ya.

GALATIYA 6:11

Kinehe ka, fə̀rum aà gà batsah alfebet ana gùràslə̀slə̀sla, iye ihər i wetse a kurumehe a nda ahər gà ŋa ya kuɗa.

EFESIYA 1:1

Iye Pul, wele ana Mbulum a zla kamala mala meslire Yesuw Kiristi ya. I wetseha wakita aaha ka, a kurum gà mburma Mbulum ana i Efesiya ya. I wetseha ka, a kurum ana kàa gəsum Yesuw Kiristi nda gəzləŋ lele, dite ka, kurum riŋ mandza ŋa i təv ilik ŋa nda gà ŋgat asa ya.

FILIPIYA 1:1

Na a wetse wakita aaha ka, iye Pul, mər nda Timute ana mər gà ɓəzla meslire Yesuw Kiristi ya. Mì wetseha ka, a kurum gà mburma Mbulum ana i Filipiya, kurum riŋ mandza ŋa i təv ilik ŋa nda gà Yesuw Kiristi ya. Mì wetseha ka, a gà bàba ŋa ana ika magər kurum a, dite a gà ɓəzla mazlàkà kurum gà mburma Mbulum tserdze mbaŋa.

FILIPIYA 1:27

Ama duwa ilik ma ta məts a kurum gər tsa kəla. Mede kurum ma ge ka, ŋgwal ŋa, kamala bazlam ŋgwal ŋa ana Yesuw Kiristi a ɗif dər a. A sèsiŋ ka, ku mege Yàa ŋgat vatwa aà madaha a təv kurum, kige tsa bəla Yàa ŋgat tsa tekeɗe ka, i tserekere a mendze kurum ana ki ndzwim a ndìɓèkke, kurum masəra ba ŋa ŋgwal ŋa lele, metsehe kurum ilik a. Dite kurum riŋ ihər ki mirwim a aba aà megemir bazlam ŋgwal ŋa ata kə̀ gə̀sakwa nda gəzləŋ ilik kamala gà ɓəzla gùvəl a asa mbaŋa.

KULUSIYA 1:2

Mì wetseha ka, a kurum gà mburma Mbulum ana i Kulusiya ya, a kurum ana kà nwim gà damər mər, kurum riŋ mandza ŋa i təv ilik ŋa nda gà Yesuw Kiristi, ki zezemwim a ŋgat nda gəzləŋ ilik a. Mì heme a a Mbulum Tsir kwa, dite ma ge a kurum ŋgwal ŋa, mə vəl a kurum matasla yam a gəzləŋ zayya lele.

1 TESALUNIKE 2:2

Ama ələk mì ta medeha a təv kurum ka, tàa sèwèr a mər are i Filipiya hinne. Tàa ge a mər matawak ka, kurum kà sərum. Ama ku mege gà ɓəzla mene are mər riŋ hinne tekeɗe, Mbulum aka vəl a mər ndzəɗa, na dite mì ɗif a kurum à bazlam ŋgwal ŋa ana a dara i təv ŋgar a ya.

1 TIMUTE 1:18

Kər kinehe ka, kamala kəla gà ya, Timute. Yàa miyak aba à bazlam aaha a ahər yak a, kamala ana gà ɓəzla məma à guma Mbulum ti tsik piŋŋe ndakahər yak a. Dzala aka bazlam tar ata lele, ma ne dukw ahər yak. Dite megemir yak ma da aka miɗ aka miɗ nda ŋgwal ŋa.

1 TIMUTE 6:12

Ne mala aka miɗ i təv magəsa gəzləŋ ana ika vatwa Mbulum a, kamala gà wele ana tì dzìr a ba aà mivele, ta mir aaba a sah lele ya. Gəs vatwa mesife ana à ndìv a tsa aà biybiy a nda gəzləŋ yak, dite ma ne biy yak. Aɗaba Mbulum a zalak ka, aà mesife ata akahər ata kà tsik ika miɗ mburma hinne, meme na kə̀ gəs bazlam Yesuw Kiristi nda ndzer a gəzləŋ yak a ya.

2 TIMUTE 1:13

Zazam ka, dukw ana ndzer ŋa kà tsaraka i təv ga ya. Dite bazlam gà ata ka, sər dər ndzer, meme na ki tsik a a mburma ya. Ki ge a dukw tserdze ka, nda megìse yak ana kə̀ gəs Mbulum nda gəzləŋ a, dite nda mawàyà ba yak ana kà waya mburma ya mbaŋa. Ama kàa sle aà mege kataya ka, aɗaba ana kər riŋ mandza ŋa i təv ilik ŋa nda Yesuw Kiristi ya.

TITUS 1:4

I wetseha ka, a kər Titus ana kər kà ne kəla gà, kà nema ilik i təv megìse ana kə̀ gə̀sama Mbulum a ya. I heme a a Mbulum Tsir kwa nda Yesuw Kiristi ana ŋgat mala məmbə̀là à kwa ya, ta gek ŋgwal ŋa, ta vəlak matasla yam a gəzləŋ zayya lele.

IBƏRANIKWA 13:22

A kurum gà damər gà, iye ihər i ge a kurum a kamkam: Gəsum bazlam gà ana i tsik a kurum a ya, nda maŋgayaba lele, na dite a vile a kurum a ndzəɗa a gəzləŋ kurum a. Aɗaba bazlam ana i wetse a kurumaha a wakita aaha ya ka, zùbəl ŋa tsa, ar ka, kəla bazlam zaakwa pəra.

IBƏRANIKWA 6:9

Ama kurum gà masla mər, ku mege mì tsik kataya tekeɗe ka, mì sər ndzer, kurum riŋ ki zezemwim a ŋgwal vatwa ana lele, dite ka, Mbulum a ta mbil a dər à kurum a.

1 PIYER 5:12

Silas na a zlèk iye aà mewetse a kurumaha kəla wakita aaha ya. Aɗaba i sər, ŋgat ka, damər gà ndzer ŋa ana ika vatwa Mbulum a. I wetse a kurumaha bazlam aaha ka, aà məma a kurumaha à arəv, dite kə̀ ŋgatum ndzəɗa. I tsik a kurum taŋa ka, aka gər ŋgwal Mbulum ana a ge a kwe a nda ndzer kaɗəŋ a. Kamala taŋa ya na i tsik a kurum mbaŋa ya. Mərum aba aà dukw ata.

2 Piyer 1:1

Na a wetse a kurumaha wakita aaha ka, iye Simun Piyer ana iye mala megemir Yesuw Kiristi ana i gewar meslire ya. I wetseha wakita aaha ka, a kurum ana kà gəsum Yesuw Kiristi nda gəzləŋ kurum tserdze, kalkal kamala mər ana mì gəs ŋgat mbaŋa ya ya. Vatwa megìse ata ka, dukw ŋgwal ŋa. Yesuw Kiristi a vəl a kwa vatwa ata ka, dite ku weke mà gəs ŋgat. Aɗaba ŋgat ka, mala ndzer ŋa, a wele a ikaba mburma ya tsa. Ŋgat ka, Mbulum, a mbəl à kwa i bakal kwa ya.

2 Piyer 2:21

Na kataya ka, ŋgulum na ma sər vatwa ana ndzer ŋa ya tsidze ya, ndəna a sər vatwa ana ndzer ŋa ya lele ka, dite i dəba ŋa ya, a məsak dər aba ya, a gəs ahəm dukw ana Mbulum a tsiker a asa tsiye ya.

Yuda 1:1

Iye Yuda, mala megemir Yesuw Kiristi, dite iye damər Zakup mbaŋa. I wetseha wakita aaha ka, a kurum gà mburma ana Mbulum Tsir kwa a waya ya. A pala kurum kamala gà mburma ŋgar a, dite a riŋ a kesle a kurum nda təv Yesuw Kiristi ya.

Yuda 1:17

Ama a kurum gà masla gà ana i waya kurum hinne ya. Kurum ka, bazlam ana gà ɓəzla meslire Yesuw Kiristi BATSAH kwa ŋa ti tsikewa a kurum akahər ata ta gwa, a ta ge a ba aka miɗ mba ya ka, ma ta məts a kurum gər tsa.

Yuda 1:20

Ama kurum gà masla gà ana i waya kurum hinne ya. Kurum ka, mərum aba sah lele. Zlakum ba ika magər kurum ilik ilik tserdze, na dite ndzəɗa kurum à sìkèh a aka miɗ aka miɗ i təv megìse kurum ana kə̀ gəsum bazlam ŋgwal ŋa aaha, Mbulum a ɗif a kurum dər a. Hamum a Mbulum nda ndzəɗa Mezite Mesife ŋgar kəla pat mbaŋa.

Sunwa Yuhana 12:11

Ama gà damər kwa ata ka, tàa mba aà ŋgat. Ta mba ahər ka, aɗaba Kəla Təmaŋ ana a mburuɗ tar nda məmbəz ŋgar a. Ta mba ahər asa ka, aɗaba ana ti tsikewa bazlam Mbulum a mburma ya. Kamala taŋa ya, ta vəl gà mesife tar a ahər ka, a Mbulum. Ku mege ta mete a tekeɗe ka, ti dzele a tsa.

Sunwa Yuhana 2:10

Taŋa damər mesewere are kurum aaha ki sèwèrwim a kinehe ya, à sìkèh a aka gər kurum a ka, aka à mendze aɗəm. Ama kəla ka, ki gwim magəɗa tsa. Sərum dər ka, Əbay sitene a ta gese a gà mìsle ŋgiɗ ika magər kurum a, a daŋgay bise. A dzik a à kurum, ki ŋgetwim a mesewere are i huɗ mehinne kurwa ya. Bàsumaraha, na ku mege ta bets a kurum tekeɗe ya. Na kàa mərum aba kamala taŋa ya ka, i ti dzèye a kurum a gà dukw mayaba kurum, kamala megweɗe ya ka, mesife ana à ndìv a tsa aà biybiy a.