Yuda 1:2 - Bible Zulgo

² I heme a a Mbulum, dite ka, ka ndzumar are tsehe, mə vəl a kurum matasla yam a gəzləŋ kurum, nda ŋgwal ŋgar ana a waya dər kurum a. Gà dukw ata mà rah a gəzləŋ kurum, ma da aka miɗ aka miɗ lele.

Yuda 1:2 Iomraidhean Croise

RUMA 1:7

Kamala taŋa ya, na i ge a kurumaha wusa tserdze, a kurum gà mburma ana Mbulum a waya kurum i Ruma ya. A zal a kurum ka, dite ka nwim gà mburma ŋgar. Gà Mbulum Tsir kwa nda Yesuw Kiristi BATSAH kwa ŋa, ta pise a kurum ahəm, ta vəl a kurum matasla yam a gəzləŋ zayya lele.

GALATIYA 6:16

Gà mburma ana ti zezem a vatwa awiya ŋa ata ya ka, tar na ti ne gà mburma Mbulum gà Isərayel gà ndzer ŋana ya. Ti ndzer are tsehe, mə vəl a tar matasla yam a gəzləŋ zayya lele.

1 TIMUTE 1:2

I wetseha wakita aaha ka, a kər Timute ana kà ne kəla gà ndzer a, aɗaba kàa gəs Yesuw nda gəzləŋ yak ilik. Gà Mbulum Tsir kwa nda Yesuw Kiristi BATSAH kwa ŋa ta gik ŋgwal, ka ndza a tar are tsehe, dite ta vəlak matasla yam a gəzləŋ zayya lele.

1 PIYER 1:2

Daga piŋŋe, Mbulum Tsir kwa a sər dukw ana a ta ge a kurum a ya. A pala kurum ka, dite ka nwim gà mburma ŋgar, nda ndzəɗa Mezite Mesife ŋgar. A sasar ka, ki giswim a ahəm aà Yesuw Kiristi, à gwetseke aà kurum a məmbəz ŋgar, na dite ki ndzwim a tsəɗaŋŋa ika miɗ Mbulum a. Mbulum ma ge a kurum ŋgwal ŋgar hinne, dite mə vəl a kurum matasla yam a gəzləŋ kurum aka miɗ aka miɗ mbaŋa.

2 Piyer 1:2

I heme a a Mbulum, dite mà səkah a kurum à masəra ba kurum nda gà Yesuw Kiristi BATSAH kwa ŋa aka miɗ aka miɗ. Kamala taŋa ya, a pise a kurum a ahəm, à sìkèh a kurum a dər, a vile a kurum a matasla yam a gəzləŋ kurum mbaŋa.