Yuda 1:1 - Bible Zulgo

¹ Iye Yuda, mala megemir Yesuw Kiristi, dite iye damər Zakup mbaŋa. I wetseha wakita aaha ka, a kurum gà mburma ana Mbulum Tsir kwa a waya ya. A pala kurum kamala gà mburma ŋgar a, dite a riŋ a kesle a kurum nda təv Yesuw Kiristi ya.

Yuda 1:1 Iomraidhean Croise

Mata 10:3

I dəba ŋa ya, gà Filip nda Bartelemi, gà Tumas nda Mata mala duwan ata, dite gà Zakup kəla Alfayus nda Tadawas,

Mata 13:55

Aɗaba ŋgat ka, kà sərakwa kəla mala məpàpàzà dizl a? Mama ŋgar ibam, Mariya, gà damər ŋgar tekeɗe, gà Zakup nda Yasufa nda gà Simum nda gà Yudas a.

Markus 3:18

Taŋa gà asiŋ ŋa pam tekeɗe, Andire, Filip, Bartelemi, Mata, Tumas, Zakup kəla Alfayus, Tadawas, Simun ana a niw bazlam ŋgumna piŋŋe, a waya makwàrà ba tar i gwala ŋgar a,

Markus 6:3

Aɗaba piŋŋe ka, a papazawa ka, dizl. Ŋgat ibam, kəla Mariya ya. Gà damər ŋgar tekeɗe ka, gà Zakup nda Yasufa, nda gà Yudas, nda gà Simun. Gà damər ŋgar gà dəm ŋana tekeɗe, tar ɗa mandza ŋa ika magər kwa i faha ya.» Aɗaba taŋa na gà mburma ata ta gəs ahəm aà Yesuw tsiye.

Luka 6:16

Yudas kəla Zakup, dite Yudas Iskariyut, wele ana a ta ge a ɗaf aà Yesuw a.

Yuhana 12:26

Na aka sàs a wura aà megiŋ meslire ka, say ma zezem iye. Ŋgat ka, a ti ndze a i təv ana i ti ndze aɗəm a ya. Aɗaba wur ana a giŋ a meslire ya ka, Tsir gà a ti zlibe a à ŋgat mbaŋa.»

Yuhana 14:22

Wele ŋgiɗ pam, zləm ŋgar Yudas asa, tsəka, kəla Iskariyut tsa, a gwaɗa a Yesuw: «Batsah mər ŋa, meme na a sàsak ki pèt a mər a à ndzəɗa yak ka, a mər ɗekɗek a? Dite ki pèt a dər a gà mburma ana ti zezem a gər ahəɗ a tsiye?»

Yuhana 15:16

Kurum tsa na kà zlum iye kamala Batsah kurum ŋa ya. Ama iye na a pala kurum a, dite kà nwim gà ɓəzla mezezeme iye ivaɗ. I pala kurum ka, aà mege meslire gà, dite ka nwim kamala dizl ɗaf ata a we a hinne ya. Mege megemir kurum a de a aka miɗ aka miɗ, a ndze a aà biybiy. Kərga taŋa ya na, dukw ana ki wizwim a aà Tsir gà nda zləm gà ya ka, a vile a kurum ŋa.

Yuhana 17:15

I heme a ka, dite kà ndzək tar ika gər ahəɗ a ɓav tsa, ama kasla tar i təv wele ana ŋgwal ŋa tsiye.

Yuhana 17:17

Ne à tar gà tsəɗaŋŋa, ɗif a tar à dukw ana ndzer a, dite ka, ti ne gà mburma yak ana ndzer kuɗa ya. Aɗaba bazlam yak na ndzer a.

Yuhana 17:19

I vilek a mesife gà, aɗaba tar, dite tar tekeɗe, ti ne gà mburma yak nda ndzer ŋa mbaŋa.

Yuhana 6:39

Dukw ana a sàs a wele ana a slərra iye ya ka, araha: Gà mburma gà ana a dziŋ tar a ahər a ka, ilik ma dzeye tsa. Ama ka, i mbele a à tar i məməta ya, a pat mandəvandəv gər ahəɗ ivaɗ.

Gà Ɓəzla Meslire 1:13

Ti ndze a Yeruzalem ka, tə daha, tə tsala a ga ana ika gər biy ŋgiɗ, tə ndzawa iɗəm piŋŋe kəla pat a. Zləm gà mburma ata ka: Piyer, Yuhana, gà Zakup nda Andire, gà Filip nda Tumas, gà Bartelemi nda Mata, dite gà Zakup kəla Alfayus nda Simun ana a niw bazlam ŋgumna piŋŋe, a waya makwàrà ba tar i gwala ŋgar a, dite nda gà Yuda kəla Zakup.

Gà Ɓəzla Meslire 20:32

Kinehe ka, i ɗif à kurum a a ahər a Mbulum, dite nda bazlam ŋgwal ŋgar ana kà ndzumar dər are tsehe ya. Ŋgat ka, ndzəɗa ŋgar a riŋ aà masəkaha à megìse kurum ana ki giswim a dər ŋgat a, dite aà mivile a kurum gà dukw ŋgar ana tserdze, a gwa: I ta vile a a gà mburma gà ya.

Gà Ɓəzla Meslire 27:23

Aɗaba i huɗ həvəɗ aaha mbakum a ka, gawla Mbulum ana iye mburma ŋgar, iye riŋ i ger a meslire ŋgar a, aka dara a təv ga ya.

RUMA 1:1

Na a wetse wakita aaha ka, iye Pul, mala megemir Yesuw Kiristi. I wetseha ka, a kurum gà mburma Mbulum ana i Ruma ya. Mbulum a zeliŋ, a ne à iye mala meslire ŋgar, na dite i ɗif a à ŋgwal bazlam ŋgar aaha a mburma ya.

RUMA 1:6

Kurum gà mburma Mbulum ana i Ruma ya, kurum tekeɗe ka, ika magər gà mburma ata mbaŋa. Aɗaba Mbulum a zal a kurum ka, na dite ki nwim a gà mburma Yesuw Kiristi ya mbaŋa.

RUMA 16:18

Medzìbe gà mburma ata ta ge a megemir ka, a *Kiristi BATSAH kwa ŋa tsa. Ta ge a ka, dukw ana a tsahən aà gəzləŋ tar a ɗekɗek pəra. Ta mèhe a à arəv a gà mburma nda himmè bazlam gìŋgefkèffe ka, nda dukw pàrsa masakəŋana, dukw ana ti tsiker a ika arah a. Kamala taŋa ya, ta bene a dər gà mburma ana tə səraha aka bazlam ŋa tsiye.

RUMA 6:22

Ama kurum kinehe ka, gà ɓele bakal asa tsa, kàa beywimera iɗəm a. Kàa nwim gà ɓele Mbulum kuɗa. Aɗaba taŋa, dukw ana kə ŋgatum i təv ŋgar a ka, a ne à kurum gà tsəɗaŋŋa, na dite ki gwimer a dukw ana a tsahən ahər a ya. Dite aka mandəvandəv ŋana ka, ki ŋgetwim a dər mesife ana à ndìv a tsa aà biybiy a.

RUMA 8:30

Ama gà mburma ata Mbulum a pala tar tserdze, ti ne gà biy ŋgar a ka, a zal a tar mezele mbaŋa, na dite tə dara a təv ŋgar a ya. Gà na a zal a tar a ka, a ne à tar gà ŋgwal ŋa ika miɗ ŋgar mbaŋa. Taŋa ɗekɗek tsa, a dza tar a təv mezlibe ana tì zlibe a à ŋgat a mbaŋa asa.

RUMA 9:24

Kwa kinehe tekeɗe ka, i liwiŋ tar mbaŋa. A pala ka, gà mburma ana ika magər gà Yahuda ya ɗekɗek tsa. A zal a kwa dər ka, i liwiŋ gà asiŋ gà mburma ŋgiɗ a mbaŋa.

1 Kurintiya 1:2

Mì wetseha ka, a kurum gà mburma Mbulum ana i Kurintiya ya. Mbulum na a pala kurum, aà mandza i təv ilik ŋa nda gà Yesuw Kiristi ya. A zal a kurum, na dite kà nwim gà mburma ŋgar a. Mì geha wusa mbaŋa ka, a gà na ta heme a a Yesuw Kiristi BATSAH kwa ŋa ya tserdze, ku mege ika ahəɗ awara tekeɗe ya. Aɗaba ŋgat ka, Batsah tar ŋa, dite Batsah mər ŋa asa mbaŋa.

1 Kurintiya 6:11

Akahər ata piŋŋe ka, gà mìsle ŋgiɗ ika magər kurum ta gewa gà dukw ata mbaŋa. Ama kinehe ka, Mbulum aka bara gəzləŋ kurum tsəɗaŋŋa lele. A ne à kurum gà mburma ŋgar gà tsəɗaŋŋa ŋana, ti ne gà ŋgwal ŋa ika miɗ ŋgar a. A ge dər kamala taŋa ya ka, aɗaba ana kə̀ gəsum Yesuw Kiristi BATSAH kwa ŋa nda gəzləŋ kurum a, dite ka, Mezite Mesife ŋgar ibam, mandza ŋa i gəzləŋ kurum mbaŋa ya.

EFESIYA 5:26

A bara tar herrè lele, aruwaŋ a da aà tar a. A ne à tar gà tsəɗaŋŋa ka, agəra bazlam ana a tsik a tar a. Kamala taŋa ya na ti ne biy Mbulum a.

1 TESALUNIKE 2:12

Mì màwa a kurumaha à arəv, mì vəlawa a kurum ndzəɗa, dite mì hamawa a kurum ka, hinne asa mbaŋa, na dite mede kurum ana ki dwim a ya, mà tsahən aà Mbulum a. Ŋgat a zal a kurum ka, na dite ki dwim a a mekwere ŋgar, ki ti ndzwim a nda gà ŋgat i təv mezlibe ŋgar ana tì zlibe a dər a ya.

1 TESALUNIKE 5:23

Mìi heme a a Mbulum ana a vile a kwe a matasla yam a gəzləŋ a, na dite ki nwim a gà mburma ŋgar, ki ndzwim a tsəɗaŋŋa kamala ŋgat ana a ndze a ya mbaŋa. Dite ma kasla mesife kurum nda madzala gà gər kurum nda gà ba kurum ŋa tserdze, na dite a pat ana Yesuw Kiristi BATSAH kwa ŋa à mère a ya ka, bakal a ge a i təv kurum tsidze ya.

2 TIMUTE 1:9

Ŋgat ka, aka mbala à kwa. A zal a kwa ka, a ne à kwa gà mburma ŋgar. A ge dər kataya ka, agəra ana ki gewakwar ŋgwal ŋa ya tsa. A ge taŋa ka, aɗaba ana a waya mege kataya ya pəra. Ŋgwal ŋgar ata a ge a kwa nda ahər Yesuw Kiristi ya ka, daga piŋŋe, akahər ana gər ahəɗ a riŋ zukw tsiye.

2 TIMUTE 4:18

Ŋgat ka, a ta be a à iye i dukw ana ŋgwala tsiye tserdze asa mbaŋa. A kesle a iye lele, na dite i de a a təv mekwere ŋgar ana i gər ŋa ya ndzer a. Kamala taŋa ya, mezlibe ana tì zlibe a à ŋgat a ka, ma ne biy ŋgar aà biybiy. Zàmbaɗakwa à ŋgat. *Amin.

IBƏRANIKWA 3:1

A kurum gà damər gà, Mbulum na a zal a kurum a, dite ka, kà nwim gà mburma ŋgar mbaŋa ya. Aɗaba taŋa, dzalum gà gər a təv Yesuw ana Mbulum a slərra ŋgat a, dite ka, ma ne batsah mala mandəva kuɗa ŋgar, a sir a ba à kwa nda gà ŋgat. Taŋa na dukw ana kə̀ gə̀sakwa nda gəzləŋ, ki tsikikwe a a mburma parakkà lele ya.

YAKUBA 1:1

Iye Zakup, mala megemir gà Mbulum nda Yesuw Kiristi BATSAH kwa ŋa. I geha wusa a gà mburma Mbulum ana tə dzaya aba vatwa ilik ilik ku mege a ŋga aka gər ahəɗ tserdze ya.

1 PIYER 1:2

Daga piŋŋe, Mbulum Tsir kwa a sər dukw ana a ta ge a kurum a ya. A pala kurum ka, dite ka nwim gà mburma ŋgar, nda ndzəɗa Mezite Mesife ŋgar. A sasar ka, ki giswim a ahəm aà Yesuw Kiristi, à gwetseke aà kurum a məmbəz ŋgar, na dite ki ndzwim a tsəɗaŋŋa ika miɗ Mbulum a. Mbulum ma ge a kurum ŋgwal ŋgar hinne, dite mə vəl a kurum matasla yam a gəzləŋ kurum aka miɗ aka miɗ mbaŋa.

1 PIYER 1:5

Mbulum a riŋ a kesle a kurum dzèŋŋe lele, aɗaba na kàa gəsum ŋgat nda gəzləŋ ilik a. Dite ku weke a sir a dər, i təv ana gər ahəɗ à ndìv a ya ka, Mbulum a ta mbele a à kurum ndzer a.

1 PIYER 2:9

Ama kurum ka, gà gwala Mbulum ana a pala kurum a. Dite kurum gà ɓəzla mandəva kuɗa ŋgar ana ki gwim a meslire a batsah Əbay a. Kurum ka, gà tsəɗaŋŋa, kurum gà mburma ŋgar ana a ndzəkara kurum i luvuŋ a, a da à kurum a təv dzaydzay ŋgar ana a də̀v hinne kamala dukw mene aà mburma ya.*fd* Dite a pala kurum ka, aà ka nwim gà mburma ana ki tsikwim a dukw ana a ge ŋgwal ŋa, a za gà dukw tserdze ya, a mburma.

1 PIYER 5:10

Ama i dəba mesewere are kurum ana ki sèwèrwim a kinehe ya ka, Mbulum ana ŋgat mala mege ŋgwal a mburma tserdze ya, à lèmbeɗe a kurum à gər ŋgar, a vile a kurum a ndzəɗa ana dite, ki hitswim a dər lele, ki ta mirwim a aba a nda təv gà dukw ana tserdze ya ya. Aɗaba a zal a kurum ka, dite ka dumara, ka ndzum nda gà Yesuw Kiristi i təv mezlibe ŋgar ana tì zlibe a à ŋgat aà biybiy, à ndìv a tsiye.

2 Piyer 1:1

Na a wetse a kurumaha wakita aaha ka, iye Simun Piyer ana iye mala megemir Yesuw Kiristi ana i gewar meslire ya. I wetseha wakita aaha ka, a kurum ana kà gəsum Yesuw Kiristi nda gəzləŋ kurum tserdze, kalkal kamala mər ana mì gəs ŋgat mbaŋa ya ya. Vatwa megìse ata ka, dukw ŋgwal ŋa. Yesuw Kiristi a vəl a kwa vatwa ata ka, dite ku weke mà gəs ŋgat. Aɗaba ŋgat ka, mala ndzer ŋa, a wele a ikaba mburma ya tsa. Ŋgat ka, Mbulum, a mbəl à kwa i bakal kwa ya.

Yuda 1:21

Ndzum i təv mawàyà ba ŋgar ana a waya kurum a, aka miɗ aka miɗ. Vavum pat ana Yesuw Kiristi BATSAH kwa ŋa a ti ɗif a kwe a à dukw mendze are tsehe kwa ana kà ndzekwar a, dite a vile a kwe a mesife ana à ndìv a tsa aà biybiy a.

Yuda 1:3

A kurum gà masla gà ana i waya kurum hinne ya. Ana ka, a sèsiŋ mewetse a kurumaha wakita hinne, agəra bazlam ŋgiɗ zləmana, aà meɗìfè a kurum dər ka, meme na Mbulum a mbəl à kwa tserdze ya. Ama i samata ka, ŋgulum i wetse a kurumaha kinehe, aɗaba mə vəl a kurum ndzəɗa, dite ki mirwim a aba nda təv bazlam ŋgwal ŋa ana kə̀ gəsum a ivaɗ. Mbulum a vəl ahər ka, a gà mburma ŋgar gà tsəɗaŋŋa ŋana. Bazlam ata ka, à mbìɗ a aba tsidze.