KULUSIYA 4:8 - Bible Zulgo

⁸ Iye ihər i slirehe a ŋgat a təv kurum, aà metsìkè a kurum ka, meme na i ndza ɗa ya, dite ka, aà məma a kurumaha à arəv asa mbaŋa.

KULUSIYA 4:8 Iomraidhean Croise

1 Kurintiya 4:17

A sèsiŋ ka, ki gwim a kamala taŋa ya. Aɗaba taŋa na i sləraha Timute a təv kurum mbaŋa ya. Dite ma daha ka, mə̀ mà aka meɗìfè kurum à mede gà ana i dawa ika vatwa Yesuw Kiristi ya. Dukw ana i dzeŋge a kurum a ya ka, kamala ana i dzeŋgewa a gà mburma tserdze, ku mege i ŋga ya mbaŋa. Ŋgat ka, kəla gà ana mandərkwasla ŋa ika vatwa Mbulum a. Dite ŋgat asa ka, a ge a megemir Mbulum ndaka vatwa ŋa lele asa mbaŋa.

2 Kurintiya 1:4

Ku mege ndeɗime, i təv ana mìi sèwèr a are hinne ya ka, ŋgat a vəlawa a mər ndzəɗa, na dite mər tekeɗe, mìi dehe a, mìi mèhe a à arəv a gà na tar riŋ ihər tì sèwèr a are ya mbaŋa ya. Mìi zlèk a tar ka, kamala ana Mbulum a zlak mər a mbaŋa.

2 Kurintiya 12:18

Iye ka, Yàa ge kamkam a Titus, dite ka, ma daha a təv kurum. I sləraha tar ka, nda damər kwa ana ika vatwa Mbulum, kà sərum ŋgat a. Dite wànà Titus a daha a təv kurum ana, aka ndzək dərra aà kurum duwa nda wirwir a ya? Awaŋ, aɗaba dukw ana Titus a ge a ya, ndəna iye i ge a ya ka, ilik, dite madzala gà gər mər tekeɗe, ilik asa mbaŋa.

2 Kurintiya 2:7

Ama kinehe ka, say pə̀lumar à bakal ŋgar, kà mùmaraha à arəv. Aɗaba na kàa gwimer kataya tsəka, à mìt a à arəv ndeyndey, a miyek a à madzala gà gər ika vatwa Mbulum a fit kweleŋ.

EFESIYA 6:22

Aɗaba taŋa, i slir a kurumehe a ŋgat ka, dite ka sərum dər, meme na mendze mər a. I slir a kurumehe a ka, mə vəl a kurum ndzəɗa a gəzləŋ mbaŋa.

FILIPIYA 2:28

Aɗaba taŋa i waya hinne na i mèhe a à ŋgat a təv kurum bise ya. Aləka kàa ŋgatumar, aka màha ka, ki ŋgeywim a ba, na dite i dəba ŋa ya, iye tekeɗe ka, i dzele a duwa asa tsiye.

KULUSIYA 2:2

I mər aba kataya ka, aà məma a kurumaha à arəv, dite ka wayum ba ika magər kurum ilik ilik tserdze, ka gawum ba a təv ilik ŋa. A sèsiŋ asa mbaŋa ka, sərum dukw ana Mbulum a pàt a kwa dər ndərzayya aka gər Yesuw Kiristi ya lele, madzala gà gər kurum ma ta ge wàkit wàkit tsa, na dite ka, ŋgat a ge a kurum a ŋgwal dukw ana a za duwa tserdze ya. Dukw ata a pàt a kwa dər a ka, à Yesuw Kiristi.

1 TESALUNIKE 2:11

Kurum kà sərum mbaŋa, mì zlak kurum ika magər kurum ilik ilik tserdze ka, kamala tsir kəla ana a ge a gər a gà ɓəza ŋgar a.

1 TESALUNIKE 3:2

Kurum kà sərum, Timute ka, damər kwa ana mər ihər mìi ge akaba a megemir nda gà ŋgat a. Mər nda gà ŋgat ka, mì tsikewa bazlam ŋgwal ŋa ana aka gər Yesuw Kiristi ya. Mì sləraha ŋgat a təv kurum ka, dite mà zlak kurum, mə̀ mà a kurumaha à arəv, dite ka, ki ŋgetwim a ndzəɗa ika vatwa Mbulum ɓəŋɓəŋ lele.

1 TESALUNIKE 3:5

Aɗaba taŋa, i təv ana i sər, kurum ihər ki sèwèrwim a are ya ka, i sle aà magəsa gəzləŋ asa tsa. Kamala taŋa ya, i sləraha Timute a təv kurum ka, na dite i sir a dər, meme na ki ndzwim a ya ya. Wànà megìse kurum ana kə̀ gəsum Yesuw Kiristi nda gəzləŋ kurum ana, a de a aka miɗ aka miɗ a, tsəna, Əbay sitene aka bana kurum a. Na bəla kataya ka, taŋa megemir mər ana mì ge ika magər kurum a, a ne ka, taf masakəŋa.

1 TESALUNIKE 4:18

Aɗaba taŋa, màyum baha à arəv nda bazlam ata ika magər kurum ilik ilik tserdze.

1 TESALUNIKE 5:11

Aɗaba taŋa, mùm a baha à arəv, kà zlakum ba ika magər kurum ilik ilik tserdze, kamala ana kurum riŋ ihər ki gwim a gà dukw ata kinehe ya.

1 TESALUNIKE 5:14

Gà damər mər, mìi ge a kurum a kamkam asa: Bwim à ɗaf a gà ɓəzla màsar ana ti ndze a taf masakəŋa ya. Mùmaha à arəv a gà ɓəzla magəɗa, dite kà zlakum gà na ndzəɗa tar a riŋ tsiye mbaŋa. Gəsum gəzləŋ nda təv gà mburma tserdze, kà yum ba ika miɗ mburma tsa.

2 TESALUNIKE 2:17

na dite ta me a kurumehe a à arəv, ta vile a kurum a ndzəɗa aà mege dukw ana ŋgwal ŋa ya kəla pat, nda metsìkè dukw ana ŋgwal ŋa ya hiywe mbaŋa asa.