KULUSIYA 4:3 - Bible Zulgo

³ dite hamumar aɗaba mər asa. Hamumar ka, dite mə vəl a mər vatwa aà metsìkè bazlam ŋgar a mburma, dite mìi ɗif a ter a à dukw ana makàhà ŋa aka gər Yesuw Kiristi ya parakkà lele. Aɗaba kurum kà sərum, agəra ana i ɗif a dər kamala taŋa ya, na kinehe ta gəs iye a daŋgay a.

KULUSIYA 4:3 Iomraidhean Croise

Mata 13:11

A gwaɗa a tar aaka: «Aɗaba kurum ka, Mbulum aka ɗif a kurum à dukw ana makàhà ŋa i mekwere ŋgar a, kàa mbər mesirwim. Ama gà mìsle ŋgiɗ ka, tə sər tsa.

Gà Ɓəzla Meslire 14:27

Ti ndzeha a fata tsara ka, ti yaha gər a gà mburma Mbulum ana i fataya, tə ɗama a tar dukw ana Mbulum a ge nda gà tar a tserdze. Tə sər dər ka, meme na a vəl vatwa a gà mburma ana gà Yahuda tsiye, dite na ti tike madzala gà gər tar a təv Mbulum mbaŋa ya.

RUMA 16:25

Zàmbaɗakwa à Mbulum, aɗaba ŋgat ka, a sle a aà məvəla a kurum ndzəɗa i təv megìse ana kə̀ gəsum ŋgat a ɓərɓər lele. Ar ka, kamala ana i tsikewa a mburma i təv ana i màwa a tar à bazlam ŋgwal ŋana aka gər Yesuw Kiristi ya. Bazlam ata piŋŋe ka, makàhà ŋa. Ama kinehe ka, Mbulum aka pàt a kwa dər parakkà, a mà dər ka, kamala taŋa ya mbaŋa. Akahər ata piŋŋe ka, Mbulum aka tike aaka zlìmbits.

1 Kurintiya 16:9

Aɗaba Yàa ŋgat vatwa aà megemir Mbulum parakkà lele, a de a aka miɗ aka miɗ. Dite asa ka, agəra ana gà ɓəzla mene are gà ɗa hinne i faha, ti nisiŋ a à mege megemir a.

1 Kurintiya 4:1

A sèsiŋ ka, ku weke ma sər dər, mər ka, gà ɓəzla megemir Yesuw Kiristi. Aɗaba Mbulum a dza dukw ŋgar ana makàhà ŋa akahər ata ya ka, ahər a mər, na dite mìi ɗif a dər a mburma parzakkà ya.

2 Kurintiya 2:12

I mah ba ka, i da a Turuwas aà metsìkè bazlam ŋgwal ŋa ana aka gər Yesuw Kiristi ya, a mburma. I ndzeha a fata ka, BATSAH kwa ŋa aka lèmbeɗiŋ aba təv a, a viliŋ vatwa aà metsìkè ŋa parakkà lele.

EFESIYA 3:1

Aɗaba taŋa na iye Pul, iye ihər i heme a a Mbulum agəra kurum. Ta gəs iye a daŋgay ka, aɗaba kurum ana gà Yahuda tsiye, agəra ana iye mala meslire Yesuw Kiristi ya.

EFESIYA 3:3

Mbulum aka ɗifiŋ à dukw ana piŋŋe makàhà ŋa akahər ata ya, kərga na i lah mewetse a kurumaha zaakwa ya mbaŋa.

EFESIYA 3:4

Na kàa dzeŋgwim dukw ata ka, ki sirwim a dər ka, meme na iye i sər dukw ana makàhà ŋa aka gər Yesuw Kiristi piŋŋe ya lele kuɗa.

EFESIYA 3:9

Aka viliŋ vatwa aà meɗìfè dər a mburma tserdze ka, meme na dukw ana a tsik piŋŋe nda akəl ka, dite ka, a ge a ba kaɗəŋ a. Mbulum ana a ge dukw tserdze ya, na a kaha dukw ata aà gà mburma ya ya. A kaha dukw ata ka, daga piŋŋe, akahər ana aka ge gər ahəɗ zukw tsa haa kinehe ya.

EFESIYA 4:1

Kərga taŋa ya, iye ka, iye i daŋgay, aɗaba ana iye mala meslire Yesuw Kiristi BATSAH kwa ŋa ya. Iye ihər i ge kurum a kamkam: Ama mede kurum ma ge ka, kamala biy ana Mbulum a waya, a zal a kurum dər a.

FILIPIYA 1:19

Aɗaba i sər, mendze gà ana i faha ya ka, duwa tserdze a ge a ba lele na i təv ga ya. Mbulum a mbil a à iye i mesewere are ya, aɗaba ana kurum riŋ ihər ki hemwimer a aɗaba iye ya, dite ka, Mezite Mesife Yesuw Kiristi à zlèk a iye mbaŋa.*fa*

FILIPIYA 1:7

Ŋgwal ŋa lele na iye ihər i dzele a kamala taŋa ya, dite i ndze a ka, ndzəɗakkà na agəra kurum a. Aɗaba kà dwimiŋ gər lele. Aɗaba kurum nda gà iye tserdze ka, Mbulum aka ge a kwa ŋgwal ŋa, na dite ki zlèkwim a iye ana gədzə̀zlzla mandza ŋa i daŋgay a, dite i təv ana i tsikewa ŋgwal bazlam ana biy Yesuw Kiristi ika miɗ seriye, i ɗif a à ndzer ŋana ya mbaŋa.

KULUSIYA 1:26

Daga aà gər ana Mbulum a ge gər ahəɗ a, bazlam ata ka, makàhà ŋa aà mburma ya, dèrze ikəka, wura a sər tsa. Ama kinehe ka, aka pàt dər a gà mburma ŋgar parakkà lele.

KULUSIYA 4:18

Iye Pul, nda ahər gà ŋa, na naha, i tsìmìɗ dər, i wetse a kurumaha bazlam aaha ya. I ge a kurumaha wusa. Mə̀ məts a kurum gər tsa, na iye ɗa mandza ŋa i daŋgay gədzə̀zlzla ya. Mbulum ma ge a kurum ŋgwal tserdze.

1 TESALUNIKE 5:25

Gà damər gà, hamum a Mbulum aɗaba mər mbaŋa.

2 TIMUTE 1:16

I heme a a BATSAH kwa ŋa, na dite gà mburma ana i ga i bəra Winesifarus a, ti ndzer a are tsehe ya. Aɗaba ku mege iye riŋ i daŋgay tekeɗe ka, wele ata a ge a hwarwa a mburma, aɗaba iye tsa. A mèwiŋaha à arəv ka, hinne.

2 TIMUTE 2:9

Aɗaba ŋgwal bazlam ata na iye ihər i sèwèr a are, tə dàn iye i daŋgay nda tsitsirɓe gədzə̀zlzla, kamala ana iye mala bakal a ya. Ama bazlam Mbulum kə̀la ka, tsitsik tsitsik ti sle aà meŋgete a, dite ta gis a a daŋgay tsidze.

2 TIMUTE 4:2

Ama kər ka, i gik a kamkam: Tsikewa bazlam Mbulum a mburma hiywe, ku mege bəla a tsahən aà tar tsa tekeɗe ya. Na bəla ta ge a dukw ana ŋgwal ŋa tsiye ka, ɗif a tar à metsehe lele, dza aà tar magəɗa, aɗaba gà bakal tar, dite kà ma a taraha à arəv aɗaba mazazama vatwa Mbulum. Dzeŋge a tar dukw ana a de a ndaka vatwa Mbulum a kəla pat, ka ti ya ba tsa.

FILIMUN 1:22

Ama i təv ana kàa gəs Unesimus a ga a ma yak a ka, kà lèmbeɗiŋ riŋ təv mehinne i fata mbaŋa. Aɗaba i dzala ka, Mbulum a tsereke a dukw ana kà wizwim a ya, na dite a viliŋ a vatwa aà madaha a təv kurum a.