KULUSIYA 4:2 - Bible Zulgo

² Ku mege ndeɗime tekeɗe ka, ndiɗikwime gər aà mahàmà a Mbulum, ka ti yum ba tsidze. I təv ana ki hemwimer a ya ka, gwimer kəkaaha mbaŋa,

KULUSIYA 4:2 Iomraidhean Croise

Mata 26:41

I dəba ŋa ya, a gwaɗa a tar asa: «Ndzum nda metsehe, kà hamum a Mbulum, dite ka tə də̀ɗum aka məbàzà za Əbay sitene tsa. Ama kurum ka, kàa wayum lele, ba kurum na a sle a aà magəsa ŋa tsiye pəra.»

Markus 13:33

Gwim metsehe daga aà kinehe ya, ka ndzum are tsa, aɗaba kà sərum pat ŋa tsa.

Luka 18:1

I dəba ŋa ya, Yesuw a tsik bazlam minew a gà ɓəzla mazazama ŋgat ata, aà meɗife a tar dər ka, say ta hama a Mbulum hiywe, ti ye ba tsidze.

Luka 21:36

Ka ndzwim are tsa, hamum kəla pat, dite ka, ka ŋgatum ndzəɗa aà mibe dər i təv gà dukw ata tserdze ti dere a ya. I dəba ŋa ya, ki ta hitswim a aka miɗ gà lele, iye, *wur ana a dara i təv Mbulum a kuɗa.»

Gà Ɓəzla Meslire 1:14

Tar ata tserdze ya, nda gà məkəs, ti yahawaba gər aà mahàmà a Mbulum nda gà Mariya məmər Yesuw, dite nda gà damər Yesuw fit tserdze.

RUMA 12:12

Ŋgayawum ba aɗaba madzala gà gər aka dukw ana Mbulum a gwa, i ta vile a kurum a i sida ya ya. I təv ana ki sèwèrwim a are ya ka, mərum aba sah lele, bàsumaraha. Hamum a Mbulum kəla pat, kà yum ba tsa.

EFESIYA 6:18

Hamum a Mbulum nda gəzləŋ ilik kəla pat, dite gwimer kamkam nda ndzəɗa Mezite Mesife ŋgar. Ka ti ywim ba tsa, ndzum nda metsehe, hamum a Mbulum kəla pat agəra gà asiŋ gà mburma ŋgar ŋgiɗ.

FILIPIYA 4:6

Ka tə dzalum duwa kwizikw tsidze. Ama ɗifwim à gà dukw ana tàa sle aà kurum tserdze ya ka, a ahər a Mbulum ivaɗ. Hamumar, mà zlak kurum, dite ki gwimer a kəkaaha mbaŋa.

KULUSIYA 1:9

Aɗaba taŋa, daga a pat ana mì tsaraka taŋa ya ka, mì hamawa a Mbulum kəla pat, aɗaba kurum. Mər ihər mìi hemer a ka, dite ma ɗif a kurum à dukw ana ŋgat a waya ya parakkà, a vile a kurum a metsehe ana Mezite Mesife ŋgar a vile a kurum a ya, na dite ki sirwim a dukw ana a de a ndaka vatwa ŋgar a.

KULUSIYA 2:7

Ndzum ka, i ahər ŋgar, kamala dizl ɗaf ana nduŋŋa meŋgè zlile ŋa i biye ya. Megìse kurum ana kə̀ gəsum ŋgat nda gəzləŋ a ka, ma da aka miɗ aka miɗ, ma ge ɓəŋɓəŋ lele. Gəsum ka, dukw ana ti ɗif a kurum dər a, dite ka, ki gwim kəkaaha a Mbulum kəla pat mbaŋa.

KULUSIYA 3:15

Matasla yam ana Yesuw Kiristi a vəl a kurum a ka, mà rah a gəzləŋ kurum lele. Aɗaba Mbulum a zal a kurum ka, na dite kà nwim ba ilik, ki ŋgetwim a mandza zayzay ata ya. Gwim kəkaaha a Mbulum kəla pat.

KULUSIYA 3:17

Dukw ana ki gwim a ya, ndəna ki tsikwim a tserdze ya ka, gwim nda zləm Yesuw Kiristi BATSAH kwa ŋa. Ki gwim kəkaaha a Mbulum Tsir kwa nda zləm ŋgar mbaŋa.

KULUSIYA 4:12

Apafəras ana a dara i kwite kurum a tekeɗe, a ge a kurumaha wusa asa mbaŋa. Ŋgat ka, mala megemir Yesuw Kiristi. Ku mege ndeɗime tekeɗe ka, a hamawa a Mbulum aɗaba kurum. A mərawa aba ka, hinne. A hamawa ka, na dite ki ndzwim a ɓəŋɓəŋ lele, ki nwim a gà bàba gà mburma ika miɗ Mbulum, dite ki sirwim a dukw ana Mbulum a waya ya lele, ki dzwìmer a zləm a.

1 PIYER 4:7

Ama kinehe ka, pat mandəvandəv gər ahəɗ aka à mendzera. Gwim metsehe, kaslum ba kurum lele, dite na ki slwim a aà mahàmà a Mbulum a.